12 декабрь
көнө
12 декабрь — григориан стиле буйынса йылдың 346-сы көнө (кәбисә йылында 347-се). Йыл аҙағына тиклем 19 көн ҡала.
| ← декабрь → | ||||||
| Дш | Шш | Шр | Кс | Йм | Шм | Йк |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
| 2019 йыл | ||||||
Байрамдар
Халыҡ-ара байрамдар
Милли байрамдар
Ҡаҙағстан — Таможня хеҙмәткәрҙәре көнө.
Кения — Бойондороҡһоҙлоҡ көнө.
Рәсәй — Конституция көнө.
Төркмәнстан — Төркмәнстандың нейтралитет көнө.
Украина — Ҡоро ер ғәскәрҙәре көнө.
Һөнәри байрамдар
Тарихи ваҡиғаларҮҙгәртергә
- 1911 — Һиндостан баш ҡалаһы Калькуттанан Делиға күсерелә.
- 1955 — быға тиклем эшселәр ҡасабаһы булған Братск ҡала статусы ала.
- 1989 — СССР халыҡ депутаттарының икенсе съезы асыла[1]
- 1991 — РСФСР СССР төҙөлөү тураһындағы 1922 йыл килешеүен ғәмәлдән сыҡҡан тип иғлан итә һәм СССР Юғары Советынан үҙ депутаттарын саҡырып ҡайтара.
- 1993 — Берҙәм тауыш биреү һөҙөмтәһендә Мортаза Рәхимов Башҡортостан Республикаһының тәүге Президенты итеп һайлана.
- 1993 — Рәсәй Федерацияһының яңы Конституцияһы ҡабул ителә[2].
Был көндө тыуғандарҮҙгәртергә
Башҡортостан менән бәйле шәхестәрҮҙгәртергә
0 һәм 5 һанына тамамланған йылдарҙа тыуғандарҮҙгәртергә
1 һәм 6 һанына тамамланған йылдарҙа тыуғандарҮҙгәртергә
- Асҡаров Сәлимгәрәй Сәхибгәрәй улы (12.12.1936—8.03.1991), хеҙмәт алдынғыһы. 1960—1991 йылдарҙа Стәрлетамаҡ синтетик каучук заводы эшләй: аппаратсы, смена начальнигы, инженер-технолог, 1979—1987 йылдарҙа бүлек начальнигы була. Социалистик Хеҙмәт Геройы (1976).
2 һәм 7 һанына тамамланған йылдарҙа тыуғандарҮҙгәртергә
- Чекмарёв Әлим Рәүил улы (12.12.1957), Бөрө үҙәк район дауаханаһының баш табип урынбаҫары, Башҡортостан Республикаһының атҡаҙанған табибы.
3 һәм 8 һанына тамамланған йылдарҙа тыуғандарҮҙгәртергә
- Ситдиҡова Әҙиә Хәбибулла ҡыҙы (12.12.1913—29.05.2000), рәссам. 1964 йылдан СССР Рәссамдар союзы ағзаһы. Башҡорт АССР‑ының халыҡ рәссамы (1983). Башҡортостан Республикаһының Салауат Юлаев исемендәге дәүләт премияһы лауреаты (1993).
- Синицын Василий Иванович (12.12.1918—14.10.1971), Бөйөк Ватан һуғышында ҡатнашҡан хәрби хеҙмәткәр, осоусы, гвардия капитаны. Советтар Союзы Геройы (1945).
- Шумейко Григорий Григорьевич (12.12.1923—1977), Бөйөк Ватан һуғышында ҡатнашҡан хәрби хеҙмәткәр, танк взводы командиры (1945). Артабан юғары хәрби училище уҡытыусыһы, гвардия полковнигы (1966). Советтар Союзы Геройы (1945). Сығышы менән Стәрлетамаҡ ҡалаһынан.
- Ризуанова Хәтижә Йәғәфәр ҡыҙы (12.12.1933—7.06.1999), мәғариф ветераны, математика буйынса методик әсбаптар һәм шиғыр китаптары авторы. СССР-ҙың (1977) һәм Башҡорт АССР-ының мәғариф отличнигы (1963).
- Рауил Бикбаев (12.12.1938), шағир, әҙәбиәт белгесе, йәмәғәт эшмәкәре. 1966 йылдан СССР Яҙыусылар союзы ағзаһы. 1995—2011 йылдарҙа Башҡортостан Яҙыусылар союзы идараһы рәйесе, 2008—2013 йылдарҙа Башҡортостан Республикаһының дүртенсе саҡырылыш Дәүләт Йыйылышы — Ҡоролтай депутаты, Мәғариф, фән, мәҙәниәт, спорт һәм йәштәр эштәре буйынса комитет рәйесе. Башҡортостан Фәндәр академияһының мөхбир ағзаһы (2008), филология фәндәре докторы (1996). Башҡортостандың халыҡ шағиры (1993), Башҡортостан Республикаһының атҡаҙанған фән эшмәкәре (1997), Сыуаш Республикаһының атҡаҙанған мәҙәниәт хеҙмәткәре (2003). Башҡортостан Республикаһының Салауат Юлаев исемендәге дәүләт премияһы (1989) һәм республика комсомолының Ғәлимов Сәләм исемендәге премияһы (1970), шулай уҡ Рәми Ғарипов (1992) һәм З. Биишева (2003) исемендәге премиялар лауреаты. Почёт (2009), Дуҫлыҡ (2000), «Башҡортостан Республикаһында күрһәткән хеҙмәттәре өсөн» (2008) һәм Салауат Юлаев (2003) ордендары кавалеры. Өфө ҡалаһының почётлы гражданы (1999).
- Ғәйфуллина Рәмзиә Мөҙәрис ҡыҙы (12.12.1938), малсылыҡ алдынғыһы. 1954—1962 йылдарҙа Туймазы районының А. Матросов исемендәге колхозында сусҡа ҡараусы, 1962—1970 йылдарҙа — комплекслы бригада бригадиры, 1971—1974 йылдарҙа һөт-тауар фермаһы мөдире, 1977— 1993 йылдарҙа — зоотехник. Социалистик Хеҙмәт Геройы (1960).
- Раянов Фәнис Мансур улы (12.12.1938), хоҡуҡ белгесе, юғары мәктәп эшмәкәре. Башҡортостан Республикаһы Фәндәр академияһының мөхбир ағзаһы (1995), юридик фәндәр докторы (1982), профессор (1983), Башҡорт АССР-ының атҡаҙанған фән эшмәкәре (1984), Рәсәй Федерацияһы почётлы юғары профессиональ белем биреү хеҙмәткәре (1998).
- Үҙәнбаев Шәмсетдин Ибраһим улы (12.12.1938), партия һәм хужалыҡ эшмәкәре, элемтә хеҙмәте ветераны. 1982—1989 һәм 1992—2001 йылдарҙа Баймаҡ районы элемтә үҙәге начальнигы. Башҡортостандың атҡаҙанған элемтәсеһе, «Почёт Билдәһе» ордены кавалеры. Сығышы менән хәҙерге Башҡортостан Республикаһының Баймаҡ районы Түбә ауылынан.
- Хәлиуллин Мәғсүм Иҙрис улы (12.12.1938), ауыл хужалығы ветераны, Шаран районының «Правда» колхозының элекке механизаторы. Башҡорт АССР-ының атҡаҙанған ауыл хужалығы хеҙмәткәре. Сығышы менән хәҙерге Башҡортостан Республикаһының Шаран районы Ерекле ауылынан.
4 һәм 9 һанына тамамланған йылдарҙа тыуғандарҮҙгәртергә
Дөйөм исемлекҮҙгәртергә
- 1766 — Николай Михайлович Карамзин, рус яҙыусыһы.
- 1799 — Карл Павлович Брюллов, рус рәссамы.
- 1821 — Гюстав Флобер, француз прозаигы, реалист.
- 1863 — Эдвард Мунк, Норвегия рәссамы.
- 1905 — Василий Семёнович Гро́ссман, рус совет яҙыусыһы.
- 1925 — Владимир Яковлевич Шаинский, совет һәм Рәсәй композиторы.
- 1928 — Сыңғыҙ Айытматов, ҡырғыҙ яҙыусыһы.
- 1941 — Виталий Соломин, совет һәм Рәсәй театр һәм кино актёры, РСФСР-ҙың халыҡ артисы (1992.
Был көндө вафат булғандарҮҙгәртергә
- 1766 — Иоганн Кристоф Готшед, нимес ғалимы.
- 1792 — Денис Иванович Фонвизин, рус яҙыусы.
- 2003 — Алиев Гейдар Алирза оглы, Әзербайжандың 1993—2003 йылдарҙағы президенты.
