Ҡабарҙы-Балҡар ҡурсаулығы
Ҡабарҙы-Балҡар бейек тау ҡурсаулығы (рус. Кабарди́но-Балка́рский высокого́рный запове́дник) — Ҡабарҙы-Балҡар Республикаһындағы дәүләт тәбиғәт ҡурсаулығы[1]. 1976 йылдың ғинуарында ойошторола. Майҙаны 82 649 гектар. Буфер зонаһының майҙаны — 26 000 гектар.
| Ҡабарҙы-Балҡар бейек тау ҡурсаулығы | |
|---|---|
 | |
| Категория МСОП — Ia (Ҡәтғи тәбиғи резерват) | |
| Төп мәғлүмәт | |
| Майҙаны | 82649 га. |
| Нигеҙләнгән ваҡыты | 8 ғинуар 1976 йыл |
| Урынлашыуы | |
| 43°02′57″ с. ш. 43°14′33″ в. д.HGЯO | |
| РФ субъекты | Ҡабарҙы-Балҡар Республикаһы |
| Яҡындағы ҡала | Нальчик |
zapovednik-kbr.ru | |
 Ҡабарҙы-Балҡар ҡурсаулығы Викимилектә | |
Рельефы үҙгәртергә
Ҡурсаулыҡ Оло Кавказдың бейек тау зонаһына инә. Уның иң юғары нөктәһе — Дыхтау тауы (5204 м), иң түбән нөктәһе диңгеҙ кимәленән 1800 метр бейеклектә урынлашҡан. Ҡурсаулыҡта 256 боҙлоҡ бар. Уларҙың 194-енең майҙаны — 10 гектарҙан ашыу. Йәшәү мөмкин булмаған бүлкәттең дөйөм майҙаны 45 502 гектар, йәки ҡурсаулыҡ территорияһының 60,7 процентын тәшкил итә.
Гидрологияһы үҙгәртергә
Территория күп һанлы боҙлоҡтарҙан сыҡҡан йылғалар селтәре менән ҡапланған. Иң ҙурҙары — Чегем, Черек-Безенги, Черек-Балкар, Сукан-Су һәм Хазнидон. Минераль һыуҙарҙарҙың бер нисә сығанағы бар.
Флора һәм фаунаһы үҙгәртергә
Ҡурсаулыҡта теркәлгән төрҙәрҙең һаны: юғары үҫемлектәр — 1200, балыҡтар — 1, ер-һыу хайуандары — 1, һөйрәлеүселәр — 3, ҡоштар — 128, Һөтимәрҙәр — 29. Дағстан туры, ябай төлкө, ҡабан, шакал, һоро айыу, кавказ урман бесәйе, һеләүһен, аҫ, йәтсә, алтай тейене, ҡуян, ярғанат һ.б. даими йәшәй. Ҡоштарҙың һирәк төрҙәре бар: бөркөт, ҡара гриф, һаҡаллы бөркөт, таҙғара, көсөгән, ыласын, кавказ һуйыры, тау күркәһе.
Иҫкәрмәләр үҙгәртергә
- ↑ Кабардино-Балкарский государственный заповедник. Дата обращения: 20 октябрь 2014. Архивировано 11 ғинуар 2016 года.