Һатыусин Сәғит Сәлимгәрәй улы
Һатыусин Сәғит Сәлимгәрәй улы (рус. Сатучин Сагит Салимгареевич; 1 ғинуар 1914 йыл — 12 октябрь 1990 йыл) — совет дипломаты. 1939 йылда Халхин‑Гол йылғаһы янындағы совет‑япон хәрби бәрелешендә һәм Бөйөк Ватан һуғышында ҡатнашыусы. 1‑се дәрәжә Ватан һуғышы (1985), Ҡыҙыл Йондоҙ (1948) һәм «Почёт Билдәһе» ордендары (1966) кавалеры.
| Һатыусин Сәғит Сәлимгәрәй улы | |
| Зат | ир-ат |
|---|---|
| Гражданлыҡ |
 СССР |
| Тыуған көнө | 1 ғинуар 1914 |
| Тыуған урыны |
Ырымбур губернаһы, Рәсәй империяһы[1] Мерәҫ ауылы, Кувай ауыл Советы[d], Новосергиевка районы, Ырымбур өлкәһе, РСФСР |
| Вафат булған көнө | 12 октябрь 1990[1] (76 йәш) |
| Вафат булған урыны | Мәскәү, СССР |
| Һөнәр төрө | уҡытыусы, дипломат |
| Эш урыны | СССР Сит эштәре министрлығы |
| Уҡыу йорто | Рәсәй Сит ил эштәре министрлығының Дипломатик академияһы[d][1] |
| Маҡтаулы исемдәре һәм башҡа бүләктәре |
   |
Биографияһы үҙгәртергә
Сәғит Сәлимгәрәй улы Һатыусин 1914 йылдың 1 ғинуарында Ырымбур губернаһы Ырымбур өйәҙенең (хәҙерге Ырымбур өлкәһе Новосергиевка районының) Мерәҫ ауылында тыуған[2].
1932—1933 йылдарҙа Ырымбур башҡорт педагогия техникумында уҡыта.
1935 йылда Ырымбур педагогия институтын тамамлай.
Артабан Темәс башҡорт педагогия училищеһында уҡыта. 1938—1939 йылдарҙа Темәс башҡорт педагогия училищеһының директор урынбаҫары вазифаһын башҡара[2].
1939 йылда Халхин-Гол йылғаһы буйындағы совет-япон ғәскәрҙәре араһындағы ҡораллы алыштарҙа, артабан Бөйөк Ватан һуғышында ҡатнаша[2].
1942—1943 йылдарҙа Дәүләкән педагогия училищеһында эшләй. 1946 йылда СССР Сит ил эштәре министрлығының юғары дипломатик мәктәбен тамамлай.
1946—1975 йылдарҙа СССР Сит ил эштәре министрлығында хеҙмәт итә:
- Йәмәндәге илселектә[3] дипломат;
- Венгриялағы илселектә 1954—1959 йылдарҙа беренсе сәркәтип, ә 1967—1972 йылдарҙа кәңәшсе;
- Кипр Республикаһындағы илселектә 1964—1965 йылдарҙа кәңәшсе вазифаларын үтәй[2].
Иҫкәрмәләр үҙгәртергә
- ↑ 1,0 1,1 1,2 Башкирская энциклопедия (урыҫ) — Башкирская энциклопедия, 2005. — 4344 с. — ISBN 978-5-88185-053-1
- ↑ 2,0 2,1 2,2 2,3 Сатучина Э. С. Сатучин Сагит Салимгареевич // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8.
- ↑ Темясовскому педтехникуму — 70 лет
Һылтанмалар үҙгәртергә
- Һатыусин Сәғит Сәлимгәрәй улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 28 декабрь 2018)