Вәлитов Ишбулды Ғиниәт улы

Вәлитов Ишбулды Ғиниәт улы (13 май 1935 йыл — 12 февраль 2013 йыл) — әҙәби тәнҡитсе. 1988 йылдан СССР Яҙыусылар союзы ағзаһы. Филология фәндәре кандидаты (1973). Башҡортостан Республикаһының атҡаҙанған уҡытыусыһы (1995), РСФСР‑ҙың халыҡ мәғарифы отличнигы (1979). Ғәли Ибраһимов (1998) һәм Зәйнәб Биишева исемендәге (2001) премиялар лауреаты. Хеҙмәт Ҡыҙыл Байраҡ ордены кавалеры (1981).

Вәлитов Ишбулды Ғиниәт улы
Тыуған көнө	13 май 1935({{padleft:1935|4|0}}-{{padleft:5|2|0}}-{{padleft:13|2|0}})
Тыуған урыны	БАССР, Күгәрсен районы, Эткөсөк ауылы
Вафат көнө	12 февраль 2013({{padleft:2013|4|0}}-{{padleft:2|2|0}}-{{padleft:12|2|0}}) (77 йәш)
Вафат урыны	Стәрлетамаҡ
Ил	СССР, Россия
Альма-матер	Стәрлетамаҡ дәүләт педагогия институты
Ғилми дәрәжәһе	филология фәндәре кандидаты (1973)
Награда һәм премиялары

Тормошо

• Ишбулды Ғиниәт улы Вәлитов 1935 йылдың 13 майында БАССР-ҙың Күгәрсен районы Эткөсөк ауылында тыуған.
• 1961 йылда Стәрлетамаҡ дәүләт педагогия институтын тамамлай.
• 1961—1962 йылдарҙа Тарих, тел һәм әҙәбиәт институтында эшләй.
• 1962—2007 йылдарҙа Стәрлетамаҡ дәүләт педагогия институтында эшләй: 1977 йылдан башҡорт теле һәм әҙәбиәте кафедраһы мөдире; 1987—1999 йылдарҙа әҙерлек бүлеге мөдире.

Ғалим 2013 йылдың 12 февралендә Стәрлетамаҡ ҡалаһында вафат була.

Ғилми эшмәкәрлеге

И. Ғ. Вәлитовтың фәнни эшмәкәрлеге З. А. Биишева, Ж. Ғ. Кейекбаев, М. Кәрим, Ә. Хәким һ. б. әҫәрҙәренең стиль һәм жанр Үҙенсәлектәрен тикшереүгә арналған «Ижади үрҙәргә» (1986) китабында фольклор традицияларының әҙәбиәткә йоғонтоһон тикшерә; А. Х. Абдуллин, Р. Ғ. Солтангәрәев, Ш. М. Янбаев һ. б. әҫәрҙәрен анализлай. 70-тән ашыу фәнни хеҙмәт авторы.

Әҙәрҙәре

• Ижади үрҙәргә. Өфө, 1986.
• Зәйнәб Биишева ижады. Өфө, 1980 (авторҙаш).

Маҡтаулы исемдәре һәм наградаһы

• Башҡортостан Республикаһының атҡаҙанған уҡытыусыһы (1995);
• РСФСР-ҙың халыҡ мәғарифы отличнигы (1979);
• З. Биишева исемендәге премия лауреаты (2011);
• Хеҙмәт Ҡыҙыл Байраҡ ордены (1981).

Һылтанмалар

Вәлитов Ишбулды Ғиниәт улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.