Ғәйнизаров Зәбих Әхмәҙи улы

112-се Башҡорт кавалерия дивизияһы яугиры, шайморатовсы

Ғәйнизаров Зәбих Әхмәҙи улы (рус. Гайнизаров Забих Ахмадиевич) (8 май 1923 йыл — 28 ғинуар 1997 йыл) — Бөйөк Ватан һуғышында ҡатнашыусы, ҡыҙылармеец. 112-се Башҡорт кавалерия дивизияһының 275-се кавалерия полкы яугиры, пулеметсы[1]. II дәрәжә Ватан һуғышы ордены (1985) кавалеры[2] кавалеры.

Ғәйнизаров Зәбих Әхмәҙи улы
Заты ир-ат
Гражданлығы Flag of the Soviet Union.svg СССР
Тыуған көнө 8 май 1923({{padleft:1923|4|0}}-{{padleft:5|2|0}}-{{padleft:8|2|0}})
Тыуған урыны Ейәнсура районы,Муйнаҡ ауыл Советы
Вафат булған көнө 28 ғинуар 1997({{padleft:1997|4|0}}-{{padleft:1|2|0}}-{{padleft:28|2|0}}) (73 йәш)
Вафат булған урыны Рәсәй, Башҡортостан Республикаhы, Салауат
Кемдә уҡыған мәктәп уҡытыусыһы[d]
Маҡтаулы исемдәре һәм башҡа бүләктәре

БиографияһыҮҙгәртергә

Ғәйнизаров Зәбих Әхмәҙи улы 1923 йылдың 8 майында Башҡортостан Республикаһы Ейәнсура районының Үрге Муйнаҡ ауылында урта хәлле крәҫтиән ғаиләһендә тыуған. Ата-әсәһе мал көткән һәм иген, йәшелсә сәсеү менән шөғөлләнгән. Зәбих Әхмәҙи улы 1931 йылда Муйнаҡ ете йыллыҡ мәктәбенең беренсе синыфына уҡырға инә. Был мәктәпте тамамлағандан һуң, 1941 йылда тыуған районының Абзан урта мәктәбендә 10 класты тамамлай.

1941 йылдың көҙөндә Ғәйнизаров Зәбих Әхмәҙи улын Ҡыҙыл Армияға хеҙмәткә саҡыралар. Бөйөк Ватан һуғышы барышында Зәбих Әхмәҙи улы генерал Шайморатов командалыҡ иткән 112-се Башҡорт кавалерия дивизияһының 275-се полкында пулеметсы булып хеҙмәт итә.

Курск, Тула, Липецк ҡалалары өсөн барған ҡаты алыштарҙа ҡавтнаша. 1942 йылдың октябрендәге бер алышта уң аяғы ҡаты йәрәхәтләнә. Ул 1943 йылдың авгусына тиклем хәрби госпиталдәрҙә дауалана. Һуғышта алған ҡаты йәрәхәтенән терелгәндән һуң, ул һаулығы буйынса демобилизациялана.

Тыуған ауылына әйләнеп ҡайтҡас, башта магазинда һатыусы булып эшләй. 1944 йылда Ырымбур педагогия институтының география факультетына ситтән тороп уҡырға инә һәм тыуған Муйнаҡ ете йыллыҡ мәктәбендә уҡытыусы булып эшләй башлай.

Зәбих Әхмәҙи улының барлыҡ хеҙмәт юлы ошо мәктәп менән бәйле: ул башта ябай уҡытыусы, артабан уҡытыу бүлеге мөдире һәм мәктәп директоры булып эшләй.

Тыуған ауылының йәмәғәт тормошонда әүҙем ҡатнаша.

1951 йылда КПСС сафына инә, бер нисә тапҡыр Муйнаҡ ауыл Советына депутат итеп һайлана. Ошо арала ете балаһын уҡытып, ҙур тормошҡа аяҡ баҫтырта.

Намыҫлы фиҙәкәр хеҙмәте өсөн бик күп орден һәм миҙалдар, БАССР КПСС һәм ВЦСПС өлкә комитетының Маҡтау Грамоталары менән бүләкләнә.

1978 йылда хаҡлы ялға сыға. Тыуған иле алдындағы ҙур хеҙмәттәре өсөн, Бөйөк Ватан һуғышы ветераны булараҡ, уға 1989 йылда БАССР-ҙың Салауат ҡалаһында бер бүлмәле фатир бирелә.

Зәбих Әхмәҙи улы ошо фатирында үҙенең вафатына тиклем йәшәй. 1997 йылдың 29 ғинуарында Салауат ҡалаһында вафат була. Артабан Башҡортостан Республикаһының Ейәнсура районындағы тыуған Үрге Муйнаҡ ауылы зыяратында ерләнә.

Маҡтаулы исемдәре һәм башҡа бүләктәреҮҙгәртергә

  • II дәрәжә Ватан һуғышы ордены (1985)[1]
  • «1941-1945 йй Бөйөк Ватан һуғышында Еңеүгә 20 йыл» миҙалы
  • «1941-1945 йй Бөйөк Ватан һуғышында Еңеүгә 30 йыл» миҙалы
  • «1941-1945 йй Бөйөк Ватан һуғышында Еңеүгә 50 йыл» миҙалы
  • «Хеҙмәт ветераны» миҙалы (1965)
  • Жуков миҙалы
  • «Хеҙмәт ветераны» миҙалы

ИҫкәрмәләрҮҙгәртергә