Степанов Александр Николаевич (Советтар Союзы Геройы)
Степанов Александр Николаевич (25 сентябрь 1910 йыл — 10 май 1991 йыл) — Бөйөк Ватан һуғышы яугиры. Гвардия уҡсылар полкының взвод командиры ярҙамсыһы, гвардия сержанты. Советтар Союзы Геройы (1945).
| Степанов Александр Николаевич (Советтар Союзы Геройы) | |
| Зат | ир-ат |
|---|---|
| Хеҙмәт итеүе | СССР |
| Тыуған көнө | 25 сентябрь 1910 |
| Тыуған урыны | Өфө, Өфө өйәҙе, Өфө губернаһы, Рәсәй империяһы |
| Вафат булған көнө | 10 май 1991 (80 йәш) |
| Вафат булған урыны | Өфө, РСФСР, Башҡорт АССР-ы, СССР |
| Ерләнгән урыны | Өфө Көньяҡ зыяраты[d] |
| Һуғыш/алыш | Бөйөк Ватан һуғышы |
| Ғәскәр төрө | пехота[d] |
| Маҡтаулы исемдәре һәм башҡа бүләктәре |
     |
Биографияһы
үҙгәртергәАлександр Николаевич Степанов 1910 йылдың 25 сентябрендә Өфө ҡалаһында эшселәр ғаиләһендә тыуған.
Мәктәптә 4 класс тамамлаған. К. Ворошилов исемендәге Өфө аяҡ кейеме фабрикаһында эшсе булып эшләй, Куйбышев тимер юлының 2-се пассажирҙар бүлегенең местком рәйесе, Куйбышев тимер юлының 4-се бүлегендә ҡабул итеү һәм эштән бушатыу начальнигы булып эшләй.
Армия сафтарына 1943 йылда Өфөлә саҡырыла. 1944 йылда фронтта була.
42-се гвардия уҡсылар полкы взвод командиры ярҙамсыһы (13-сө гвардия уҡсылар дивизияһы, 5-се гвардия армияһы, 1-се Украин фронты) сержант Степанов Александр Николаевич 1945 йылдың 24 ғинуарында Линден ауылында батырлыҡ күрһәтә (хәҙер Lipki, Скарбимеж гмина, Бжегский повяты, Опольский воеводствоһы, Польша), 12 сәғәт буйына дошмандың һөжүмен кире ҡаға[1].
1945 йылдың 27 июнендә СССР Юғары Советы Президиумының Указы менән «Советтар Союзы Геройы» исеме бирелә[2].
Һуғыштан һуң Өфөлә йәшәй. Өфө, Дим тимер юл вокзалы начальнигы булып эшләй.
1991 йылдың 10 майында Өфө ҡалаһында вафат була. Көньяҡ зыяратта ерләнә[3].
Батырлығы
үҙгәртергәСержант Степанов Александр Николаевич 1945 йылдың 24 ғинуарында Одер йылғаһын аша сығып, Линден ауылында йортто биләй һәм 12 сәғәт дауамында дошман һөжүмен кире ҡаға. Ике тапҡыр яралана. Пулеметтан 70 дошман һалдатын һәм офицерын юҡ итә, был Линден тораҡ пунктын алырға булышлыҡ итә[1].
Маҡтаулы исемдәре һәм башҡа бүләктәре
үҙгәртергә- Советтар Союзы Геройының «Алтын Йондоҙ» миҙалы (СССР), (27.06.1945)[1][2];
- Ленин ордены (27.06.1945);
- Ватан һуғышы ордены 1-се дәрәжә Ватан һуғышы ордены (11.03.1985)[4];
- Хеҙмәт Ҡыҙыл Байраҡ ордены;
- «Батырлыҡ өсөн» миҙалы (16.12.1944)[5].
Хәтер
үҙгәртергәӨфөлә Ибраһимов бульварында урынлашҡан 37/1 һанлы йортҡа Геройға мемориаль таҡтаташ ҡуйылған.
Иҫкәрмәләр
үҙгәртергә- ↑ 1,0 1,1 1,2 Бүләкләү ҡағыҙы «Халыҡ батырлығы» мәғлүмәт электрон базаһында.
- ↑ 2,0 2,1 Указ Президиума Верховного Совета СССР «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 686046, д. 176, л. 50).
- ↑ Степанов Александр Николаевич (Советтар Союзы Геройы). «Герои страны» сайты.
- ↑ Бүләкләү ҡағыҙы «Халыҡ батырлығы» мәғлүмәт электрон базаһында.
- ↑ Бүләкләү ҡағыҙы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 690306, д. 650, л. 2).
Әҙәбиәт
үҙгәртергә- Несокрушимые. — Уфа, 1985. / стр. 174—204;
- Славные сыны Башкирии. — Уфа, 1979, кн. 4. / стр. 31—34.
Һылтанмалар
үҙгәртергә- Степанов Александр Николаевич (Советтар Союзы Геройы) // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 24 сентябрь 2021)