Кармишин Дмитрий Дмитриевич
Кармишин Дмитрий Дмитриевич (4 ноябрь 1926 йыл — 7 ноябрь 1956 йыл) — Совет ғәскәрҙәренең көньяҡ төркөмөндәге 880-се гвардия бомбардировка авиацияһы полкының эскадрилья штурманы, гвардия капитаны, Советтар Союзы Геройы (1956).
| Кармишин Дмитрий Дмитриевич | |
| Зат | ир-ат |
|---|---|
| Гражданлыҡ |
 СССР |
| Хеҙмәт итеүе | СССР |
| Тыуған көнө | 4 ноябрь 1926 |
| Тыуған урыны | Шаран районы, СССР |
| Вафат булған көнө | 7 ноябрь 1956 (30 йәш) |
| Вафат булған урыны | Венгрия |
| Ерләнгән урыны | Лычаков зыяраты[d] |
| Һөнәр төрө | хәрби хеҙмәткәр |
| Сәйәси фирҡә ағзаһы | Советтар Союзы Коммунистар партияһы |
| Хәрби звание | Капитан |
| Һуғыш/алыш | Бөйөк Ватан һуғышы |
| Ғәскәр төрө | СССР хәрби-һауа көстәре[d] |
| Маҡтаулы исемдәре һәм башҡа бүләктәре |
    |
Биографияһы
үҙгәртергәКармишин Дмитрий Дмитриевич 1926 йылдың 4 ноябрендә Башҡорт АССР-ының (хәҙерге Башҡортостан Республикаһы) Шаран районы Залесовка ауылында крәҫтиән ғаиләһендә тыуған. Шаран районының Преображенка ауылында олатаһында тәрбиәләнә.
рус. 1955 йылдан — КПСС ағзаһы. 9 класс һәм Өфө тимер юл техникумының 1 курсын тамамлай. Район МТС-да тракторсы булып эшләй.
1943 йылда БАССР-ҙың Шаран райвоенкоматы тарафынан Ҡыҙыл армияға саҡырыла. 1948 йылда Ырымбур хәрби авиация штурмандар училищеһын тамамлай һәм истребителдәр авиацияһының звеноһы штурманы итеп тәғәйенләнә.
1952 йылда Совет ғәскәрҙәренең көньяҡ төркөмөнөң (Венгр Халыҡ Республикаһы) бомбардировка авиацияһы полкына ебәрелә . 880-се эскадрилья штурманы гвардия капитаны Д. Д. Кармишин 1956 йылдың көҙөндә совет ғәскәрҙәре составында 1956 йылғы мадьяр ихтилалы ваҡиғаларынан һуң тәртип урынлаштырыу һәм ижади хеҙмәт өсөн шарттар булдырыу өсөн Венгрия ғәскәрҙәренә ярҙам күрһәтеүҙә ҡатнаша.
1956 йылдың 7 ноябрендә Дмитрий Дмитриевич Ил-28 бомбардировщигы экипажы составында (командиры — гвардия капитаны Александр Андреевич Бобровский, радисты — гвардия өлкән лейтенант Ярцев Владимир Егорович) Будапешт хәрби заводтарын аэрофотоға төшөрә.
Ҡуйылған бурысты үтәгәндән һәм разведка мәғлүмәттәрен штабҡа тапшырғандан һуң аэродромдарына ҡайтҡан саҡта летчиктар Чепель утрауы районында утҡа тотола. Һөҙөмтәлә самолёт бәреп төшөрөлә, уның экипажы һәләк була.
Офицер-гвардейсыларҙың мәйеттәре Советтар Союзына сығарыла һәм Львов ҡалаһындағы Лычаков зыяратында ерләнә.
СССР-ҙың Юғары Советы Президиумы 1956 йылдың 18 декабрендәге Указы менән хәрби бурысын үтәгән саҡта күрһәткән ҡаһарманлығы һәм батырлығы өсөн гвардия капитаны Кармишин Дмитрий Дмитриевичҡа үлгәндән һуң Советтар Союзы Геройы исеме бирелә.
Наградалары
үҙгәртергә- Советтар Союзы Геройы «Алтын Йондоҙ» миҙалы.
- Ленин ордены.
Хәтер
үҙгәртергәШаран ауылындағы балалар йортона Кармишин Д. Д. исеме бирелгән.
Советтар Союзы Геройы Д. Д. Кармишиндың документтары һәм шәхси әйберҙәре Туймазы ҡалаһының (Башҡортостан) 8-се һанлы мәктәбенең музейында тупланған.
Иҫкәрмәләр
үҙгәртергәӘҙәбиәт
үҙгәртергә- Несокрушимые. — Уфа, 1985.
- Славные сыны Башкирии. — Уфа.
- Башкирская энциклопедия. Гл. ред. М. А. Ильгамов т. 2. В-Ж. — Уфа: Башкирская энциклопедия, 2006. — 624 с. — ISBN 5-88185-062-9.
Һылтанмалар
үҙгәртергәКармишин Дмитрий Дмитриевич. «Герои страны» сайты.