Исхаҡов Вәзих Мөхәмәтша улы

Вәзих Исхаҡов
	Вәзих Исхаҡов
Исеме:	Исхаҡов Вәзих Мөхәмәтша улы
Тыуған көнө:	5 октябрь 1927
Тыуған урыны:	Башҡорт АССР-ы Бәләбәй кантоны Иҫке Тайнаш ауылы
Вафат булған көнө:	20 ғинуар 1985 (57 йәш)
Вафат булған урыны:	Өфө
Гражданлығы:	СССР
Эшмәкәрлеге:	яҙыусы
Әҫәрҙәре яҙылған тел:	башҡорт, татар, рус
Премиялары:	Ғәлимов Сәләм исемендәге премия (1984)

Исхаҡов Вәзих Мөхәмәтша улы (5 октябрь 1927 йыл — 20 ғинуар 1985 йыл) — яҙыусы, 1966 йылдан СССР Яҙыусылар союзы ағзаһы. БАССР‑ҙың атҡаҙанған мәҙәниәт хеҙмәткәре (1981), Башҡортостан комсомолының Ғәлимов Сәләм исемендәге премияһы лауреаты (1984).

Википедияла Исхаҡов фамилиялы башҡа кешеләр тураһында мәҡәләләр бар.

Биографияһы

Вәзих Мөхәмәтша улы Исхаҡов 1927 йылдың 5 октябрендә БАССР‑ҙың Бәләбәй кантоны Иҫке Тайнаш ауылында^[1] тыуған. Ете йыллыҡ мәктәпте тамамлағандан һуң шофер булып эшләй. 1948—1958 йылдарҙа Совет Армияһында хеҙмәт итә. Армиянан ҡайтҡас, «Ҡыҙыл таң» газетаһы редакцияһында эшләй. 1964 йылда Башҡорт дәүләт университетын тамамлағас, филология факультетының әҙәбиәт кафедраһында эшкә ҡалдырыла.

Ижады

Вәзих Исхаҡовтың күпселек әҫәрҙәре тарихи-революцион темаға яҙылған. Ул тәүҙәрәк күренекле революционерҙар тура-1 һында «Мулланур Вәхитов», «Революционер тураһында хикәйә», «Хөсәйен Мәүлитов», «Ватан улы» исемле китаптар яҙҙы. Күренекле хәрби эшмәкәр, Граждандар һәм Бөйөк Ватан һуғыштары ветераны Әхтәм Бәхтизин хаҡында ике киҫәктән торған «Хындан һурылды ҡылыстар», «Имәндәр баш эймәй» романдарын ижад итте. Вәзих Исхаҡов балалар әсән яҙылған «Комиссар һеңлеһе», «Көнгөр малай», «Атайым ултыртҡан өйәңке», «Йәйге һынау», «Тәгәрмәс эҙҙәре», «Күңел моңдары», «Умырзая — яҙ сәскәһе», «Йылдар шаңдауы» китаптарының авторы.

Маҡтаулы исемдәре һәм башҡа бүләктәре

Ғәлимов Сәләм исемендәге премия (1984).

Хәтер

Саҡмағош һәм Тайнаш ауылдарындағы урамдарға Исхаҡов исеме бирелгән
Өфөлә яҙыусы йәшәгән йортҡа мемориаль таҡтаташ ҡуйылған
«Чекмагушинформцентр» редакция-нәшриәт комплексы һәм «Игенче» район гәзите әҙип исемендәге премия булдырған (2007)

Сығанаҡтар

Гайнуллин М. Ф., Хусаинов Г. Б. Писатели Советской Башкирии. Биобиблиографический справочник / Оформление А. Королевского. — Уфа: Башкирское книжное издательство, 1977. — 416 стр. (рус.)
Ғәйнуллин М. Ф., Хөсәйенов Ғ. Б. Совет Башҡортостаны яҙыусылары. Биобиблиографик белешмә. Тулыландырылған, төҙәтелгән икенсе баҫма. — Өфө: Башҡортостан китап нәшриәте, 1988. — 400 бит.
Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.)

Һылтанмалар

Башҡорт энциклопедияһында мәҡәлә 2016 йыл 21 апрель архивланған.

Иҫкәрмәләр

↑ ^1,0 ^1,1 Хәҙерге Башҡортостан Республикаһының Саҡмағош районы Тайнаш ауылы.

[Х-1] 1,0 ^1,1 Хәҙерге Башҡортостан Республикаһының Саҡмағош районы Тайнаш ауылы.

[1]