Дыуан-Мәсетле

Дыуан-Мәсетле (рус. Дуван-Мечетлино) — Башҡортостандың Мәсетле районындағы ауыл. Дыуан-Мәсетле ауыл советына ҡарай. 2010 йылдың 14 октябренә ҡарата халыҡ һаны 681 кеше . Почта индексы — 452565, ОКАТО коды — 80242820001.

Ауыл
Дыуан-Мәсетле
Ил	РәсәйРәсәй
Федерация субъекты	Башҡортостан
Муниципаль район	Мәсетле районы
Координаталар	55°40′36″ с. ш. 58°18′20″ в. д.
Милли состав	Башҡорттар
Этнохороним	дыуанмәсетлеләр, мәсетлеләр
Сәғәт бүлкәте	UTC+6
Цифровые идентификаторы
Автомобиль коды	02, 102
ОКАТО коды	80 242 820 001
ОКТМО коды	80 642 420 101
Дыуан-Мәсетле

Халыҡ һаны

Дөйөм халыҡ һаны , (кеше)
Халыҡ һаны				2002—2010 халыҡ үҙгәреше
Иҫәп алыу йылы	1989	2002	2010	кеше	%
Бөтәһе	651	669	681	+12	+1.79
Ир-егеттәр	296	316	321	+5	+1.58
Ҡатын-ҡыҙҙар	355	353	360	+7	+1.98

Географик урыны

• Район үҙәгенә тиклем (Оло Ыҡтамаҡ): 32 км
• Яҡындағы тимер юл станцияһы (Сулея): 94 км

Урамдар

Урам исеме :

• башҡ. Әй (урамы) — рус.  Айская ( улица )
• башҡ. Комосмол (урамы) — рус.  Комсомольская ( улица )
• башҡ. Туғай (урамы) — рус.  Луговая ( улица )
• башҡ. Тыныслыҡ (урамы) — рус.  Мира ( улица )
• башҡ. Йәштәр (урамы) — рус.  Молодежная ( улица )
• башҡ. Сабир Ваһапов (урамы) — рус.  Сабира Вагапова ( улица )
• башҡ. Баҡса (урамы) — рус.  Садовая ( улица )
• башҡ. Салауат Юлаев (урамы) — рус.  Салавата Юлаева ( улица )
• башҡ. Совет (урамы) — рус.  Советская ( улица )

Билдәле шәхестәре

• Аллаяров Ричард Хәйрулла улы (5 июнь 1927 — 5 ноябрь 1988) — СССР-ҙың почётлы нефтсеһе, Социалистик Хеҙмәт Геройы (1959). КПСС-тың XXII съезы делегаты.
• Бикова Ғәлиә Әхмәҙи ҡыҙы (7.08.1952), табиб. Башҡортостан Республикаһының атҡаҙанған табибы (1995). Сығышы менән хәҙерге Ырымбур өлкәһенең Ҡыҙыл Гвардия районы Иҫке Юлдаш ауылынан.
• Ваһапов Сабир Әхмәтйән улы (10 май 1904 — 13 август 1993) — башҡорт дәүләт, хужалыҡ һәм партия эшмәкәре. 1940 йылдан башлап БАССР Халыҡ Комиссарҙары Советы рәйесе, 1946—1953 йылдарҙа ВКП(б) Башҡортостан өлкә комитетының 1‑се секретары. СССР Юғары Советы Президиумының 3‑сө саҡырылыш ағзаһы, СССР, РСФСР һәм БАССР Юғары Советтарының 1—3‑сө саҡырылыш депутаты. Ленин (1943, 1944, 1948, 1949), Хеҙмәт Ҡыҙыл Байраҡ (1972), Ҡыҙыл Йондоҙ (1945) ордендары менән бүләкләнгән.
• Камалов Ринат Әлтәф улы (28 июнь 1954) — яҙыусы. Башҡортостан Республикаһының атҡаҙанған мәҙәниәт хеҙмәткәре (1998), Салауат Юлаев исемендәге дәүләт премияһы лауреаты (2010), Мәсетле районының Рәшит Әхтәри исемендәге әҙәбиәт, мәҙәниәт һәм сәнғәт өлкәһендәге премияһы лауреаты (2002).
• Кәлимуллин Барый Ғибәт улы (10 апрель 1907—21 июль 1989) — совет архитекторы, педагог, йәмәғәт эшмәкәре. Сәнғәт фәндәре докторы (1976), профессор (1976), СССР-ҙың Төҙөлөш һәм архитектура академияһы ағза-корреспонденты (1957). БАССР-ҙың атҡаҙанған сәнғәт эшмәкәре (1947), РСФСР-ҙың атҡаҙанған архитекторы (1976). СССР-ҙың Архитекторҙар союзы ағзаһы (1935).
• Ҡылысбаев Шакирйән Ғәбделнафиҡ улы — 3-сө Бөтә башҡорт ҡоролтайында Кесе Ҡоролтай (предпарламент) ағзалығына кандидат итеп һайлана. 1917 йылда Башҡорт мәркәз шураһы тарафынан «федералист-башҡорттар» исемлеге буйынса Бөтә Рәсәй Ойоштороу йыйылышы ағзалығына кандидат итеп күрһәтелә
• Фәтҡуллин Хөсәйен Ямалетдин улы (5 сентябрь 1887 йыл — 1979), уҡытыусы, Беренсе Донъя һуғышыныда ҡатнашыусы. РСФСР-ҙың атҡаҙанған мәктәп уҡытыусыһы (1943), РСФСР-ҙың халыҡ мәғарифы отличнигы (1949). Ике Ленин ордены менән бүләкләнгән (1944, 1947).