Бәхтейәров Рауил Ҡотдос улы

Бәхтейәров Рауил Ҡотдос улы
	Бәхтейәров Рауил Ҡотдос улы
Зат	ир-ат
Гражданлыҡ	СССР; Рәсәй
Тыуған көнө	4 ғинуар 1926
Тыуған урыны	Ҡашҡалаша, Өфө кантоны, Башҡорт АССР-ы, РСФСР, СССР
Вафат булған көнө	30 март 2001 (75 йәш)
Вафат булған урыны	Өфө, Башҡортостан Республикаhы, Рәсәй
Һөнәр төрө	тимерсе
Һуғыш/алыш	Бөйөк Ватан һуғышы
Маҡтаулы исемдәре һәм башҡа бүләктәре

Википедияла Бәхтейәров фамилиялы башҡа кешеләр тураһында мәҡәләләр бар.

Бәхтейәров Рауил Ҡотдос улы (4 ғинуар 1926 йыл — 30 март 2001 йыл) — төҙөлөш алдынғыһы. Бөйөк Ватан һуғышында ҡатнашыусы. 1950—1988 йылдарҙа «Нефтепроводмонтаж» 74-се төҙөлөш-монтаж идаралығы слесарь–монтажсыһы, бригадиры. Башҡорт АССР-ының туғыҙынсы саҡырылыш Юғары Советы депутаты (1975—1980). Социалистик Хеҙмәт Геройы (1967). Башҡорт АССР-ының атҡаҙанған төҙөүсеһе (1980).

Биографияһы

Рауил Ҡотдос улы Бәхтейәров 1926 йылдың 4 ғинуарында Башҡорт АССР-ының Өфө кантоны^[1] Ҡашҡалаша ауылында тыуған.

Бөйөк Ватан һуғышы яугиры, 1943 йылдың ноябрендә Ҡыҙыл Армия сафына саҡырыла, Япония менән һуғышта ҡатнаша.

1950 йылдан 1988 йылға тиклем «Нефтепроводмонтаж» тресының 74-се төҙөлөш-монтаж идаралығында слесарь-монтажсы, слесарь-монтажсылар бригадиры, иретеп йәбештереүсе булып эшләй. Һуңынан «Нефтепроводмонтаж» тресының иретеп йәбештереүселәр мәктәбендә производствоға өйрәтеү мастеры булып эшләй.

1961—1962 йылдарҙа Әлмәт ҡалаһы районында «Дуҫлыҡ» нефть үткәргесен төҙөүҙә, 1963 йылда — «Бохара—Урал» газ үткәргесенең беренсе сиратын, «Туймазы — Өфө» үткәргес торба һәм башҡа объекттар төҙөүҙә ҡатнаша.

Рауил Бәхтейәров тарафынан 9000 тирәһе ялғау йәки 30 км магистраль газ-нефть үткәргесе иретеп йәбештерелгән. 74-се төҙөлөш-монтаж идаралығында ул беренсе булып торбаларҙы аҫҡа һалмалы ҡулсаһыҙ иретеп йәбештереүҙе үҙләштерә.

«Дуҫлыҡ» нефть үткәргесен төҙөүҙә һәм ғәмәлгә индереүҙә өлгәшкән ҙур уңыштары өсөн СССР Юғары Советы Президиумының 1967 йылдың 14 октябрендәге Указы менән Бәхтейәров Рауил Ҡотдос улына «Социалистик Хеҙмәт Геройы» исеме бирелә.

1967—1968 йылдарҙа Афғанстанда газ үткәргес төҙөй.

Башҡорт АССР-ының туғыҙынсы саҡырылыш Юғары Советы депутаты (1975—1980).

Бәхтейәров Рауил Ҡотдос улы 2001 йылдың 30 мартында вафат була^[2]

Маҡтаулы исемдәре һәм башҡа бүләктәре

Социалистик Хеҙмәт Геройы (1967).
Почёт Билдәһе ордены (1960).
Башҡорт АССР-ының атҡаҙанған төҙөүсеһе (1980).

Әҙәбиәт

Герои труда/ Справочник о Героях Социалистического Труда и кавалерах ордена Трудовой Славы трех степеней из Башкортостана./ сост. Р. А. Валишин [и др.]. — Уфа : Китап, 2011. — 432 с. : ил. -ISBN 978-5-295-05228-6.

Шулай уҡ ҡарағыҙ

Башҡортостандың Социалистик Хеҙмәт Геройҙары

Иҫкәрмәләр

Һылтанмалар

Сергей Каргапольцев. Равиль Кутдусович Бахтияров (билдәһеҙ). «Герои страны» сайты. Дата обращения: 8 июль 2016.

Уларҙың хеҙмәт ҡаһарманлығы онотолмай(недоступная ссылка)
Стальные строчки биографии Николая Байдина
Бәхтейәров Рауил Ҡотдос улы(недоступная ссылка)
МАСТЕРСТВО НАЧИНАЕТСЯ С УФЫ 2009 йыл 22 ноябрь архивланған.

[1] Хәҙер Башҡортостан Республикаһының Благовар районы

[2] ПРИКАЗ от 20 декабря 2005 г.

[1]

[2]