Башкирские Пираты
«Башкирские Пираты» (башҡ. Башҡорт Пираттары) следж-хоккей клубы — Башҡортостандың Өфө ҡалаһында 2015 йылда Башҡортостандың берләштерелгән хоккей федерацияһы һәм «Салауат Юлаев» хоккей клубы ярҙамында ойошторолған следж-хоккей буйынса профессиональ команда. 2016 йылдан башлап Рәсәй чемпионатында ҡатнаша башлай.
| Башкирские Пираты | ||
| ||
| Ил: |  Рәсәй
| |
|---|---|---|
| Регион: |  Башҡортостан
| |
| Ҡала: |  Өфө
| |
| Нигеҙләнгән: | 2015 | |
| Өй аренаһы: | Өфө-Арена (8 070) | |
| Төҫтәр: | ||
| Хоккей лигаһы: | Следж-хоккей буйынса Рәсәй чемпионаты | |
| Баш тренеры: | Александр Ларионов
| |
| Капитан: | Айрат Уразаев
| |
| Рәсми сайт: | https://bashpirat.ru | |
|
| ||
Тарихы үҙгәртергә
2015 йылдың 23 октябрендә Өфөлә тәү тапҡыр боҙға следж-хоккейсылар сыға[1]. Башҡортостандың баш ҡалаһында следж-хоккей клубын яһау инициаторы Алексей Канатников була. Ул үҙе лә был спорт төрө менән шөғөлләнә ине. Алексей — команданың етәксеһе һәм баш тренеры. Оҙаҡламай, Өфөләге следж-хоккей клубына «Башкирские Пираты» исеме бирелә. Командаға Башҡортостан берләштерелгән хоккей федерацияһы һәм «Салауат Юлаев» хоккей клубы ҙур ярҙам күрһәтә.
2016 йылда «пираттар» Рәсәй чемпионатында ҡатнаша башлай. 5 октябрҙә улар «Югра» командаһына ҡаршы уйын менән Рәсәй чемпионаттарында дебют яһай. Шул уйын 2:27 иҫәбе менән Ханты-Манси уйынсылары файҙаһына тамамлана. Рәсәй чемпионатының беренсе этабында «Башкирские Пираты» бөтә алты уйында ла еңелә[2]. Команданың тәүге шайбаһын Алексей Канатников керетә. Икенсе этапта ла шул уҡ хәл ҡабатлана. Команда миҙгел һөҙөмтәләре буйынса һуңғы 7-се урынды ала.
2017/2018 йылдар миҙгеле алдынан үткән Самойлов иҫтәлегенә следж-хоккей буйынса турнирҙа өсөнсө урынды яулай — был команданың тәүге ҡаҙанышы. 26 декабрҙә команданың яңы баш тренеры итеп Никита Козлов тәғәйенләнә[3]. Был миҙгелдә «пираттар» рәсми уйында тәүге еңеүҙе яулай — 3:0 иҫәбе менән «Санкт-Петербург» следж-хоккей клубы отола[4], ә Алексей Канатников бар өс голды ла керетә. Был еңеү ярҙамында «Башкирские Пираты» миҙгелде алтынсы урында тамамлай.
Елена һәм Геннадий Тимченко хәйриә фонды үткәргән балалар следж-хоккейын үҫтереү проектары конкурстарында икенсе йыл рәттән Башҡортостан коллективы еңә. Еңгән аҡсалар республикала балаларҙан торған следж-хоккей клубын төҙөүгә китәсәк[5].
2018/2019 йылдар миҙгелендә «пираттар» Силәбе өлкәһе командаһын ике тапҡыр тар-мар итә (15:0, 12:0). Был команданың иң эре еңеүҙәре була. Шулай уҡ улар Мәскәү командаһын булиттар серияһында оталар. «Башкирские Пираты» даими миҙгелде етенсе урында тамамлай. 2019/2020 йылдар миҙгелендә «пираттар» 14 осрашыу үткәрә, ике еңеү яулай, 21 гол керетә һәм тағы ла миҙгелде етенсе урында тамамлай.
2020 йылдың 18 мартында следж-хоккей буйынса Рәсәй йыйылма командаһының тренеры Александр Ларионов «Башкирские Пираты» хоккей клубының баш тренеры итеп тәғәйенләнә[6].
Балалар һәм үҫмерҙәр командаһы үҙгәртергә
2018 йылдың 3 апрелендә Башҡортостандар балаларҙан һәм үҫмерҙәрҙән торған следж-хоккей буйынса команда төҙөүө тураһында иғлан ителә[7]. Елена һәм Геннадий Тимченко хәйриә фонды үткәргән балалар һәм үҫмерҙәр следж-хоккейын үҫтереү буйынса проектар араһында федераль конкурсында «Башкирские Пираты» икенсе йыл рәттән еңеү яулай. 2019 йылдың декабрендә йәш «пираттар» Сочиҙа үткән следж-хоккей фестивалендә үҙ дивизионында бронза миҙалдарын яулай[8].
Сығыш яһауҙар тарихы үҙгәртергә
| Сезон | У | Е | ӨВЕ | БСЕ | БСО | ӨВО | О | Ш | М | Урын |
|---|---|---|---|---|---|---|---|---|---|---|
| 2016/17 | 12 | 0 | 0 | 0 | 0 | 0 | 12 | 5-151 | 0 | 7 |
| 2017/18 | 12 | 1 | 0 | 0 | 0 | 0 | 11 | 2-62 | 3 | 6 |
| 2018/19 | 14 | 2 | 0 | 1 | 0 | 0 | 11 | 32-72 | 8 | 7 |
| 2019/20 | 14 | 2 | 0 | 0 | 0 | 0 | 12 | 21-70 | 6 | 7 |
| Бөтәһе | 52 | 5 | 0 | 1 | 0 | 0 | 46 | 60-355 | 17 |
Иҫкәрмәләр: У — уйындар һаны, Е — төп ваҡытта еңеүҙәр, ӨВЕ — өҫтәмә ваҡытта еңеүҙәр, БСЕ — булиттар серияһында еңеүҙәр, БСО — буллитар серияһында отолоуҙар, ӨВО — өҫтәмә ваҡытта отолоуҙар, О — төп ваҡытта отолоуҙар, ШК — керетелгән шайбалар, ҮШ — үткәргән шайбалар, ±Ш — шайбалар айырмаһы, М — мәрәйҙәр, %М — мәрәйҙәр проценты
Состав үҙгәртергә
| Ҡапҡасылар | |||
| № | Ил | Исем | Тыуған йыл |
|---|---|---|---|
| 13 |
|
Антон Родивилов | 7 февраль, 2001 |
| 47 |
|
Василий Моторин | 19 июнь, 1986 |
| Һаҡсылар | |||
| № | Ил | Исем | Тыуған йыл |
| 11 |
|
Алексей Канатников | 16 июнь, 1985 |
| 16 |
|
Сергей Кожевников | 14 декабрь, 1986 |
| 22 |
|
Павел Лямин 
|
2 ғинуар, 1995 |
| 71 |
|
Давуд Ғазилов | 13 сентябрь, 1992 |
| Һөжүмселәр | |||
| № | Ил | Исем | Тыуған йыл |
| 7 |
|
Айрат Уразаев | 7 ғинуар, 1983 |
| 8 |
|
Никита Беляев | 28 май, 1995 |
| 24 |
|
Максим Данилов | 28 ғинуар, 1997 |
| 25 |
|
Илнур Зарипов | 13 июль, 1990 |
| 48 |
|
Даниил Левченко | 17 июнь, 2001 |
Тренер штабы үҙгәртергә
- Баш тренер — Александр Ларионов
- Тренер-механик — Фәрит Рәхмәтулин
- Медик — Елена Ананьева
Баш тренерҙар үҙгәртергә
«Башкирские Пираты» командаһының бөтә баш тренерҙары:
- Алексей Канатников (2016—ә.в.)
Капитандар үҙгәртергә
«Башкирские Пираты» командаһының бөтә капитандары:
- Айрат Уразаев (2016—2019)
- Павел Лямин (2019—ә.в.)
Ҡаҙаныштар үҙгәртергә
С. А. Самойлов иҫтәлегенә следж-хоккей буйынса турнир (2017).- М.Т. Каланшников исемендәге кубокта бронза миҙалы (2018).
Ҡыҙыҡлы мәғлүмәт үҙгәртергә
- Бер гол да үткәрмәйенсә иң ҙур айырма менән еңеү: 15:0 Силәбе өлкәһе йыйылма командаһы (2018/2019)
- Иң ҙур айырма менән еңеү: 15:0 Силәбе өлкәһе йыйылма командаһы (2018/2019)
- Еңеү килтергән иң һөҙөмтәле уйын: 15:0 Силәбе өлкәһе йыйылма командаһы (2018/2019)
- Еңелеү килтергән иң һөҙөмтәле уйын: 2:27 «Югра» Ханты-Манси (2016/17).
- Бер гол да керетмәйенсә иң ҙур айырма менән еңелеү: 0:20 «Удмуртия» Ижевск (2017/18).
- Иң ҙур айырма менән еңелеү: 2:27 «Югра» Ханты-Манси (2016/17).
- Иң оҙон еңеүҙәр серияһы: 1. Иң оҙон еңелеүҙәр серияһы: 18
- Клуб тарихында бөтә уйынсыларҙа Башҡортостандан була.
Иҫкәрмәләр үҙгәртергә
- ↑ Набор в команду по следж-хоккею(недоступная ссылка)
- ↑ НЕОБХОДИМЫЙ ОПЫТ ДЛЯ «БАШКИРСКИХ ПИРАТОВ» 2017 йыл 3 март архивланған.
- ↑ У Башкирских пиратов новый тренер 2022 йыл 28 ғинуар архивланған.
- ↑ Рәсәй чемпионаттарында тәүге еңеү! 2022 йыл 28 ғинуар архивланған.
- ↑ В Башкортостане появится детская команда по следж-хоккею 2022 йыл 28 ғинуар архивланған.
- ↑ Александр Ларионов — яңы тренер(недоступная ссылка)
- ↑ В Башкортостане появится детская команда по следж-хоккею 2022 йыл 28 ғинуар архивланған.
- ↑ Бронза миҙалдары балаларҙа! 2022 йыл 28 ғинуар архивланған.