Беренсе Йомағужа

Беренсе Йомағужа (1-се Йомағужа; рус. Первое Юмагузино) — Рәсәй Федерацияһы Ырымбур өлкәһе Ҡыуандыҡ ҡала округындағы ауыл.

Ауыл
Беренсе Йомағужа
Ил	РәсәйРәсәй
Федерация субъекты	Ырымбур өлкәһе
Ҡала округы	Ҡыуандыҡ
Координаталар	51°39′ с. ш. 57°35′ в. д.
Беренсе мәртәбә телгә алынған	1795
Элекке исеме	Йомағужа
Халҡы	36 кеше (2010)
Конфессиональ составы	мосолмандар
Һанлы танытмалар
Автомобиль коды	56
ОКАТО коды	53 224 806 008
ОКТМО коды	53 714 000 181
Беренсе Йомағужа

Географик урынлашыуы

Һаҡмар йылғаһының үҙәнендә урынлашҡан.

Тарихы

Аҡъюл ауылынан (хәҙерге Башҡортостандың Хәйбулла районы) Йомағужа торамаһы барлыҡҡа килә. Артабан Йомағужанан биш ауыл барлыҡҡа килә — Үҙәмбай, 1-се Йомағужа, 2-се Йомағужа, 3-сө Йомағужа һәм 4-се Йомағужа ауылдары барлыҡҡа килгән. Беренсе Йомағужа (Тирәкле) ауылы Ырымбур губернаһы Үҫәргән улусы составында була. Тәүге тапҡыр документтарҙа 1795 йылда телгә алына.

1816 йылда ауылда 194 башҡорт, ә 1859 йылда 177 башҡорт йәшәгәне теркәлгән. 1920 йылда 40 ихатала 211 кеше йәшәгән.

1917 йылдан Башҡортостан автономияһының (1919 йылдан Башҡортостан АССР-ының) Үҫәргән кантоны составында була. 1922 йылдың 5 октябренән Йылайыр кантоны составына индерелә. 1930 йылдың 20 авгусынан Башҡортостан АССР-ының Ейәнсура районы составына керә. 1934 йылда яңы ойошторолған Ырымбур өлкәһенең составына бирелә. 1934—1959 йылдарҙа Ырымбур өлкәһе Ейәнсура районы составында була. 1959 йылда Ырымбур өлкәһенең Ҡыуандыҡ районы составына индерелә

Халҡы

Ауыл башҡорттарының иҫәбе

1795	1834	1866	1889	1892	1900	1917	1920	1926
111	619	180	162	198	127	269	206	178

Халыҡ иҫәбе
2010
36

2002 йылғы бөтә Рәсәй халыҡ иҫәбен алыу мәғлүмәттәре буйынса ауылда башҡорттар 95 % тәшкил итә.

Билдәле шәхестәре

• Ҡунаҡов Йәрмөхәмәт Йомағужа улы (1794—?) — хәрби эшмәкәр. 1812 йылғы Ватан һуғышында һәм 1813—1814 йылдарҙағы Рус армияһының сит илгә походтарында ҡатнашыусы.