Заманов Мәсғүт Фәйзрахман улы
Заманов Мәсғүт Фәйзрахман улы (15 ғинуар 1914 йыл — 16 февраль 1988 йыл) — сиҙәм ерҙәрҙе үҙләштереү алдынғыһы. Совет-фин һуғышында ҡатнашыусы. СССР-ҙың 5-се саҡырылыш Юғары Советы депутаты. Социалистик Хеҙмәт Геройы (1957).
| Заманов Мәсғүт Фәйзрахман улы | |
| Зат | ир-ат |
|---|---|
| Гражданлыҡ |
 Рәсәй империяһы СССР |
| Тыуған көнө | 15 ғинуар 1914[1] |
| Тыуған урыны | Иҫәнбәт ауылы, Орск өйәҙе, Ырымбур губернаһы, Рәсәй империяһы[1] |
| Вафат булған көнө | 16 февраль 1988 (74 йәш) |
| Вафат булған урыны | Иҫәнбәт ауылы, Күсей ауыл Советы, Баймаҡ районы, Башҡорт АССР-ы, РСФСР, СССР |
| Маҡтаулы исемдәре һәм башҡа бүләктәре |
  |
Биографияһы
үҙгәртергәМәсғүт Фәйзрахман улы Заманов 1914 йылдың 15 ғинуарында Ырымбур губернаһы Орск өйәҙе[2] Иҫәнбәт (элекке атамаһы Сураш) ауылында тыуған. Башланғыс белемле.
Хеҙмәт юлын 1928 йылдың октябрендә хәҙерге Баймаҡ районындағы Түбә руднигында электромонтер уҡыусыһы сифатында башлай. 1930—1931 йылдарҙа Әбйәлил районы «Красная Башкирия» совхозындағы механизаторҙар мәктәбендә уҡый. 1931 йылдың декабренән алып Үзбәк ССР-ының Яҡҡабаҡ игенселек совхозында тракторсылар бригадаһын етәкләй. 1934—1937 йылдарҙа — Баймаҡ районы Сибай машина-трактор станцияһында участка механигы, 1938—1939 йылдарҙа — шул уҡ райондың К. Е. Ворошилов исемендәге колхозы шоферы. 1939 йылдың ғинуарында хәрби хеҙмәткә саҡырыла. Совет-фин һуғышында ҡатнаша. Демобилизациянан һуң 1941 йылдың ғинуарында участка механигы булып эшләй, 1955 йылдан алып — Сибай МТС-нда комбайнсы.
1954 йылдан Мәсғүт Заманов Башҡорт АССР-ының сиҙәм һәм ҡалдау ерҙәрҙе үҙләштереүендә әүҙем ҡатнаша. 1956 йылда комбайнда 745 гектар майҙанда 15 450 центнер иген һуға. Һәр гектарҙан йыйылған уңыш 21 центнер тәшкил итә.
1956 йылда сиҙәм һәм ҡалдау ерҙәрҙе үҙләштереүҙә, уңыш йыйыуҙа һәм иген әҙерләүҙә айырым ҡаҙаныштары өсөн СССР-ҙың Юғары Советы Президиумының 1957 йылдың 11 ғинуарындағы Указына ярашлы М. Ф. Замановҡа «Социалистик Хеҙмәт Геройы» исеме бирелә.
1957—1960 йылдарҙа Баймаҡ районы Сибай совхозы комбайнсыһы.
1960 йылда хаҡлы ялға сыға.
1988 йылдың 16 февралендә вафат була
Маҡтаулы исемдәре һәм башҡа бүләктәре
үҙгәртергә- Социалистик Хеҙмәт Геройы (1957)
- ике Ленин ордены (1957, 1966)
Хәтер
үҙгәртергә- Баймаҡ районының Иҫәнбәт һәм Иҫке Сибай ауылдары урамдарына Герой исеме бирелгән.
Иҫкәрмәләр
үҙгәртергә- ↑ 1,0 1,1 Башкирская энциклопедия (урыҫ) — Башкирская энциклопедия, 2005. — 4344 с.
- ↑ Хәҙер Башҡортостан Республикаһының Баймаҡ районы
Әҙәбиәт
үҙгәртергә- Герои труда / сост. Р. А. Валишин [и др.]. — Уфа: Китап, 2011. — 432 с. : ил. — ISBN 978-5-295-05228-6.
Һылтанмалар
үҙгәртергә- Заманов Мәсғүт Фәйзрахман улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 7 ғинуар 2019)
- Сергей Каргапольцев. Заманов Мәсғүт Фәйзрахман улы. «Герои страны» сайты. Дата обращения: 10 июль 2016.
- Официальный сайт Баймакского района: Заманов Масгут Файзрахманович