Ағиҙел (хоккей клубы)

	Ағиҙел
Ил:	Башҡортостан
Ҡала:	Өфө
Нигеҙләнгән:	2010
Өй аренаһы:	Салауат Юлаев спорт һарайы (3 501 урын)
Төҫтәр:
Хоккей лигаһы:	ҠҠХЛ
Баш тренеры:	Валерий Дәүләтшин
Капитан:	Мария Печникова
Трофейҙар:	ҠҠХЛ чемпионы (2017/18, 2018/19, 2020/21, 2022/23)
Даими миҙгелдә еңеүҙәр:	5 (2017/18, 2018/19, 2019/20, 2022/23, 2023/24)
Рәсми сайт:	hcsalavat.ru
Аффилир КМС:	БЮТ

«Ағиҙел» ҡатын-ҡыҙҙар хоккей клубы — Өфө ҡалаһының шайбалы хоккей командаһы. Клуб Башҡортостандың төп йылғаһы булған Ағиҙел исеме менән аталған. Ул 2010 йылда ойошторола. Дүрт тапҡыр ҠҠХЛ кубогын еңә һәм биш тапҡыр Рәсәй чемпионы була. Рәсәй чемпионатының биш бронза миҙалын һәм Ҡатын-ҡыҙҙар хоккей лигаһының өс көмөш миҙалын еңеүсе.

Тарихы

2018 йылға тиклем логотибы

Команда 2010 йылда «Рәсәйҙә ҡатын-ҡыҙҙар араһында хоккейҙы үҫтереү» программаһы сиктәрендә барлыҡҡа килә. Башҡортостан республикаһының төп һыу артерияһы — Ағиҙел йылғаһы исеме менән аталған. Мортаза Рәхимов һәм Рәсәй хоккей федерацияһы президенты Владислав Третьяк араһында һөйләшеүҙәр һөҙөмтәһендә 2010 Йылдың 31 авгусында команда булдырыу тураһында приказ ҡабул ителә, ә шул йылдың сентябрь айында команда йыйыла. 23 сентябрҙә «Ағиҙел» командаһы Рәсәй чемпионатында ҡатнаша башлай.

Тәүге состав тулыһынса элек туп менән хоккей уйнаған спортсмендар менән йыйылған була. Тәүге миҙгелдә «Ағиҙел» бөтә уйындарында еңелә, бер мәрәй ҙә йыймай һәм Рәсәй чемпионатында һуңғы урынға төшә. 2011/2012 йылдар миҙгеле алдынан составтың яртыһы яңыртыла. Шул миҙгелдә «Ағиҙел» бронза миҙалдарын еңә. Артабан команда 2012/2013, 2013/2014 һәм 2014/2015 йылдар миҙгелдәрендә бронза миҙалын тағы ла еңә.

ҠҠХЛ

«Ағиҙел» Ҡатын-ҡыҙҙар хоккей лигаһына 2015 йылда күскән ете командаларҙың береһе була. Яңы лигала сығыш яһауын «Ағиҙел» яҡшы башлай. 22 декабрҙә команданың баш тренеры Владимир Малмыгин эшенән китергә була. 2016 йылдың 11 ғинуарына тиклем Сергей Трудаков команданың ваҡытлыса баш тренеры була. 11 ғинуарҙа «Салауат Юлаев» хоккей клубының элекке хоккейсыһы Денис Афиногенов команданы етәкләй^[1]. Шул миҙгелдә команда үҙ тарихында дүрт миҙгел дауамында бронза отҡас, тәүгегә көмөш миҙалдарын еңә. Киләһе йылда команда шул уҡ күрһәткесте яңынан ҡабатлай.

2017/2018 йылдар миҙгеленең тәүге уйынында «Ағиҙел» Салауат Юлаев исемендәге спорт һарайында 3 350 тамашасы йыя һәм лиганың был күрһәткесе буйынса үткән рекордын ике меңгә уҙа^[2]. Өфө хоккейсылары тәүге тапҡыр даими миҙгелде беренсе урында тамамлай. Артабан плей-оффтың ярымфиналында «СКИФ» (2-0) һәм финалда «Торнадо» (3-0) хоккей клубтарын ота һәм беренсегә ҠҠХЛ чемпионы исемен яулай.

2018/2019 йылдар миҙгелендә «Ағиҙел» тағы ла даими миҙгелдә беренсе була. ҠҠХЛ ярымфиналында «СКИФ» командаһын ота (2-1), ә финалда Санкт-Петербургтан «Динамо» клубынан көслөрәк була (3-0). Шулай итеп, Өфө ҡыҙҙары икенсе йыл рәттән ҠҠХЛ чемпиондары була. 2019/2020 йылдар миҙгелендә «Ағиҙел» өсөнчө йыл рәттән даими миҙгелдә беренсе урынды яулай. ҠҠХЛ плей-офф ярымфиналында Красноярскиҙан «Бирюса» хоккей клубын серияла 2-0 иҫәбе менән ота. Финалда иһә Ҡытайҙан «КРС Ванке Рэйз» хоккей клубына отола, өсөнсөгә ҠҠХЛ көмөш һәм Рәсәй чемпионатының алтын миҙалдарын яулай. 2020/21 йылдар миҙгеленең даими чемпионатында «Ағиҙел» икенсе урын яулай, ярымфиналда «СКИФ» командаһын ота (2-1), ә финал серияһы 2021 йылдың сентябрендә үтә. Шунда Өфө ҡыҙҙары «КРС Ванке Рэйз» клубын серияла 2-1 иҫәбе менән отоп өсөнсө тапҡыр ҠҠХЛ чемпионы исемен яулай.

2021/22 йылдар миҙгелендә Өфө клубы даими чемпионатты өсөнсө урында тамамлай. «Ағиҙел» ҠҠХЛ кубогының сирекфиналында Санкт-Петербургтан «Динамо-Нева» командаһына серияла 1-2 иҫәбе менән еңелә һәм 2011 йылдан тәүгегә миҙалдарһыҙ ҡала. Шул һөҙөмтә өсөн команданың баш тренеры Денис Афиногенов һәм спорт директоры Александр Семак менән хушлашалар. Яңы тренер итеп Валерий Дәүләтшин тәғәйенләнә. 2022/23 йылдар миҙгелендә «Ағиҙел» дүртенсе тапҡыр даими чемпионатта беренсе урынды яулай, плей-оффта бер-бер артлы «7.62» (2-0), «Торпедо» (2-1) һәм «Динамо-Нева» (3-2) командаларын отоп дүртенсегә ҠҠХЛ чемпионы исемен яулай. 2023/24 йылдар миҙгеленең даими беренселегендә Өфө ҡыҙҙары тағы ла беренсе урынға менәләр, ҠҠХЛ тарихында 100 артыҡ мәрәй йыйған тәүге клуб була. Плей-оффтың сирекфиналында СӨЙК командаһын үтәләр (3-0), ә ярымфиналда буласаҡ чемпионға «Динамо-Нева» хоккейсыларына еңеләләр һәм беренсегә ҠҠХЛ бронза миҙалдарын яулайҙар.

Стадион

Төп мәҡәлә: Салауат Юлаев спорт һарайы

«Салауат Юлаев» спорт һарайы

«Салауат Юлаев» спорт һарайы Өфө ҡалаһында, Зорге урамында 41 адресы буйынса урынлашкан. «Салауат Юлаев» спорт һарайы беренсе тамашасыларҙы 1967 йылдың 28 ноябрҙә аренаны асыу матчы Салауат Юлаев менән Торпедо-Усть-Каменогорск командалары осрошҡанда ҡабул итә. (3 501 урын)

Команданың ҡаҙаныштары

Ҡатын-ҡыҙҙар хоккей лигаһының чемпионы (2017/18, 2018/19, 2020/21, 2023/24).
Шайбалы хоккей буйынса Рәсәй чемпионы (2017/18, 2018/19, 2019/20, 2020/21, 2022/23).
«EURO WOMEN'S HOCKEY CHALLENGE - 2017» турнирында беренсе урын (2017)
«Ағиҙел» кубогы (2015, 2016)
Ҡатын-ҡыҙҙарға ҡарата көсләтеүҙе бөтөрөү өсөн көрәшеү халыҡ-ара көнөнә бағышланған турнирҙа беренсе урын (2011)
ҠҠХЛ асыҡ кубогын еңеүсе (2019)
Ҡатын-ҡыҙҙар хоккей лигаһы көмөш миҙалсыһы (2015/16, 2016/17, 2019/20)
Шайбалы хоккей буйынса Рәсәй ҡатын-ҡыҙ чемпионатының көмөш миҙалһысы – 2015/16, 2016/17
Czech Womens Cup турнирында икенсе урын (2011, 2013)
Ҡатын-ҡыҙҙар хоккей лигаһы бронза миҙалсыһы (2023/24)
Шайбалы хоккей буйынса Рәсәй ҡатын-ҡыҙ чемпионатының бронза миҙалын алыусы (2011/2012, 2012/2013, 2013/2014, 2014/2015, 2023/24).
Ҡытайҙа миҙгел алдынан үткән турнирҙа бронза миҙалын алыусы (2019)

Шәхси еңеүҙәр

ҠҠХЛ миҙгеленең иң яҡшы тренеры — Денис Афиногенов (2017/18^[3], 2020/21), Валерий Дәүләтшин (2022/23^[4])
ҠҠХЛ миҙгеленең иң яҡшы уйынсыһы — Ольга Сосина (2017/18^[5]), Анна Пругова (2018/19^[6], 2022/23^[7]).
ҠҠХЛ миҙгеленең иң яҡшы ҡапҡасыһы — Анна Пругова (2019/20^[8], 2022/23).
ҠҠХЛ миҙгеленең иң яҡшы һаҡсыһы — Мария Баталова (2019/20^[9], 2022/23, 2023/24), Анна Шибанова (2020/21)
ҠҠХЛ плей-офф уйындарының иң ҡиммәтле уйынсыһы — Ольга Сосина (2021, 2023)
ҠҠХЛ даими миҙгеленең иң яҡшы бомбардиры — Ольга Сосина (2015/16, 2022/23)
ҠҠХЛ даими миҙгеленең иң мәргән уйынсыһы — Елизавета Роднова (2022/23)

Статистика

**«Ағиҙел» шайбалы хоккей буйынса Рәсәй ҡатын-ҡыҙҙар чемпионатында**
Миҙгел	Урын	У	Е	ЕО	ЕБ	ОО	О	ШИ	ШҮ	М
2010/11	6	30	0	0	0	0	30	22	288	0
2011/12	1 !	30	13	0	2	0	15	95	114	43
2012/13	1 !	48	30	1	0	1	16	182	107	93
2013/14	1 !	40	32	2	0	0	6	215	75	100
2014/15	1 !	32	18	2	2	1	9	117	95	63
Бөтәһе		180	93	5	4	2	76	631	679	299

**«Ағиҙел» Ҡатын-ҡыҙҙар хоккей лигаһында**
Миҙгел	Урын	У	Е	ЕО	ЕБ	БО	ОО	О	ШИ	ШҮ	М
2015/16	2 !	24	16	1	1	1	1	4	117	61	54
2016/17	2 !	36	24	2	2	1	1	6	184	80	82
2017/18	1 !	24	18	3	0	1	0	2	105	39	61
2018/19	1 !	36	26	1	1	0	2	6	164	61	84
2019/20	1 !	28	22	1	0	0	0	5	95	33	68
2020/21	2 !	28	19	0	1	0	1	7	127	47	60
2021/22	1 !	36	24	2	1	1	2	6	171	60	81
2022/23	1 !	32	24	2	1	2	1	2	136	54	81
2023/24	1 !	42	33	0	0	3	0	6	184	68	102
Бөтәһе		286	206	12	7	9	8	44	1283	503	673

Иҫкәрмә: У — уйындар, Е — төп ваҡытта еңеү, ЕО — овертаймда еңеү, ЕБ —буллитта еңеү, ОО — овертаймда отолош, БО — буллитта отолош, О — төп ваҡытта отолош, ШИ — шайба индергән, ШҮ — шайба үткәргән, М — мәрәйҙәр.

2017/2018

Ярымфинал: «Ағиҙел» — «СКИФ» 2-0 (6:4, 6:1)

Финал: «Ағиҙел» — «Торнадо» 3-0 (2:0, 3:2, 4:1)

2018/2019

Ярымфинал: «Ағиҙел» — «СКИФ» 2-1 (1:2, 4:2, 4:3 ө.в.)

Финал: «Ағиҙел» — «Динамо» 3-0 (4:1, 2:1, 4:1)

2019/2020

Ярымфинал: «Ағиҙел» — «Бирюса» 2-0 (4:1, 3:0)

Финал: «Ағиҙел» — «КРС Ванке Рэйз» 0-3 (1:3, 2:3, 2:4)

2020/2021

Ярымфинал: «Ағиҙел» — «СКИФ» 2-1 (2:3 Б, 2:1 Б, 3:2 Б)

Финал: «Ағиҙел» — «КРС Ванке Рэйз» 2-1 (5:2, 1:4, 3:2 Б)

2021/2022

Сирекфинал: «Ағиҙел» — «Динамо-Нева» 1-2 (3:0, 0:2, 3:4 Б)

2022/2023

Сирекфинал: «Ағиҙел» — «МСМО 7.62» 2-0 (2:0, 4:2)

Ярымфинал: «Ағиҙел» — «Торпедо» 2-1 (3:2, 0:1, 1:0)

Финал: «Ағиҙел» — «Динамо-Нева» 3-2 (4:0, 1:2 ө.в., 3:2, 2:3 Б, 3:2)

2023/2024

Сирекфинал: «Ағиҙел» — СӨЙК 3-0 (5:1, 10:0, 10:1)

Ярымфинал: «Ағиҙел» — «Динамо-Нева» 1-3 (3:4, 3:4 Б, 4:2, 2:3 Б)

Баш тренерҙар

«Ағиҙел» командаһының бөтә тренерҙары:

Малмыгин Владимир Александрович (2010 — 2015)
Трудаков Сергей Николаевич (22 декабрь 2015 — 11 ғинуар 2016)
Афиногенов Денис Александрович (2016 — 30 апрель 2022)
Дәүләтшин Валерий Рафикович (25 июнь 2022^[10] — ә.в.)

Составы

Ҡапҡасылар
#	Ил	Уйынсы	Тыуған йыл	Тыуған урыны
31		Анна Пругова	20 ноябрь 1993	Хабаровск, Рәсәй
61		Александра Берестова	31 июль 2005	Өфө, Рәсәй
		Валерия Тараканова	20 июнь 1998	Заволжье, Рәсәй

Һаҡсылар
#	Ил	Уйынсы	Тыуған йыл	Тыуған урыны
2		Мария Баталова	3 май 1996	Междуречье, Рәсәй
12		Мария Печникова	8 июнь 1992	Ижевск, Рәсәй
15		Ангелина Махмутова	2 август 2004	Силәбе, Рәсәй
19		Анна Свиридова	20 октябрь 2004	Воскресенск, Рәсәй
70		Анна Шибанова	10 ноябрь 1994	Омск, Рәсәй
96		Александра Козырь	9 октябрь 2007	Белгород, Рәсәй

Һөжүмселәр
#	Ил	Уйынсы	Тыуған йыл	Тыуған урыны
9		Элина Митрофанова	28 ғинуар 1992	Большой Исток, Рәсәй
10		Камилла Ғәлиханова	22 ноябрь 2006	Өфө, Рәсәй
13		Ксения Тюрина	28 декабрь 2004	Серов, Рәсәй
16		Илона Маркова	18 ғинуар 2002	Киров, Рәсәй
18		Ольга Сосина	19 декабрь 1972	Әлмәт, Рәсәй
27		Вероника Коржакова	9 июнь 2003	Силәбе, Рәсәй
44		Алена Зубкова	5 февраль 2000	Тверь, Рәсәй
71		Елизавета Дубей	11 февраль 2007	Красновишерск, Рәсәй
87		Полина Лучникова	30 ғинуар 2002	Серов, Рәсәй
88		Камилә Сафина	16 апрель 2005	Сирмешән, Рәсәй
91		Алена Миллс	9 июнь 1990	Часлав, Чехия
93		Елизавета Роднова	12 июль 1999	Силәбе, Рәсәй
		Карина Верховцева	9 ноябрь 1997	Ҡазан, Рәсәй

Капитандар

«Ағиҙел» командаһының ҠҠХЛ-да бөтә капитандары:

Ҡыҙыҡлы мәғлүмәт

Бер гол да үткәрмәйенсә иң ҙур айырма менән еңеү: 15:0 «Ледяные Крылья» Ярославль (2021/22).
Иң ҙур айырма менән еңеү: 18:1 «Ледяные Крылья» Ярославль (2021/22).
Еңеү килтергән иң һөҙөмтәле уйын: 18:1 «Ледяные Крылья» Ярославль (2021/22).
Еңелеү килтергән иң һөҙөмтәле уйын: 0:26 «СКИФ» Түбәнге Новгород (2010/11).
Иң ҙур айырма менән еңелеү: 0:26 «СКИФ» Түбәнге Новгород (2010/11).
Бер гол да керетмәйенсә иң ҙур айырма менән еңелеү: 0:26 «СКИФ» Түбәнге Новгород (2010/11).
Иң оҙон еңеүҙәр серияһы: 17. Иң оҙон еңелеүҙәр серияһы: 33

Уйынсылар рекордтары

Иң куп уйын үткәргән уйынсылар — Элина Митрофанова (471) һәм Анна Шибанова (470)^[11].
Иң күп мәрәй йыйған уйынсы — Ольга Сосина (548)^[12].
Иң куп гол индергән уйынсы — Ольга Сосина (224).

Шулай уҡ ҡарағыҙ

Иҫкәрмәләр

Һылтанмалар

Ҡатын-ҡыҙҙар хоккей лигаһы
Миҙгелдәр		Йондоҙҙар уйындары	Плей-офф
15/16 • 16/17 • 17/18 • 18/19 • 19/20 • 20/21 • 21/22 • 22/23 • 23/24		2017 • 2018 • 2019 • 2020 • 2022 • 2023	2018 • 2019 • 2020 • 2021 • 2022 • 2023 • 2024
2023/24 миҙгел клубтары
Ағиҙел (Өфө)	Бирюса (Красноярск)	Динамо-Нева (Санкт-Петербург)	Белые Медведицы (Силәбе)
МСМО 7.62 (Воскресенск)	Торпедо (Түбәнге Новгород)	СӨЙК (Екатеринбург)	Торнадо (Дмитров)
ҠҠХЛ боҙ ареналары
Башҡа хоккей лигалары	Континенталь хоккей лигаһы • Юғары хоккей лигаһы • Йәштәр хоккей лигаһының чемпионаты • Милли йәштәр хоккей лигаһы • Юғары хоккей лигаһы беренселеге • Студенттар хоккей лигаһы

[1] Денис Афиногенов «Ағиҙелде» етәкләне!(недоступная ссылка)

[2] Триумф при переполненных трибунах! 2017 йыл 26 сентябрь архивланған.

[3] Денис Афиногенов – лучший тренер ЖХЛ сезона 2017-2018

[4] Сосина − MVP плей-офф ЖХЛ, Давлетшин − лучший тренер чемпионата

[5] Ольга Сосина - лучший игрок ЖХЛ

[6] Анна Пругова – Лучший игрок ЖХЛ 2018/2019

[7] Анна Пругова – лучшая хоккеистка сезона 2022/2023

[8] Анна Пругова — лучший вратарь сезона

[9] Мария Баталова - ҠҠХЛ миҙгеленең иң яҡшы һаҡсыһы тип танылды

[10] Валерий Давлетшин возглавил «Агидель»

[11] Ҙур юбилейҙар

[12] Клуб рекордтары

[1]

[2]

[3]

[4]

[5]

[6]

[7]

[8]

[9]

[10]

[11]

[12]