Ефремов Фёдор Герасимович
Ефремов Фёдор Герасимович (14 июль 1906 йыл — 30 март 1972 йыл) — нефть сығарыу тармағы эшмәкәре. 1950—1967 йылдарҙа «Башвостокнефтеразведка» тресы идарасыһы. Башҡорт АССР-ының атҡаҙанған нефтсеһе (1965). Сталин премияһы лауреаты (1950). Ленин (1959), өс Хеҙмәт Ҡыҙыл Байраҡ (1948, 1951, 1966) ордендары кавалеры. Бөрө ҡалаһының почётлы гражданы.
| Ефремов Фёдор Герасимович | |
| Зат | ир-ат |
|---|---|
| Гражданлыҡ |
 Рәсәй империяһы СССР |
| Тыуған көнө | 1 (14) июль 1906 |
| Тыуған урыны | Рузвель[d], Наровчатский өйәҙе[d], Пенза губернаһы[d], Рәсәй империяһы |
| Вафат булған көнө | 30 март 1972 (65 йәш) |
| Вафат булған урыны | Бөрө, Башҡорт АССР-ы, РСФСР, СССР |
| Һөнәр төрө | нефть сығарыу |
| Маҡтаулы исемдәре һәм башҡа бүләктәре |
    |
Биографияһы үҙгәртергә
Фёдор Герасимович Ефремов 1906 йылдың 1 (14) июлендә Пенза губернаһының Рузвель ауылында тыуған (хәҙер Пенза өлкәһе Наровчаты районы).
1939 йылда Баҡы сәнәғәт академияһын тамамлай. Артабан Әзербайжан ССР-ы һәм Үзбәк ССР-ының нефть промыслаларында эшләй: 1947 йылдан — баш инженер, «Татнефтегазразведка» тресы идарасыһы, 1950—1967 йылдарҙа «Башвостокнефтеразведка» тресы идарасыһы.
Башҡортостан биләмәләрендә Арлан, Сытырман, Тәтешле, Уръябаш нефть ятҡылыҡтарын үҙләштереүҙә ҡатнаша. 60‑сы йылдарҙа тәрән скважиналарҙы (3000 м ашыу) быраулау, нефть промыслаларында мәҙәни-көнкүреш тәғәйенләнешле күсмә объекттар урынлаштырыу эштәрендә туранан-тура ҡатнаша. Татарстандағы Ромашкинский нефть ятҡылығын асыусыларҙың береһе.
1972 йылдың 30 мартында Башҡорт АССР-ының Бөрө ҡалаһында вафат була.
Маҡтаулы исемдәре һәм башҡа бүләктәре үҙгәртергә
- эре яңы нефть ятҡылыҡтарын асыуы өсөн икенсе дәрәжә Сталин премияһы (1950)
- Ленин ордены (1959)
- өс Хеҙмәт Ҡыҙыл Байраҡ ордены (1948, 1951, 1966)
- Башҡорт АССР-ының атҡаҙанған нефтсеһе (1965)
- Бөрө ҡалаһының почётлы гражданы
Һылтанмалар үҙгәртергә
- Ефремов Фёдор Герасимович // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 13 июль 2021)
- Энциклопедия Урала 2016 йыл 4 март архивланған.