Кузнецов Леонид Иванович
Кузнецов Леонид Иванович (5 апрель 1947 йыл) — именлек органдары һәм дәүләт хеҙмәте ветераны. 1998 йылдан Рәсәй Федераль именлек хеҙмәтенең Красноярск крайы буйынса идаралығы начальнигы, генерал-лейтенант (1999); 2001—2006 йылдарҙа Рәсәй Президентының Урал федераль округындағы тулы хоҡуҡлы вәкиле урынбаҫары. Контрразведканың почётлы хеҙмәткәре. Ҡыҙыл Байраҡ һәм «Хәрби хеҙмәттәре өсөн» ордендары кавалеры.
| Кузнецов Леонид Иванович | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 5 апрель 1947 (77 йәш) |
| Тыуған урыны | Яңы Балаҡатай, Башҡорт АССР-ы, РСФСР, СССР |
| Һөнәр төрө | геолог, контрразведка |
| Уҡыу йорто | Урал дәүләт тау университеты |
| Хәрби звание | генерал-лейтенант[d] |
| Маҡтаулы исемдәре һәм башҡа бүләктәре |
 |
Биографияһы үҙгәртергә
Леонид Иванович Кузнецов 1947 йылдың 5 апрелендә Башҡорт АССР-ының Балаҡатай районы Яңы Балаҡатай ауылына тыуа. 1966 йылда Мейәс геология-разведка техникумын тамамлағас, юғары белемде Свердловск тау институтында ала (1973). 1966 йылда Яҡутск геология идаралығының Аимск геология-разведка партияһында техник-геолог булып эшләй. 1966—1968 йылдарҙа СССР Ҡораллы Көстәрендә хеҙмәт итә. 1969 йылдан Балаҡатай кәсепселек-геофизик экспедицияһы газокартонаж партияһының техник операторы булып эшләй. 1973—1974 йылдарҙа — Свердловск тау институтының кесе ғилми хеҙмәткәре.
1974 йылдың февраленән — дәүләт именлеге органдарында хәрби хеҙмәттә, төрлө вазифалар биләй. СССР Дәүләт именлеге комитетының һәм Рәсәй Федераль именлек хеҙмәтенең Свердловск өлкәһе буйынса идаралығында эшләй. 1998 йылдан ФСБ-ның Красноярск крайы буйынса идаралығы начальнигы, 1999 йылдан генерал-лейтенант.
Хәрби хеҙмәт осоронда СССР Дәүләт именлеге комитетының Минск ҡалаһындағы Юғары курсын, Рәсәй Федераль именлек хеҙмәте Академияһының квалификация күтәреү факультетын тамамлай. «Контрразведканың почётлы хеҙмәткәре» исеменә лайыҡ була, Ҡыҙыл Байраҡ һәм «Хәрби хеҙмәттәре өсөн» ордендары, СССР һәм Рәсәй миҙалдары менән бүләкләнә[1].
2001—2004 йылдарҙа Рәсәй Президентының Урал федераль округындағы тулы хоҡуҡлы вәкиле урынбаҫары булып эшләй[2].
2006 йылдан «Связь-Банк»тың Урал төбәк үҙәге етәксеһе[3][4][5].
Ғаиләһе үҙгәртергә
Өйләнгән, ике ҡыҙы бар.
Маҡтаулы исемдәре һәм башҡа бүләктәре үҙгәртергә
Иҫкәрмәләр үҙгәртергә
- ↑ Кузнецов Леонид Иванович – биография. Сетевое издание «Информационно аналитический портал «VIPERSON» (Виперсон) (рус.) (Тикшерелеү көнө: 6 май 2022)
- ↑ Заместители полномочного представителя. Свободная энциклопедия Урала 2021 йыл 24 август архивланған. (рус.) (Тикшерелеү көнө: 6 май 2022)
- ↑ Руководителем Уральского «Связь-Банка» назначен Леонид Кузнецов. Сетевое издание «74.ру». 5 июля 2006 года (рус.) (Тикшерелеү көнө: 6 май 2022)
- ↑ 4,0 4,1 Кузнецов Леонид Иванович
- ↑ 5,0 5,1 Кузнецов Леонид Иванович 2020 йыл 20 февраль архивланған.
Сығанаҡтар үҙгәртергә
- Информационно-аналитическое издание «Чекист.ru». Генерал-лейтенант Кузнецов Леонид Иванович 2020 йыл 20 февраль архивланған. (рус.) (Тикшерелеү көнө: 6 май 2022)
- Кузнецов Леонид Иванович. Сетевое издание «Информационно аналитический портал «VIPERSON» (рус.) (Тикшерелеү көнө: 6 май 2022)
Һылтанмалар үҙгәртергә
- Уральский федеральный округ. Свободная энциклопедия Урала. 2021 йыл 24 август архивланған. (рус.) (Тикшерелеү көнө: 6 май 2022)