Себрова Ирина Фёдоровна

Ирина Федоровна Себрова (25 декабрь 1914 йыл — 5 апрель 2000 йыл) — 46-сы гвардия төнгө бомбардировка авиация полкы звено командиры (325-се төнгө бомбардировка авиация дивизияһы) гвардия өлкән лейтенанты. Советтар Союзы Геройы.

Себрова Ирина Фёдоровна
рус. Ирина Фёдоровна Себрова
Зат	ҡатын-ҡыҙ
Гражданлыҡ	СССР
Хеҙмәт итеүе	СССР
Тыуған көнө	25 декабрь 1914({{padleft:1914|4|0}}-{{padleft:12|2|0}}-{{padleft:25|2|0}})
Тыуған урыны	Новомосковск, Епифанский уезд[d], Тула губернаһы[d], Рәсәй империяһы
Вафат булған көнө	5 апрель 2000({{padleft:2000|4|0}}-{{padleft:4|2|0}}-{{padleft:5|2|0}}) (85 йәш)
Вафат булған урыны	Мәскәү, Рәсәй
Һөнәр төрө	лётчик
Уҡыу йорто	М. В. Ломоносов исемендәге Мәскәү дәүләт университеты
Сәйәси фирҡә ағзаһы	Советтар Союзы Коммунистар партияһы
Хәрби звание	өлкән лейтенант[d]
Һуғыш/алыш	Икенсе бөтә донъя һуғышы
Ғәскәр төрө	СССР хәрби-һауа көстәре[d]
Маҡтаулы исемдәре һәм башҡа бүләктәре
Себрова Ирина Фёдоровна Викимилектә

Биографияһы

Ирина Федоровна Себрова 1914 йылдың 25 декабрендә Тула өлкәһенең Тетяковка ауылында хәҙер Новомосковский районында эшсе ғаиләһендә тыуған. Урыҫ.

Мәскәү он тартыу сәнәғәте техникумында уҡый. Фабрикала эшләй. 1938 йылда Мәскәү аэроклубы мәктәбен, 1940 йылда — Херсон хәрби авиация пилоттар мәктәбен тамамлай. Мәскә ҡалаһының Фрунзе аэроклубында осоусы- инструктор булып эшләй. Был ваҡытҡа уға егерме өс йәш була, ул ярайһы уҡ тәжрибәле инструктор була, Мәскәүҙең Фрунзе аэроклубында ике йыл эшләгән ваҡыты эсендә бер нисә төркөм курсанттар сығара.

Ҡыҙыл Армияла 1941 йылдың октябренән. 1942 йылда хәрби авиация пилоттары мәктәбе эргәһендәге курстарҙы тамамлай. Бөйөк Ватан һуғышы фронттарында 1942 йылдың майынан. 46-сы гвардия төнгө бомбардировка авиация полкының звено командиры (325-се төнгө бомбардировка авиадивизияһы, 4-се һауа армияһы, 2-се Белорус фронты) гвардия өлкән лейтенанты Себрова И. Ф. дошман ғәскәрҙәрен бомбаға тотоу буйынса 1004 хәрби осош яһай.

1943 йылдан ВКП(б)/КПСС ағзаһы

СССР Юғары Советы Президиумының 1945 йылдың 23 февралендәге Указы менән «командованиеның хәрби заданиеларын өлгөлө үтәгәне һәм немец илбаҫарҙары менән көрәш фронтында батырлыҡ күрһәткәне өсөн» 46-сы гвардия төнгө бомбардировка авиация полкының звено командиры (325-се төнгө бомбардировка авиация дивизияһы, 4-се һауа армияһы, 2-се Белорус фронты) гвардия өлкән лейтенанты Себрова Ирина Федоровнаға Ленин ордены һәм «Алтын Йондоҙ» миҙалы (№ 4856) миҙалы тапшырылып, «Советтар Союзы Геройы» исеме бирелә.

1948 йылдан өлкән лейтенант И. Ф. Себрова запаста, ә аҙаҡ отставкаға китә. Мәскәү авиация институтында эшләй. Мәскәүҙә йәшәй. 2000 йылдың 5 апрелендә вафат була. «Ракитки» зыяратында ерләнә.

Маҡтаулы исемдәре һәм башҡа бүләктәре

• «Алтын Йондоҙ» миҙалы № 4856 (1945 йыл 23 февраль);
• Ленин ордены (23 февраль 1945);
• өс Ҡыҙыл Байраҡ ордены (1942, 1944, ?);
• 1-се дәрәжә Ватан һуғышы ордены (1985);
• 2-се дәрәжә Ватан һуғышы ордены (1943);
• Ҡыҙыл Йондоҙ ордены (1943);
• миҙалдар.

Хәтер

• Гремячее ауылында урамдарҙың береһе уның хөрмәтенә аталған.
• Гремячее мәктәбе музейында И. Ф. Себроваға арналған экспозиция ойошторолған
• Мәскәүҙең 213-сө урта мәктәбендә Ҡыҙыл байраҡлы Суворов орденлы 46-сы Тамань гвардия төнгө бомбардировка авиация полкы Хәрби данының музейы бар

Әҙәбиәт

• Себрова Ирина Фёдоровна // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — С. 427. — 863 с. — 100 000 экз. — ISBN 5-203-00536-2.
• Кравцова (Меклин) Н. Тысяча восемь боевых вылетов // Героини: очерки о женщинах — Героях Советского Союза / ред.-сост. Л. Ф. Торопов; предисл. Е. Кононенко. — Вып. 2. — М.: Политиздат, 1969. — 463 с.
• Навечно в сердце народном / редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — С. 406. — 607 с.
• Ракобольская И. В., Кравцова Н. Ф. Нас называли ночными ведьмами. М.: Издательство МГУ, 2005. — 336 с.
• А. Атласов. 1008 боевых вылетов (Себрова Ирина Фёдоровна) // Герои-новомосковцы, 1941—1945 /ред. совет. — 2‑е изд., испр. и доп. — Новомосковск: Реком, 2010. — С. 58—61. — 114 с. — 1000 экз.

Һылтанмалар

• Себрова Ирина Фёдоровна  (билдәһеҙ). «Герои страны» сайты.
• Крылатая гвардия — галерея изображений.
• Татьяна Самойленко. «Ночная ласточка». Новомосковские новости. 22.01.2010.