Салауат Юлаев (хоккей клубы)

	Салауат Юлаев
Ил:	Башҡортостан
Ҡала:	Өфө
Нигеҙләнгән:	1961
Элекке исемдәре:	СКСЮ (1989 йылға тиклем)
Өй аренаһы:	Өфө-Арена (8 070)
Төҫтәр:
Хоккей лигаһы:	КХЛ
Дивизионы:	Чернышёв
Конференцияһы:	Көнсығыш
Баш тренеры:	Томи Ламса
Генераль директор:	Александр Курносов
Капитан:	Григорий Панин
Аффилир-клубы:	Торос; (Юғары Хоккей Лигаһы); Толпар; (Йәштәр Хоккей Лигаһы)
Трофейҙар:	Рәсәй чемпионаты; 2008,2011; ; Гагарин кубогы; 2010 2011 ; ; ; Континент кубогы; 2010;
Конференцияла еңеүҙәр:	1 (2010-2011)
Даими миҙгелдә еңеүҙәр:	2 (2008-2009, 2009-2010)
Дивизионда еңеүҙәр:	3 (2008-2009, 2009-2010, 2017-2018)
Рәсми сайт:	http://hcsalavat.ru
Аффилир КМС:	БЮТ

«Салауат Юлаев» хоккей клубы — Өфө ҡалаһында 1961 йылда ойошторолған шайбалы хоккей командаһы. Башҡорт халҡының милли батыры Салауат Юлаев исемен йөрөтә. 2008 йылдан Рәсәйҙең Континенталь хоккей лигаһы составында уйнай. Ике тапҡыр Рәсәй чемпионы, Гагарин Кубогын яулаусы, Рәсәй чемпионатының беренсе лигаһында дүрт тапҡыр еңеүсе. Европалағы иң көслө хоккей командаларының береһе^[1].

Тарихы

Торпедо 0-6 Салауат Юлаев, 1983 йыл

«Салауат Юлаев» хоккей клубы 1961 йылдың 25 ноябрендә Өфөлә ойошторола. 1963 йылдың көҙөнә тиклем «Салауат Юлаев» СССР-ҙың беренсе лигаһының «Б» класы буйынса ҡатнаша. 1961 йылда СССР-ҙың хоккей федерацияһы «Салауат Юлаев» командаһын 2-се эшелон совет хоккейы беренселегенә индерә, «А» класы буйынса 1-се матчты уйнай. «Салауат Юлаев» 1964 йылдың 15 ноябрендә Түбәнге Тагил ҡалаһында «Спутник» командаһы менән 5:1 иҫәбе менән ҡалып үткәрә. «А» класында беренсе шайбаның авторы Бронислав Селиванов була.

«Салауат Юлаев» Болгария, Дания, Латвия, Польша, Румыния, Финляндия, Хорватия, Чехословакия, Швейцария, Швеция йыйылма һәм клуб командалары менән 77 халыҡ-ара матч үткәрә (66 еңеү, 5 отошһоҙ, 5 еңелеү (2000 йылдың яҙы). Беренсе халыҡ-ара матч 1961 йылдың 30 декабрендә Өфөлә «Висмут» менән уйнала.

Бөтә клуб тарихында иң яҡшы бомбардир — Владимир Быков.

1978 йылда «Салауат Юлаев» совет хоккейының юғары лигаһына сыға һәм тәнәфестәр менән 5 йыл уйнай (1978/1979, 1980/1981, 1982/1983, 1985/1986, 1986/1987). 1992 йылдан «Салауат Юлаев» Милләт-ара хоккей лигаһында, 1997 йылдан — Рәсәй хоккей лигаһында уйнай. 2007/2008 йылдар миҙгелендә клуб — даими чемпионатта, ә унан һуң Рәсәй чемпионатында еңә.

Континенталь хоккей лигаһында сығыш яһауы

2008/09: Үкенесле еңелеү

«Салауат Юлаев» Рәсәй чемпионатын еңгәс, бөтә Рәсәй көслө командалыры кеүек яңы барлыҡҡа килгән Континенталь хоккей лигаһында ҡатнаша башлай. Миҙгел алдынан Рәсәй йыйылма командаһы һәм «Нэшвилл Предаторз» Милли хоккей лигаһы клубы һөжүмсеһе Александр Радулов менән килешеү төҙөлә. Уның Рәсәйгә ҡайтыуы МХЛ һәм КХЛ араһында ҙур ғауға тыуҙыра, сөнки Радуловтың МХЛ клубы менән ғәмәлдәге контракты була.

Асыш кубогы өсөн уйында Ярославлдең «Локомотив» хоккей клубын 4:1 иҫәбе менән еңә, артабан даими чемпионатты 129 мәрәй йыйып еңәләр (икенсе урында булған «Аҡ Барста» — 122 мәрәй). Тәүге миҙгелдә Континент кубогы тапшырылмай, даими миҙгелдең еңеүсеһе тип «Салауат Юлаев» билдәләнә. Плей-офф уйындарының тәүге раундында команда көтмәгәндә даими чемпионатта 16-сы урын алған Омскиҙың «Авангардына» отола һәм Гагарин кубогы уйындарынан төшөп ҡала. Европа аренаһында «Салауат Юлаев» үҙ төркөмөндә тәүге урынды яулай һәм ярымфиналға сыға. Шунда ул ике уйын һөҙөмтәләре буйынса Магнитогорскиҙың «Металлург» командаһына отола (2:1; 1:3).

Команданың сығыш яһауы уңышһыҙ тип билдәләнә һәм баш тренер Сергей Михалев эшенән ҡыуыла. Рәсәй йыйылма командаһының баш тренеры Вячеслав Быков «Салауат Юлаевтың» яңы баш тренеры була. Вячеслав Быков — Игорь Захаркин тандемы менән контракт ике йылға төҙөлә.

2009/10: БиЗ тандемы бронза килтерә

Миҙгел алдынан клуб Рәсәй йыйылма командаһы уйынсылары һәм донъя чемпиондары Сергей Зиновьев һәм Дмитрий Калинин менән килешеү төҙөй һәм командаға Патрик Торесен килә. Чемпионат барышында алмашыу һөҙөмтәһендә команданы Петр Счастливый тулыландыра. Клубтан Алексей Терещенко һәм Игорь Щадилов китә.

«Салауат Юлаев» өсөнсө тапҡыр рәттән даими чемпионатты һәм Континент кубогын еңә. Үткән миҙгелдәге кеүек Өфө командаһы 129 мәрәй йыя (икенсе урында булған СКА командаһында — 122 мәрәй). Гагарин кубогы уйындарының тәүге раундында «Салауат Юлаев» өс еңеүгә тиклем серияла дүрт уйында Екатеринбургтың «Автомобилист» хоккей клубын еңә. Икенсе стадияла алты уйында Нижнекамскиҙан «Нефтехтимик» отола. Көнсығыш конференцияһы финалында «Салауат Юлаев» Ҡазандың «Аҡ Барс» командаһына серияла 2:4 иҫәбе менән отола һәм үҙ тарихында дүртенсе тапҡыр Рәсәй чемпионатының бронза миҙалын ала.

2010/11: Чемпиондар

Миҙгел алдынан клуб швед ҡапҡасыһы Эрик Эрсберг, Рәсәй йыйылма командаһы һөжүмсеһе һәм Донъя чемпионы Олег Сапрыкин, һөжөмселәр Александр Свитов һәм Якуб Клепиш менән көсәйә. Ә Александр Пережогин команданан китә.

«Салауат Юлаев» даими чемпионатта Көнсығыш конференцияһында икенсе урын яулай. Гагарин кубогының тәүге раундында «Себер» командаһын дүрт уйында үтә. Плей-офф икенсе стадияһында принципиаль дәғүәсеһен — Ҡазандан «Аҡ Барсты» биш уйында серияла еңә. Конференция финалында «Салауат Юлаев» ете уйында магнитогорскиҙың «Металлург» командаһын ота һәм үҙ тарихында тәүгегә Гагарин кубогы финалына сыға. Финалда Өфө хоккейсыларына Көнбайыш конференцияһы финалында «Локомотив» хоккей клубын еңгән «Атлант» эләгә. Юлаевсыларға дәғүәсеһен отор өсөн биш уйын үткәрергә тура килә. «Салауат Юлаев» үҙ тарихында тәүгегә Гагарин кубогын һәм икенсегә Рәсәй чемпионатының алтын миҙалдарын еңә. Чемпионат һөҙөмтәләре буйынса КХЛ иң яҡшы бомбардиры Александр Радулов була.

2011 йылдың май айында Вячеслав Быков һәм Игорь Захаркин менән килешеүҙәр ваҡыты бөтә. Уларҙың контрактары ҡыйбат булғанға белгестәр менән килешеүҙәр яңынан төҙөлмәй. Яңы баш тренер итеп Сергей Михалёв тәғәйәнләнә.

2011/12: Тренерҙар алмашыныуы

Миҙгел тамамланғас команданан Александр Ерёменко, Дмитрий Калинин, Кирилл Кольцов, Владимир Антипов һәм Патрик Торесен кеүек мөһим уйынсылар китә. Клуб Игорь Мирнов, Игорь Радулов, Максим Сушинский һәм Антти Пильстрем менән көсәйә.

Миҙгел алдынан йыйылыуҙар ваҡытында яңы баш тренер Сергей Михалёв һәм команданың йондоҙо Александр Радулов араһында конфликт хәл килеп сыға. Был һүҙҙәрҙең көсөн Александр үҙе нығыта. Ул твиттерҙа үҙенең дуҫына Евгений Малкинға «mal, menya trener za…l, obmenna poroshu» тип яҙа. Был хат хәбәрҙән таҫмаһына үтә һәм тиҙ генә хоккей рунетының төп мемға әйләнә.

«Салауат Юлаев» һәм «Атлант» араһында асыш кубогы өсөн уйын бортында ярославлдең «Локомотив» командаһы булған ЯК-42 самолетының авиаһәләкәте арҡаһында туҡтай. Яңынан ҡабат уйында «Салауат Юлаев» үҙ тарихында икенсегә Асыш кубогын еңә — «Атлант» 5:3 иҫәбе менән отола, ә «юлаевсылар» уйын барышында 0:3 иҫәбе менән еңелеп бара. Әммә был уңыш локаль ғына була, ғәмәлдәге ил чемпионы даими чемпионатта тотороҡһоҙ сығыш яһай. Ноябрҙә үк Сергей Михалёв отставкаға китә. Ваҡытлыса баш тренер вазифаһын башҡарыусы роленә команданың тренер штабына 2001 йылдан кергән Венер Сафин тәғәйәнләнә. Венер Сафин һаҡсы Олег Твердовскийҙан һәм һөжүмселәр Максим Сушинский менән Якуб Клепиштан баш тарта. Баш тренерҙы алмаштырғас команданың уйыны тигеҙләнә һәм «Салауат Юлаев» даими чемпионатты үҙ конференцияһында бишенсе урында тамамлай. Гагарин кубогының тәүге раундында «Салауат Юлаев» алты уйында ҡазандың «Аҡ Барс» хоккей клубына еңелә.

2012/13: Радуловһыҙ тәүге миҙгел

Миҙгел алдынан команданан һуңғы йылдарҙа иң мәргән уйынсыһы һөжүмсе Александр Радулов китә. Александрҙың клуб менән ғәмәлдәге контракты булғанға күрә, уның күсеүе өсөн ЦСКА 250 миллион һумға тиң булған рекорд компенсация Өфө клубына түләй.

Миҙгел барышында отставкаға команданың баш тренеры Венер Сафин китә, уның урынына Владимир Юрзинов-кесе килә. «Салауат Юлаев» даими чемпионатты үҙ конференцияһында бишенсе урында тамамлай. Конференция сирекфиналында Өфө хоккейсылары магнитогорскиҙың «Металлургын» ете уйында үтә. Артабан шулай уҡ ете уйында «Салауат Юлаев» «Аҡ Барсҡа» еңелә һәм миҙгелен тамамлай.

2013/14: Тәүге көмөш миҙал

Даими чемпионатта «Салауат Юлаев» көнсығыш конференцияһында дүртенсе һәм дөйөм таблицала һигеҙенсе урындарға күтәрелә. Конференцияның сирек финалында команда ете уйын һөҙөмтәһендә Түбәнге Новгородтың «Торпедоһын» ота. Плей-оффтың икенсе раундында алты уйында «Барыҫ»ты дүрт тапҡыр еңеүгә өлгәшә. Көнсығыш конференцияһының финалында иһә «Салауат Юлаев» биш уйын һөҙөмтәһендә Магнитогорскиҙың «Металлург» командаһынан дүрт тапҡыр еңелеүгә дусар була. Шулай итеп, миҙгел йомғаҡтары буйынса, Башҡортостан хоккейсылары лигала өсөнсө урын ала һәм үҙ тарихында тәүгегә Рәсәй чемпионатының көмөш миҙалдарын яулай.

2014/15: Гросс эпохаһы тамамлана

Миҙгелдәр араһы ваҡытында командана бер-нисә мөһим уйынсы китә: Игорь Мирнов «Аҡ Барс» менән контракт төҙөй, Никита Филатов «Юграға» күсә, Сергей Зиновьевтың килешеү ваҡыты бөтә, Виталий Прошкин карьераһын тамамлай, Брент Сопел АХЛ-ға китә, ә Андрей Василевский Милли хоккей лигаһы клубы «Тампа Бэй Лайтнинг» менән йәш уйынсы контрактын төҙөй. Клуб Евгений Скачков, Игорь Скороходов, Дмитрий Сёмин, Александр Кутузов һәм Виталий Коваль менән тулылана. Мөһим уйынсыларҙы юғалтыу, даими чемпионат барышында үткәрелгән уңышһыҙ трансфер политикаһы команданың баш тренеры Юрзинов һәм генераль менеджер Олег Гросс араһында конфликтҡа күсә. Һуңғыһы 2014 йылдың декабрендә отставкаға ҡыуыла. Шулай итеп Олег Гросстың «Салауат Юлаев» командаһында 2006 йылдан 2014 йылға тиклем дауам иткән һәм клуб тарихында иң уңышлы булған эпохаһы тамамлана.

Чемпионат барышында команданың генераль бағыуысыһы «Урал» хәйриә фондының активтарына арест һалынғас ҡыйынлаҡтар барлыҡҡа килә. 2015 йылдың февралендә бөтә Башҡортостан хоккей вертикаленең генераль бағыусыһы алмашыныуы үтә: клубтың яңы генераль бағыусыһы итеп ЯАЙ АКБО «Башнефть» нефть компанияһы була. Команданың етәкселегендә лә үҙгәрештәр була. Клуб президенты вазифаһына Сергей Молчанов килә, ә генераль директоры Александр Семак була.

Даими чемпионатта «Салауат Юлаев» Көнсығыш конференцияһында алтынсы урын яулай. Конференция сирекфиналында команда биш уйында магнитогорскиҙың «Металлург» командаһына еңелә. Миҙгел тамамланғас баш тренер Владимир Юрзинов менән контракт оҙайтылмай.

2015/16: Яңы команда һәм бронза миҙалдар

2015 йылдың 1 май көнөндә команданың баш тренеры итеп Анатлоий Емелин тәғәйәнләнә, яңы генераль менеджер Леонид Вайсфельд була. Ҡапҡасылар Никлас Сведберг, Рафаэль Хакимов, һаҡсылар Роман Дерлюк, Филипп Метлюк, Сами Лепистё, Захар Арзамасцев, һөжүмселәр Сергей Соин, Энвер Лисин, Александр Нестеров, Линус Умарк, Артем Чернов һәм Игорь Григоренко менән килешеүҙәр төҙөлә. Миҙгел башланыр алдынан Александр Кутузовты ЦСКА командаһына Андреас Энгквист менән Николай Прохоркинға алмаштыралар. Сентябрҙә Иван Лекомцевты «Авангардҡа» Максим Гончаров урынына алмаштыралар. Миҙгел барышында командаға Максим Майоров, Кирилл Кабанов һәм Олег Сапрыкин киләләр. 1 октябрҙә насар һөҙөмтәләр арҡаһында Анатолий Емелинды Игорь Захаркин алмаштыра, ә Емелин баш тренер ярҙамсыһы роленә күсә. Команданың һөҙөмтәләре яҡшыра.

Даими миҙгел һөҙөмтәләре буйынса «Салауат Юлаев» конференцияла дүртенсе урында урынлаша. Гагарин кубогының тәүге раундында «Аҡ Барс» ете уйында отола. Шул уҡ хәтлем уйын омскиҙан «Аванард» командаһын үтер өсөн кәрәк була. «Салауат Юлаев» һуңғы өс йылда икенсе тапҡыр конференция финалына сыға. Һәм өсөнсө йыл рәттән магнитогорскиҙың «Металлург» командаһына биш уйында отола. Миҙгел тамамланғас команданың баш тренеры Игорь Захаркин менән килешеү ике йылға оҙайтыла.

2016/17: артҡа ике аҙым

Команданан Дмитрий Макаров, Денис Хлыстов, Кирилл Кабанов, Владимир Сохатский, Рафаэл Хәкимов, Иван Вишневский, Олег Сапрыкин, Артем Чернов, Роман Дерлюк, Филипп Метлюк һәм Николай Прохоркин китә. Ә клубтың составын Денис Куляш, Константин Корнеев, Евгений Бодров, Кирилл Капризов, Дмитрий Воробьёв, Андрей Литвинов, Григорий Ващенко, Александр Кудреман һәм Иван Федотов тулыландыра. Шулай уҡ «Салауат Юлаев»тың әле Төньяҡ Америкала уйнаған Сергей Бойковҡа хоҡуғы барлыҡҡа килде.^[2]. Миҙгел барышында команда составын Игорь Макаров, Денис Паршин, Томаш Мертл һәм Евгений Коротков тулыландыра. Команда даими миҙгелде конференцияла алтынсы урында ғына тамамлай, ә плей-оффтың беренсе раундында «Аҡ Барс» хоккей клубына биш уйында еңелә. Даими чемпионат барышында «Салауат» үҙ тарихында КХЛ-да тәү тапҡыр рәттән туғыҙ тапҡыр еңелә.

2017/18 — тәүге сит илдән баш тренер менән

Үткән миҙгел тамамланғас уҡ команданан баш тренеры Игорь Захаркин, уның ярҙамсылары Кирилл Кореньков һәм Анатолий Борщевский китә. 2017 йылдың 24 мартында яңы баш тренер итеп Финляндия белгесе Эркка Вестерлунд ҡуйыла^[3]. Ул команданың тарихында тәүге сит ил тренеры була. Шулай уҡ командаға өсөнсөгә Илья Зубов, клуб тарихында тәүге Дания иленән уйынсы Филип Ларсен, 2016 йылда Юниорҙар йәрминкәһендә һайланған Доминик Кубалик, «Себер» хоккей клубынан Йоонас Кемппайнен, Түбәнге Новгородтан Максим Осипов, Андрей Кареев күсә. 2018 йылдың ғинуарында клуб етәкселеге генераль менеджер Леонид Вайсфельд менән контракты тамамлап ҡуялар^[4]. «Салауат Юлаев» 2010 йылдан алып тәүгегә Чернышёв дивизионында беренсе урынды яулай, ә Гагарин кубогында конференция ярымфиналына тиклем етә.

2018/2019 — Николай Цулыгин Өфө тренеры

Үткән миҙгелдән һуң «Салауат Юлаев» етәкселеге Эркка Вестерлундҡа яңы контракт бирмәҫкә булы. Уның урынына баш тренер итеп «юлаевсы» Николай Цулыгин тәғәйенләнә. «Салауат Юлаев» составын ҡапҡасы Юха Метсола, һаҡсылар Сергей Терещенко, Артем Сергеев, һөжүмселәр Владимир Жарков, Александр Кадейкин, Дмитрий Кугрышев, Вячеслав Основин һәм Петр Хохряков тулыландыра. Миҙгел барышында команданың генераль директоры итеп Александр Курносов ҡуйыла, ә спорт директоры вазифаһында Роман Беляевты Василий Чижов алмаштыра^[5]. Уйынсылар араһында үҙгәрештәр була: Артем Федоров урынына икенсе тапҡыр Өфөгә Никита Филатов килә, ә Вячеслав Основинды Александр Бурмистров алмаштыра. Ярославлгә киткән Максим Осипов урынын Павел Коледов яулай, шулай уҡ Алексей Семёнов һәм Максим Рыбин команда составын тулыландыра. Гагарин кубогы өсөн плей-оффында «Металлург» (4-2 серияла иҫәп) һәм «Автомобилист» (4-1) хоккей клубтарын үтә, 2011 йылдан бирле лигала иң яҡшы һөҙөмтә күрһәтә һәм КХЛ бронза миҙалдарын яулай.

2019/2020

Команданың төп ҡапҡасыһы Юха Метсола менән өс йылға контракт төҙөлә, ә клубҡа Михаил Пашнин, Евгений Лисовец, Сакари Маннинен, Владислав Картаев һәм Никита Сошников. Өфө менән килешеүҙәр ваҡыты Йоонас Кемппайненда, Владимир Ткачевта һәм Антон Бурдасовта тамамлана.

Сығыш яһауҙар тарихы

Милләт-ара хоккей лигаһы чемпионатының плей-офф уйындары

1992—1993

1/8 финалы: «Торпедо» Ярославль — «Салауат Юлаев» 2-0 (4:2, 9:7 бул)

1993—1994

1/8 финалы: «ЦСКА» Мәскәү — «Салауат Юлаев» 1-2 (3:2 бул, 1:5, 3:4 ө.в.)

1/4 финалы: «СКА» Санкт-Петербург — «Салауат Юлаев» 2-0 (6:4, 4:3)

1994—1995

1/8 финалы: «Итиль» Ҡазан — «Салауат Юлаев» 0-2 (2:5, 0:6)

1/4 финалы: «Салават Юлаев» — «Торпедо» Ярославль 2-0 (2:1, 3:2 бул)

1/2 финалы: «Динамо» Мәскәү — «Салауат Юлаев» 2-1 (4:3 ө.в., 1:2, 2:1)

1995—1996

1/8 финалы: «Кристалл» Саратов — «Салауат Юлаев» 0-2 (2:4, 1:4)

1/4 финалы: «Металлург» Магнитогорск — «Салауат Юлаев» 2-0 (5:1, 4:3)

«Салауат Юлаев» шайба менән хоккей буйынса Рәсәй чемпионаттарының даими беренселектәрендә

**«Салауат Юлаев» шайба менән хоккей буйынса Рәсәй чемпионаттарының даими беренселектәрендә**
Миҙгел	Урын	У	Е	ӨВЕ (+БСЕ)	Т	ӨВО (+БСО)	О	КШ	ҮШ	±Ш	М	%М
2001-2002	9	51	21	2	6	0	22	126	127	-1	73	47.71
2002-2003	8	51	20	3	9	2	17	107	87	+20	77	50.33
2003-2004	9	60	24	0	7	2	27	134	140	-6	81	45
2004-2005	13	60	19	1	7	2	31	114	156	-42	68	37.78
2005-2006	7	51	21	0	11	2	17	128	110	+18	76	49.67
2006-2007	5	54	30	1	12	1	10	152	108	+44	105	64,81
2007-2008	1	57	37	5	0	4	11	183	119	+64	125	73

Иҫкәрмәләр: У — уйындар һаны, Е — төп ваҡытта еңеүҙәр, ӨВЕ — өҫтәмә ваҡытта еңеүҙәр, БСЕ — булиттар серияһында еңеүҙәр, Т — тигеҙ иҫәптәр, ӨВО — өҫтәмә ваҡытта отолоуҙар, БСО — буллитар серияһында отолоуҙар, О — төп ваҡытта отолоуҙар, ШК — керетелгән шайбалар, ҮШ — үткәргән шайбалар, ±Ш — шайбалар айырмаһы, М — мәрәйҙәр, %М — мәрәйҙәр проценты

Рәсәй чемпионатының плей-офф уйындары

1996—1997

1/8 финалы: «Салауат Юлаев» — «Северсталь» Череповец 2-1 (7:2, 0:3, 1:0)

1/4 финалы: «Салауат Юлаев» — «Кристалл» Саратов 2-0 (5:2, 7:1)

1/2 финалы: «Торпедо» Ярославль — «Салауат Юлаев» 2-0 (2:1, 2:1 ө.в.)

Өсөнсө урыны: «Металлург» Магнитогорск — «Салауат Юлаев» 1-2 (4:3, 0:1 ө.в., 4:5 от)

1998—1999

1/8 финалы: «Молот-Прикамье» Пермь — «Салауат Юлаев» 3-1 (2:0, 3:4, 2:1 бул, 1:0)

2002—2003

1/4 финалы: «Локомотив» Ярославль — «Салауат Юлаев» 3:0 (2:1, 3:2 бул, 2:1)

2005—2006

1/8 финалы: «Салауат Юлаев» — «Спартак» Мәскәү 3:0 (3:2 бул, 2:1, 5:4)

1/4 финалы: «Аҡ Барс» Ҡазан — «Салауат Юлаев» 3:0 (4:2, 3:1, 3:1)

2006—2007

1/8 финалы: «Салауат Юлаев» — «СКА» Санкт-Петербург 3:0 (2:1 ө.в., 4:2, 3:2 бул)

1/4 финалы: «Салауат Юлаев» — «ЦСКА» Мәскәү 2:3 (5:2, 1:3, 4:3 ө.в., 0:1, 1:3)

2007—2008

1/8 финалы: «Салауат Юлаев» — «Амур» Хабаровск 3:1 (2:1, 2:0, 2:3, 7:2)

1/4 финалы: «Салауат Юлаев» — «Северсталь» Череповец 3:0 (3:1, 2:1, 3:0)

1/2 финалы: «Салауат Юлаев» — «Аҡ Барс» Ҡазан 3:1 (3:0, 1:2, 4:3, 4:3 ө.в.)

Финал: «Салауат Юлаев» — «Локомотив» Ярославль 3:2 (0:3, 2:0, 4:1, 0:1, 4:1)

Континенталь хоккей лигаһы чемпионатының даими беренселектәре һәм плей-офф уйындары

Миҙгел	У	Е	ӨВЕ	БСЕ	БСО	ӨВО	О	М	Ш	ДУ
2008-2009	56	38	4	1	3	2	8	129	203-116	1
2009-2010	56	37	4	3	3	1	8	129	215-116	1
2010-2011	54	31	9	2	2	1	9	109	176-120	3
2011-2012	54	23	3	4	4	1	18	89	173-152	8
2012-2013	52	24	2	3	6	0	17	88	148-140	9
2013-2014	54	25	3	3	4	3	16	94	155-140	8
2014-2015	60	25	2	1	4	1	27	86	158-173	14
2015-2016	60	29	3	2	1	3	22	101	179-156	9
2016-2017	60	21	2	4	10	3	20	88	169-174	14
2017-2018	56	26	4	1	3	2	20	88	151-139	10
2018-2019	62	24	6	1	5	5	21	72	158-140	11
2019-2020
Бөтәһе	624	303	42	25	45	22	186	1073	1885-1566

Иҫкәрмәләр: У — уйындар һаны, Е — төп ваҡытта еңеүҙәр, ӨВЕ — өҫтәмә ваҡытта еңеүҙәр, БСЕ — булиттар серияһында еңеүҙәр, ӨВО — өҫтәмә ваҡытта отолоуҙар, БСО — буллитар серияһында отолоуҙар, О — төп ваҡытта отолоуҙар, Ш — шайбалар, М — мәрәйҙәр, ДУ — даими миҙгелдә урыны

2008—2009

1/8 финалы: «Салауат Юлаев» — «Авангард» Омск 1:3 (3:2 ө.в., 0:1 бул, 2:3 ө.в., 1:4)

2009—2010

1/8 финалы: «Салауат Юлаев» — «Автомобилист» Екатеринбург 3:1 (5:1, 4:1, 3:4, 8:1)

1/4 финалы: «Салауат Юлаев» — «Нефтехимик» Түбәнге Кама 4:2 (6:2, 1:2 ө.в., 0:1, 1:0, 2:1 ө.в., 2:1)

1/2 финалы: «Салауат Юлаев» — «Аҡ Барс» Ҡазан 2:4 (3:4, 1:2 ө.в., 2:3 ө.в., 4:2, 2:1, 1:2)

2010—2011

1/8 финалы: «Салауат Юлаев» — «Себер» Новосибирск 4:0 (5:2, 3:1, 6:2, 5:0)

1/4 финал: «Аҡ Барс» Ҡазан — «Салауат Юлаев» 1:4 (2:3 ө.в., 1:3, 1:2 ө.в., 4:0, 0:1)

1/2 финалы: «Салауат Юлаев» — «Металлург» Магнитогорск 4:3 (4:3, 4:0, 1:2 ө.в., 4:2, 3:4, 3:5, 1:0)

Финал: «Салауат Юлаев» — «Атлант» Мытищи 4:1 (2:1 ө.в., 3:1, 3:2, 0:4, 3:2)

2011—2012

1/8 финалы: «Аҡ Барс» Ҡазан — «Салауат Юлаев» 4:2 (0:3, 3:2 ө.в., 4:3 ө.в., 3:0, 1:2, 3:2)

2012—2013

1/8 финалы: «Металлург» Магнитогорск — «Салауат Юлаев» 3:4 (3:4 ө.в., 2:0, 1:4, 3:2, 2:1, 4:5, 0:2)

1/4 финалы: «Аҡ Барс» Ҡазан — «Салауат Юлаев» 4:3 (2:3, 0:2, 3:0, 5:3, 4:3 ө.в., 3:4 ө.в., 4:3)

2013—2014

1/8 финалы: «Салауат Юлаев» — «Торпедо» Түбәнге Новгород 4:3 (1:3, 0:1, 2:1 ө.в., 4:2, 4:2, 2:6, 2:1)

1/4 финалы: «Барыс» Астана — «Салауат Юлаев» 2:4 (2:3 ө.в., 5:2, 2:5, 2:3 ө.в., 2:1, 2:3)

1/2 финалы: «Металлург» Магнитогорск — «Салауат Юлаев» 4:1 (3:2, 3:2 ө.в., 0:4, 1:0, 1:0 ө.в.)

2014—2015

1/8 финалы: «Металлург» Магнитогорск» — «Салауат Юлаев» 4:1 (2:0, 1:2, 2:1, 6:4, 2:1)

2015—2016

1/8 финалы: «Салауат Юлаев» — «Аҡ Барс» 4:3 (4:1, 5:2, 0:3, 4:1, 3:4, 0:8, 3:2)

1/4 финалы: «Авангард» Омск — «Салауат Юлаев» 3:4 (2:3 ө.в., 5:4, 1:3, 1:2, 3:2, 3:1, 1:2)

1/2 финалы: «Металлург» Магнитогорск — «Салауат Юлаев» 4:1 (3:2 ө.в., 6:1, 2:3, 3:1, 3:2 ө.в.)

2016—2017

1/8 финалы: «Аҡ Барс» — «Салауат Юлаев» 4:1 (2:1, 2:1, 3:4, 2:1, 2:1 ө.в.)

2017—2018

1/8 финалы: «Салауат Юлаев» — «Авангард» Омск 4:3 (6:4, 2:7, 3:5, 4:2, 2:1, 2:3, 3:2 ө.в.)

1/4 финалы: «Салауат Юлаев» — «Трактор» Силәбе 3:4 (1:2, 3:2 ө.в., 3:2, 1:4, 1:0, 1:7, 1:2)

2018—2019

1/8 финалы: «Металлург» Магнитогорск — «Салауат Юлаев» 2:4 (2:1 ө.в., 1:4, 1:5, 2:1 ө.в., 1:2 ө.в., 2:3 ө.в.)

1/4 финалы: «Автомобилист» Екатеринбург — «Салауат Юлаев» 1:4 (0:1, 2:0, 1:2 ө.в., 2:4, 1:4)

1/2 финалы: «Авангард» Омск — «Салауат Юлаев» 4:2 (4:3 ө.в., 4:1, 1:5, 4:2, 2:3 ө.в., 1:0 ө.в.)

2019—2020

1/8 финалы: «Авангард» Омск — «Салауат Юлаев» 2:4 (5:2, 2:3 ө.в., 3:6, 1:5, 3:6, 1:4)

Чемпиондар лигаһында

«Салауат Юлаев» Рәсәй чемпионы булараҡ, Европа чемпиондар лигаһының тәүге һәм берҙән-бер миҙгелендә — 2008/09 йылдарҙа ҡатнаша. Өфө клубынан башҡа, Рәсәйҙән тағы ла Магнитогорскиҙың «Металлург» командаһы сығыш яһай.

Төркөм уйындарында бер тапҡыр ҙа еңелмәйенсә, «Салауат Юлаев» ярымфиналда ике уйын һөҙөмтәһе буйынса «Металлург» хоккей клубынан еңелә.

«Салауат Юлаев» 2008/2009 йылдар миҙгелендә Чемпиондар лигаһы уйындарында

Төркөм этабы:

«Салауат Юлаев» — «Ческе Будеёвице» Чехия 7-1 (1-0, 3-0, 3-1)

«Слован» Братислава, Словакия — «Салауат Юлаев» 2-4 (1-0, 1-3, 0-1)

«Ческе Будеёвице» — «Салауат Юлаев» 0-3 (0-2, 0-1, 0-0)

«Салауат Юлаев» — «Слован» 8-2 (1-1, 4-1, 3-0)

1/2 финал:

«Металлург» Магнитогорск, Рәсәй — «Салауат Юлаев» 1-2 (0-0, 0-2, 1-0)

«Салауат Юлаев» — «Металлург» Магнитогорск 1-3 (0-0, 1-0, 0-3, 0-2 ps)

Шпенглер кубогында

«Салауат Юлаев» йылдың һуңғы көндәрендә Швейцарияның Давос ҡалаһында үткәрелгән халыҡ-ара Шпенглер кубогында дүрт тапҡыр ҡатнаша (2007, 2012, 2014, 2019). Өфө клубы ике тапҡыр турнирҙың финалында уйнай, әммә төп трофейҙы еңә алмай.

Шпенглер кубогы 2007: «Мёллер Пардубице», Чехия — «Салауат Юлаев» 0:5 (0:1, 0:2, 0:2); «Адлер Мангейм», Германия — «Салауат Юлаев» 1:6 (1:2, 0:2, 0:2); «Салауат Юлаев» — Канада 2:3 (1:2, 1:0, 0:1); «Салауат Юлаев» — «Давос», Швейцария 5:6 (3:1, 0:2, 2:3); Финал: Канада — «Салауат Юлаев» 2:1 (0:0, 2:1, 0:0)
Шпенглер кубогы 2012: «Салауат Юлаев» — «Фрибур-Готтерон», Швейцария 1:5 (1:0, 0:2, 0:3); «Витковице», Чехия — «Салауат Юлаев» 4:5 ө.в. (2:1, 2:2, 0:1, 0:1); Сирекфинал: «Давос» — «Салауат Юлаев» 7:5 (5:1, 2:2, 0:2)
Шпенглер кубогы 2014: «Женева-Серветт», Швейцария — «Салауат Юлаев» 3:2 (3:0, 0:2, 0:0); «Йокерит», Финляндия — «Салауат Юлаев» 3:4 (1:2, 1:2, 1:0); Сирекфинал: «Салауат Юлаев» — «Медвешчак», Хорватия 3:0 (1:0, 0:0, 2:0); Ярымфинал: «Давос» — «Салауат Юлаев» 3:4 Б (2:0, 0:1, 1:2, 0:0, 0:1); Финал: «Салауат Юлаев» — «Женева-Серветт» 0:3 (0:0, 0:2, 0:1)
Шпенглер кубогы 2019: «Амбри-Пиотта», Швейцария — «Салауат Юлаев» 4:1 (2:0, 1:1, 1:0); ТПС, Финляндия — «Салауат Юлаев» 4:3 (1:1, 3:0, 0:2); Сирекфинал: «Оцеларжи Тршинец», Чехия — «Салауат Юлаев» 3:2 (1:0, 1:2, 1:0)

Стадион

Төп мәҡәлә: Өфө-Арена

«Өфө-Арена»

Ойошторолғандан башлап «Салауат Юлаев» командаһы «Труд» стадионында асыҡ һауала сығыш яһай. 1967 йылдан башлап команда уйындарын Өфөләге спорт һарайында үткәрә башлай, 2007 йылда «Салауат Юлаев» үҙе өсөн махсус төҙөлгән төҙөлгән Боҙ һарайы — «Өфө-Арена»ға күсә.

«Өфө-Арена» — Башҡортостан Республикаһындағы яһалма боҙло иң ҙур спорт ҡоролмаһы. Ул 2007 йылда Өфө архитекторҙары проекты буйынса төҙөлә, ҡала үҙәгендә, Ленин урамында, ваҡытында «Труд» стадионы булған ерҙә урынлашҡан. Боҙ һарайының хоккей майҙаны, 8070 урынлыҡ трибунаһы, спортсмендар һәм тренерҙар өсөн ял бүлмәләре, судьялар өсөн айырым бокс, медицина кабинеты, 2 боҙ ҡойоу машинаһы өсөн гараж, 100 урынлыҡ конференц‑залы булған пресс‑үҙәк, аппарат‑студиялы комплекс, ресторан бар.

«Өфө-Арена» беренсе тамашасыларҙы 2007 йылдың 27 авгусында Рәсәй һәм Канада йәштәр йыйылма командаларының Боҙ һарайын асыуға арналған матчында ҡабул итә. Ошо йылдың октябрендә бында көрәш буйынса донъя чемпионаты үтә.

«Салауат Юлаев» үҙ боҙондағы беренсе рәсми матчты 2007 йылдың 19 декабрендә үткәрә. 2008 йылдың 11 апрелендә бында үҙ тарихында беренсе тапҡыр Рәсәй чемпионы, ә 2011 йылдың 16 апрелендә КХЛ чемпионы (2010/2011) була. 2013 йылда Өфөлә үткән йәштәр йыйылма командалары араһында донъя чемпионатының һәм 2014 йылдағы йәштәр клуб командалары араһында донъя кубогы уйындары был спорт ҡоролмаһында үтә.

«Өфө-Арена» — яһалма боҙло ике хоккей майҙаны булған универсаль спорт аренаһы (8250 һәм 650 урынлы трибуналар).

Гимн

2010 йылдың август айында опера йырсыһы Рафаэль Рәхмәтуллин башҡарыуында «Минең йөрәгем мәңгегә йәшел» (рус. Моё сердце навеки зеленое) гимны донъя күрә (йыр һәм һүҙҙәр авторы — Азамат Моратов)^[6].

Бағыусылар

2015 йылдың 16 февралендә генераль бағыусы — «УРАЛ» хәйриә фонды «Салауат Юлаев» хоккей клубын финанслауҙы туҡтатыуы тураһында белдерҙе^[7]. 2015 йылдың 28 февралендә Гагарин кубогының конференция сирекфиналының тәүге уйыныда уйынсылар яңы бағыусы булған яңы формала сығалар, формала «Башнефть» нефть компанияһының эмблемаһы була^[8].

2017/2018 йылдар миҙгеленән башлап формала «Жилстройинвест» һәм «Талҡас» компанияларының, ә шлемдарҙа МЕГА сауҙа үҙәгенең эмблемалары килеп сыға.

Етәкселек

Баширов Ринат Рашит улы — клуб советы рәйесе.
Курносов Александр Евгеньевич — генераль директор вазифаһын ваҡытлыса башҡарыусы.
Чижов Василий Анатольевич — спорт директоры.

Тренер штабы

Баш Тренер — Николай Цулыгин
Тренер — Виталий Ячменев
Тренер — Томи Ламса
Тренер – Андрей Сидякин
Ҡапҡасылар тренеры — Йон Эман
Физик яҡтан әҙерлек буйынса тренер — Матиас Сарвела

Баш тренерҙар

«Салауат Юлаев» командаһының бөтә тренерҙары:

Владимир Штырков (1961—1963)
Юрий Субботин (1963—1968)
Владимир Каравдин (1968—1975)
Валерий Никитин (1975—1979)
Марат Азаматов (1979—1983)
Виктор Садомов (1983—1987)
Сергей Михалёв (1987—1990)

Марат Азаматов (1990—1991)
Владимир Быков (1991—1992)
Рафаил Ишмәтов (1992—1999)
Владимир Быков (1999—2000)
Леонид Макаров (2000)
Сергей Николаев (2000—2003)
Николай Макаров (2003—2004)

Игорь Захаркин (7.10.2015^[9] — 03.03.2017)^[10]
Эркка Вестерлунд (24.3.2017—4.4.2018)
Николай Цулыгин (11.4.2018^[11]—30.04.2020)
Томи Ламса (30.4.2020^[12]—ә.в.)

Составы

№	Ил	Исем	Тыуған көнө
Ҡапҡасылар
1		Андрей Кареев	19 ноябрь, 1994
77		Юха Метсола	24 февраль, 1989
Һаҡсылар
№	Ил	Исем	Тыуған көнө
2		Павел Коледов	20 сентябрь, 1994
5		Алексей Семёнов	10 апрель, 1981
11		Григорий Панин	24 ноябрь, 1986
		Евгений Лисовец	12 ноябрь, 1994
36		Филип Ларсен	7 декабрь, 1989
		Михаил Пашнин	11 май, 1989
92		Захар Арзамасцев	6 ноябрь, 1992
93		Артём Сергеев	20 февраль, 1993
94		Станислав Гәрәев	13 август, 1994
Һөжүмселәр
№	Ил	Исем	Тыуған көнө
8		Эдуард Ғиматов	22 ғинуар, 1994
		Владислав Картаев	10 февраль, 1992
		Сакари Маннинен	10 февраль, 1992
16		Максим Майоров	26 март, 1989
17		Вячеслав Солодухин	31 июль, 1988
18		Дмитрий Кугрышев	18 ғинуар, 1990
		Никита Сошников	14 октябрь, 1993
25		Владимир Жарков	10 ғинуар, 1988
41		Владислав Лукин	24 ғинуар, 1997
62		Пётр Хохряков	16 ғинуар, 1990
67		Линус Умарк	5 февраль, 1987
69		Александр Бурмистров	21 октябрь, 1991
70		Теему Хартикайнен	3 май, 1990
78		Александр Кадейкин	4 октябрь, 1993

Команданың ҡаҙаныштары

СССР чемпионаттарында иң яҡшы результат: Юғары лига, 11-нсе урын (1980/1981, 1985/1986, 1986/1987).
Федерация кубогының эйәһе (1994)
Милләт-ара хоккей лигаһының бронза призын алыусы (1994/1995, 1995/1996).
Рәсәй чемпионатының бронза призын алыусы (1996/1997).
Рәсәй чемпионатының еңеүсеһе (2007/2008).
Континент кубогының эйәһе (2009/10)
Континенталь хоккей лигаһының бронза миҙалын алыусы (2009/2010, 2015/2016, 2018/2019).
Рәсәй чемпионы һәм Гагарин кубогы эйәһе (2010/2011)
Рәсәй чемпионатының көмөш призын алыусы (2013/2014)
«Ғәҙәл уйында» ике тапҡыр еңеүсе (1993, 1998)
Асыш Кубогын ике тапҡыр еңеүсе (2008, 2011)
«Беарда» Кубогы (Леузин, Швейцария, декабрь 1993)
РИК Кубогы (Швеция, 1993)
Копать иҫтәлегенә ярыш еңеүсеһе (Силәбе, 1994)
«Дүрт ярышы» (Өфө, декабрь 2002)
Прикамье Кубогын еңеүсе (Пермь, август 1998, 2000)
«Салауат Юлаев» ХК ярышы еңеүсе (Өфө, 1999—2000)
«Паюлахти Кубогы» ике тапҡыр еңеүсе (Финляндия, 2000, 2003)
Раштыуа ярышы (Омск декабрь 2001)
Ромазан Мемориалы (Магнитогорск, сентябрь 2002)
Башҡортостан Республикаһы Президенты Кубогын ете тапҡыр еңеүсе (Өфө, 2005—2007, 2010, 2012—2013, 2016, 2018, 2020)
Шпенглер кубогында көмөш призын алыусы (Давос, Швейцария, декабрь 2007)
Шпенглер кубогында көмөш призын алыусы (Давос, Швейцария, декабрь 2014)
Түбәнге Новгород өлкәһе губернаторы кубогын еңеүсе (2015, 2017)
Силәбе өлкәһе губернаторы кубогын еңеүсе (2018)

Уйынсыларҙың бүләктәре

КХЛ иң яҡшы бомбардиры — Александр Радулов (2010/11, 2011/12)
ЙХЛ яҡшы бомбардиры — Дмитрий Денисов (1993/94, 1994/95)
КХЛ иң файҙалы уйынсы — Патрик Торесен (2009/10), Александр Радулов (2010/11)
Секунда призы — Александр Семак (2000/01), Александр Радулов (2010/11)
Алтын сәкән — Дмитрий Денисов (1994—1995), Рәил Мөфтиев (1995/96), Александр Радулов (2009/10, 2010/11, 2011/12)
Боҙ джентльмены — Игорь Щадилов (2007/08)
Иң яҡшы йәш уйынсы (Алексей Черепанов исемендәге бүләк) — Андрей Василевский (2013/14)
Йәштәргә юл (Анатолий Тарасов исемендәге бүләк) — Владимир Юрзинов (йәш)
Иң яҡшы звено — Борис Тимофеев — Рәил Мөфтиев — Дмитрий Денисов (1993/94), Йоонас Кемппайнен — Теему Хартикайнен — Линус Умарк (2017/18)
Яҡшы ҡапҡасы — Владимир Тихомиров (1995/96)
Алтын шлем — Андрей Зюзин (1996/97), Александр Еременко, Виталий Прошкин, Алексей Терещенко (2007/08), Алексей Терещенко (2008/09), Дмитрий Калинин, Александр Радулов (2009/10), Эрик Эрсберг, Кирилл Кольцов, Игорь Григоренко, Александр Радулов (2010/11), Александр Радулов (2011/12)
Иң һөҙөмтәле һаҡсыға бүләк — Кирилл Кольцов (2013/14, 2014/15), Филип Ларсен (2017/18)
Ҡоростай нервалар — Андрей Гаврилов (2016/17)

«Салауат Юлаев» хоккей мәктәбенең билдәле тәрбиәләнеүселәре

Ирек Ғимаев — Рәсәйҙең атҡаҙанған тренеры, өс тапҡыр дөнъя чемпионы, четырёхкратный чемпион Европы, обладатель Кубка Канады, восьмикратный чемпион СССР.
Игорь Кравчук — атҡаҙанған спорт мастеры, ике тапҡыр олимпик чемпионы, донъя һәм Европа чемпионы, ике тапҡыр СССР чемпионы. Рәсәйҙең юниор йыйылма командаһының баш тренеры (U-18).
Марат Азаматов — РСФСР атҡаҙанған тренеры, «Салауат Юлаев» хоккей мәктәбенең беренсе директоры.
Александр Семак — атҡаҙанған спорт мастеры, донъя чемпионы, ике тапҡыр Европа чемпионы, ике тапҡыр СССР чемпионы.
Сергей Ғимаев — атҡаҙанған спорт мастеры, күп тапҡыр СССР чемпионы, өс тапҡыр иң яҡшы Һаҡсы, Рәсәй-2 һәм Матч каналдарында спорт комментаторы.
Венер Сафин — спорт мастеры, Рәсәйҙең атҡаҙанған тренеры, Рәсәй чемпионатының өс тапҡыр бронза призеры (1994/1995, 1995/1996, 1996/1997), Салауат Юлаев (1995—1999) командаһының капитаны була, өлкән тренер булғанда, Рәсәй чемпионатының ике тапҡыр еңеүсеһе (2007/2008), (2010/2011) һәм Гагарин кубогына эйә булды (2010/2011). 2012 йылдың декабренә тиклем «Салауат Юлаев»тың баш тренеры.
Рәил Мөфтиев — халыҡ-ара класслы спорт мастеры, Рәсәй чемпионатының өс тапҡыр бронза призеры (1994/1995, 1995/1996, 1996/1997), тренер.
Андрей Василевский — ҡапҡасы, донъя чемпионы (2014), йәштәр донъя чемпионаттарының көмөш һәм бронза миҙалсыһы.

«Салауат Юлаев» составында Рәсәй чемпиондары

2011: Колесник Виталий, Еременко Александр, Эрсберг Эрик, Кольцов Кирилл, Григорьев Михаил, Рязанцев Александр, Староста Томаш, Блатяк Мирослав, Прошкин Виталий, Кутейкин Андрей, Кондратьев Максим, Твердовский Олег, Калинин Дмитрий, Нильссон Роберт, Свитов Александр, Клепиш Якуб, Таратухин Андрей, Счастливый Петр, Козлов Виктор, Григоренко Игорь, Кольцов Константин, Козлов Вячеслав, Антипов Владимир, Торесен Патрик, Зиновьев Сергей, Радулов Александр, Панков Александр, Сапрыкин Олег.
2008: Тарасов Вадим, Гниличка Милан, Еременко Александр, Бойков Александр, Ҡотдосов Артур, Доронин Павел, Щадилов Игорь, Логинов Александр, Блатяк Мирослав, Прошкин Виталий, Кольцов Кирилл, Кутейкин Андрей, Филипп Радек, Твердовский Олег, Чернов Михаил, Сидякин Андрей, Гордеев Артем, Заварухин Николай, Шкотов Алексей, Тарасов Дмитрий, Нуртдинов Руслан, Григоренко Игорь, Таратухин Андрей, Зачупейко Сергей, Чистов Станислав, Терещенко Алексей, Кольцов Константин, Антипов Владимир, Пережогин Александр, Воробьев Владимир, Волков Игорь, Микеска Михал, Медведев Алексей.

«Салауат Юлаев» составында уйнаған билдәле уйынсылар

24.09.2011 Амур — Салауат Юлаев

Ирек Ғимаев 1976—1979
Игорь Кравчук 1983—1987
Андрей Зубарев 2003—2005 һәм 2012—2015
Олег Твердовский 2007—2011
Виталий Прошкин 2007—2014
Александр Ерёменко 2007—2011
Кирилл Кольцов 2007—2011 һәм 2012—2015
Александр Радулов 2008—2012
Сергей Зиновьев 2009—2014
Виктор Козлов 2009—2012
Патрик Торесен 2009—2011
Дмитрий Калинин 2009—2011
Вячеслав Козлов 2011
Игорь Григоренко 2004—2005, 2007—2012, 2015—2017
Линус Умарк 2015—ә.в.

Республиканың башҡа хоккей командалары менән хеҙмәттәшлеге

Принципиаль ярышташтары

Йәшел дерби

«Салауат Юлаев» өсөн иң мөһим ярышташ итеп Ҡазандан «Аҡ Барс» хоккей клубын атарға була^[13]^[14]^[15]. Был клубтар араһында уйындарҙы «Йәшел дерби», «Ҙур йәшел дерби» йә «Татар-башҡорт дербиһы»^[16]^[17] тип атайҙар. «Салауат Юлаев» һәм «Аҡ Барс» — Гагарин кубогын беренсе булып еңгән командалар. Дерби үҙенең исемен командаларҙың формалары төҫө оҡшаш булғанға килеп сыға. Был көсөргәнешле уйынды ике республиканы сағыштырыуға бәйләйҙәр.

	Уйындар	118
	«Салауат Юлаев» еңеүҙәре	55
	«Аҡ Барс» еңеүҙәре	56
	Тигеҙ иҫәптәр	7
	Шайбалар айырмаһы	316-326

Башҡа командалар

«Салауат Юлаевтың» башҡа принципиаль дәғүәселәренә Магнитогорскиҙан «Металлург» һәм Омскиҙан «Авангард» командаларын индерергә мөмкин.

Рекордтар

«Салауат Юлаев» — КХЛ команда трофейҙарын тулыһынса йыйған ике командаларҙың береһе: Гагарин кубогы, Асыш кубогы, Континент кубогы һәм Всеволод Бобров бүләге.
Клуб иң тәүге булып КХЛ-да 1000 шайба керетә. Юбилей шайбаһын Игорь Мирнов керетә.
«Югра» командаһына ҡаршы уйында Александр Радулов 6-сы секундта гол керетә. Был гол Рәсәй чемпионаттарының иң тиҙ шайбаһы була.
«Салауат Юлаев» — КХЛ тарихында ике ете уйынлы плей-офф серияһын рәттән еңгән тәүге команда.
Команда 2013/14 йылдар миҙгеленең даими беренселегендә бөтә 54 уйында ла бер булһа гол керетә. Бындай ҡаҙаныш башҡа бер командала ла юҡ.
2017 йылдың 31 авгусында «Сочи» клубына ҡаршы уйында (11:3) «Салауат Юлаев» тәү тапҡыр КХЛ-да 11 гол керетә, КХЛ-да бығаса бер кем дә ике период эсендә 10 гол керетмәй һәм бер команданан 10 төрлө уйынсы бер уйында гол керетмәй.^[18].

Иҫкәрмәләр

Әҙәбиәт

Пасконов Н. Д. «Салават Юлаев»: победы, судьбы, надежды.... — Уфа: Белая река, 2001. — 214 с. — ISBN 5-87691-010-4. продолжение

Һылтанмалар

Радий Хабиров перед play-off встретился с ХК «Салават Юлаев». ИА «Башинформ», 28 февраля 2020 года (рус.) (Тикшерелеү көнө: 28 февраль 2020)
«Салауат Юлаев» хоккей клубының рәсми сайты
«Башҡортостан» төбәк интерактив энциклопедик порталы — «Салауат Юлаев» (хоккей клубы) 2020 йыл 28 февраль архивланған. (Тикшерелеү көнө: 28 февраль 2020)
Салават Юлаев (Уфа) 2016 йыл 5 март архивланған.
Өфө-Арена 2016 йыл 4 март архивланған.

Континенталь хоккей лигаһы
Миҙгелдәр	Гагарин кубогы өсөн плей-офф	Юниорҙар йәрминкәһе	Йондоҙҙар уйыны
08/09 • 09/10 • 10/11 • 11/12 • 12/13 • 13/14 • 14/15 • 15/16 • 16/17 • 17/18 • 18/19 • 19/20	2009 • 2010 • 2011 • 2012 • 2013 • 2014 • 2015 • 2016 • 2017 • 2018 • 2019 • 2020	2009 • 2010 • 2011 • 2012 • 2013 • 2014 • 2015 • 2016	2009 • 2010 • 2011 • 2012 • 2013 • 2014 • 2015 • 2016 • 2017 • 2018 • 2019 • 2020
2019/20 миҙгел клубтары
Көнбайыш конференцияһы		Көнсығыш конференцияһы
Бобров дивизионы	Тарасов дивизионы	Харламов дивизионы	Чернышёв дивизионы
Динамо (Мәскәү)	Витязь (Подольск)	Автомобилист (Екатеринбург)	Авангард (Омск)
Динамо (Рига)	Динамо (Минск)	Аҡ Барс (Ҡазан)	Адмирал (Владивосток)
Йокерит (Хельсинки)	Локомотив (Ярославль)	Металлург (Магнитогорск)	Амур (Хабаровск)
Северсталь (Череповец)	Сочи	Нефтехимик (Түбәнге Кама)	Барыҫ (Астана)
СКА (С.-Петербург)	Торпедо (Т. Новгород)	Себер (Новосибирск)	Куньлунь Ред Стар (Пекин)
Спартак (Мәскәү)	ЦСКА (Мәскәү)	Трактор (Силәбе)	Салауат Юлаев (Өфө)
Өҫтәмә мәғлүмәттәр
Шәхси трофейҙар	Джентльмен боҙҙа • Тимер кеше • Хоккейға тоғролоҡ өсөн • Алтын сәкән • Алтын шлем • Валентин Сыч исемендә бүләк • Өс бомбардир • MVP плей-офф • Секунда • Алексей Черепанов исемендә бүләк • Андрей Старовойтов исемендә бүләк • Иң яҡшы бомбардирға • КХЛ иң яҡшы ҡапҡасыһы • Мәргән уйынсы • Иң файҙалы уйынсыға • Иң һөҙөмтәле һаҡсы трофее • Виктор Тихонов исемендә бүләк • Михаил Галиновский исемендә бүләк • Хоккейҙы яҡтыртҡан иң яҡшы яҙыусы журналистарға • Владимир Пискунов исемендә бүләк • Андрей Зимин исемендә бүләк
Команда трофейҙары	Гагарин кубогы • Континент кубогы • Асыш кубогы • Көнбайыш конференцияһы кубогы • Көнсығыш конференцияһы кубогы • Өмөт кубогы • Всеволод Бобров исемендәге бүләк
Файҙалы мәғлүмәт	«КХЛ» телеканалы • Киңәйеү перспективалары • Боҙ ареналары • КХЛ — МХЛ күргәҙмә уйындары • КХЛ хет-триктар исемлеге • Гагарин кубогында иң йыш осрашҡан парҙар • 300-ҙән күберәк мәрәй йыйған КХЛ хоккейсылары исемлеге • 400-ҙән күберәк уйын үткәргән КХЛ хоккейсылары исемлеге
Башҡа хоккей лигалары	Юғары хоккей лигаһы • Йәштәр хоккей лигаһының чемпионаты • Милли йәштәр хоккей лигаһы • Юғары хоккей лигаһы беренселеге • Ҡатын-ҡыҙҙар хоккей лигаһы • Студенттар хоккей лигаһы

[1] Top 250 Européen, Saison 2017/18

[2] Добро пожаловать в «Салават Юлаев» 2016 йыл 6 май архивланған.

[3] Эркка Вестерлунд назначен главным тренером 2017 йыл 26 май архивланған.

[4] «Салават Юлаев» расторг контракт с Леонидом Вайсфельдом

[5] Василий Чижов назначен спортивным директором ХК «Салават Юлаев»

[6] На новый гимн «Салавата Юлаева» снимут клип

[7] БФ «Урал» объявил о приостановлении финансирования ХК «Салават Юлаев» (билдәһеҙ).

[8] Новым спонсором "Салавата Юлаева" может стать "Башнефть" (билдәһеҙ).

[9] Игорь Захаркин официально назначен главным тренером уфимского «Салавата Юлаева» — «Башинформ» мәғлүмәт агентлығы, 2015, 8 октябрь (рус.)

[10] «Салават Юлаев» расторг контракт с главным тренером Игорем Захаркиным. «Спорт Mail.Ru» - Официальный сайт, 2017, 3 март(недоступная ссылка) (рус.) (Тикшерелеү көнө: 3 март 2017)

[11] Николай Цулыгин – главный тренер ХК «Салават Юлаев» 2018 йыл 14 июнь архивланған.

[12] Томи Ламса – новый главный тренер ХК «Салават Юлаев»

[13] Самый принципиальный соперник «Ак Барса» сменил главного тренера

[14] Игорь Мирнов: "Я знаю, кто самый принципиальный соперник «Ак Барса»

[15] Самый принципиальный соперник для Ак Барса. Опрос болельщиков в группе vk.com

[16] Так будет всегда. «Зелёное дерби» собрало аншлаг в Уфе

[17] Татаро-башкирское дерби

[18] «Салауат Юлаев» рекордтары

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]