Төп менюны асырға

Толкачёв Константин Борисович (1 март 1953 йыл) — дәүләт эшмәкәре, юрист-хоҡуҡ белгесе. Юридик фәндәр докторы (1998), профессор (1998). Рәсәй Федерацияһының (2008) һәм Башҡортостан Республикаһының (1997) атҡаҙанған юрисы, Рәсәй Федерацияһы Эске эштәр министрлығының почётлы хеҙмәткәре (2000). Эске хеҙмәт генерал‑майоры (1998). 1999 йылдан Башҡортостан Республикаһының Дәүләт Йыйылышы — Ҡоролтай депутаты һәм рәйесе (2-се — 5-се саҡырылыш).

Константин Борисович Толкачёв
Константин Борисович Толкачёв
Флаг
Башҡортостан Республикаһының Дәүләт Йыйылышы — Ҡоролтай Рәйесе
Флаг
 1999 йылдан
Алдан килеүсе: Михаил Алексеевич Зайцев
 
Тыуған: 1 март 1953({{padleft:1953|4|0}}-{{padleft:3|2|0}}-{{padleft:1|2|0}}) (66 йәш)
СССР, Кемерово өлкәһе, Сталинск ҡалаһы
Партия: «Берҙәм Рәсәй»
Белеме: СССР Эске эштәр министрлығы академияһы
Ғилми дәрәжәһе: Юридик фәндәр докторы
Профессияһы: юрист
 
Наградалары:
Александр Невский ордены кавалеры Почёт ордены Дуҫлыҡ ордены
«Башҡортостан Республикаһы алдындағы хеҙмәттәре өсөн» ордены
Салауат Юлаев ордены Именной пистолет Макарова (ПМ) от руководства РФ

БиографияһыҮҙгәртергә

1953 йылдың 1 мартында Кемерово өлкәһенең бөгөнгө Новокузнецк ҡалаһында тыуа. Юғары белемле — СССР Эске эштәр министрлығының Рязань юғары мәктәбен, ошо уҡ министрлыҡтың Академияһын тамамлай. Эске эштәр хеҙмәтенең отставкалағы генерал-майоры. Юридик фәндәр докторы, профессор, Рәсәй Федерацияһы Юридик фәндәр академияһының ғәмәлдәге ағзаһы. 300-ҙән ашыу ғилми хеҙмәттәр авторы.

Хеҙмәт юлын 1970 йылда Кузнецк металлургия комбинатында торбалар йәбештереүсе ярҙамсыһы булып башлай. 1971 йылдан 1973 йылға тиклем Совет Армияһы сафтарында хеҙмәт итә. 1977—1996 йылда Рәсәй Федерацияһы Эске эштәр министрлығы системаһында етәксе вазифаларҙы биләй. 1996 йылда Рәсәй Федерацияһының Эске эштәр министрлығы Өфө юридик институты начальнигы итеп тәғәйенләнә.

Башҡортостан Республикаһы Дәүләт Йыйылышы — Ҡоролтайҙың икенсе — дүртенсе саҡырылыш депутаты, Башҡортостан Республикаһы Дәүләт Йыйылышы — Ҡоролтай Рәйесе итеп һайлана. 1999—2001 йылдарҙа Рәсәй Федерацияһы Федераль Йыйылышының Федерация Советында конституция закондарын сығарыу комитеты ағзаһы. Европаның урындағы һәм төбәк властары конгресы Төбәктәр палатаһында Рәсәй Федерацияһы вәкиле урынбаҫары. Рәсәй Федерациһы Закондар сығарыусылар советының ағзаһы. Башҡортостан Республикаһы Президенты ҡарамағындағы Ярлыҡау мәсьәләләре буйынса комиссия рәйесе. Башҡортостан Республикаһының Президент Советы ағзаһы.

Дуҫлыҡ (2013),Почёт (2003), «Башҡортостан Республикаһы алдындағы хеҙмәттәре өсөн» (2003), «Салауат Юлаев» (2008), 1-се дәрәжә Бөйөк Петр, Андропов ордендары, ун дүрт миҙал, исемле ҡорал менән бүләкләнә. Рәсәй Федерацияһы Эске эштәр министрлығының почетлы хеҙмәткәре, Рәсәй Федерацияһының һәм Башҡортостан Республикаһының атҡаҙанған юрисы.

2015 йылдың 9 декабрендә Башҡортостан Республикаһы Башлығы Рөстәм Хәмитов Константин Толкачёвҡа Рәсәй Федерацияһы Президентының Рәхмәтен тапшырҙы[1].

2019 йылдың июнендә Константин Толкачёв Рәсәй Федерацияһы Президенты указына ярашлы Александр Невский ордены менән наградланды[2].

Йәмәғәт эшмәкәрлегеҮҙгәртергә

  • «Берҙәм Рәсәй» бөтә Рәсәй сәйәси фирҡәһе ағзаһы.
  • Толкачёв Константин Борисович Башҡортостан Республикаһы Дәүләт Йыйылышы — Ҡоролтайҙың 60-сы Беүә бер мандатлы һайлау округы буйынса депутаты. Ул һайланған округтар:
  • 5-се саҡырылыш — Берҙәм республика һайлау округы
  • 4-се саҡырылыш — 60-сы Беүә һайлау округы
  • 3-сө саҡырылыш — 93-сө Мәсәғүт һайлау округы
  • 2-се саҡырылыш — 3-сө Киров һайлау округы

ИҫкәрмәләрҮҙгәртергә

ҺылтанмаларҮҙгәртергә