Шиленко Борис Петрович
Шиленко Борис Петрович (8 октябрь 1912 йыл—2 ноябрь 1983 йыл) — агроном. Ауыл хужалығы фәндәре кандидаты (1964). РСФСР-ҙың атҡаҙанған фән эшмәкәре, РСФСР-ҙың атҡаҙанған агрономы, СССР-ҙың социалистик ауыл хужалығы отличнигы (1949). Бөйөк Ватан һуғышында һәм совет-япон һуғышында ҡатнашыусы[1]. Ҡыҙыл Йондоҙ, 2-се дәрәжә Ватан һуғышы ордендары кавалеры.
| Шиленко Борис Петрович | |
| Зат | ир-ат |
|---|---|
| Гражданлыҡ |
 Рәсәй империяһы СССР |
| Тыуған көнө | 8 октябрь 1912 |
| Тыуған урыны | Ырымбур, Рәсәй империяһы |
| Вафат булған көнө | 2 ноябрь 1983 (71 йәш) |
| Вафат булған урыны | Өфө, РСФСР, СССР |
| Һөнәр төрө | агроном |
| Уҡыу йорто | Башҡорт дәүләт аграр университеты |
| Ғилми дәрәжә | ауыл хужалығы фәндәре кандидаты[d] |
| Маҡтаулы исемдәре һәм башҡа бүләктәре |
      |
Биографияһы үҙгәртергә
Борис Петрович Шиленко 1912 йылдың 8 октябрендә Ырымбур ҡалаһында тыуа. 1934 йылда Башҡорт ауыл хужалығы институтын тамамлағандан һуң БАССР Игенселек Халыҡ комиссариатының Тупраҡ-ботаника бюроһында эшләй. 1935 йылдан алып Башҡортостан игенселек һәм малсылыҡ ғилми-тикшеренеү институтының Дыуан терәк пункты мөдире; 1939—41 йылдарҙа Бөрө тәжрибә баҫыуының ғилми хеҙмәткәре[1]
1941 йылдың 7 июнендә Өфө ҡалаһының Жданов район хәрби комиссариаты Эшсе-Крәҫтиән Ҡыҙыл Армияһына хеҙмәткә саҡырыла һәм ғәмәлдәге армияға фронтҡа ебәрелә. 1945 йылға тиклем илде һаҡлауҙа ҡатнашып, һуғышты майор званиеһында тамамлай. Һуғышта күрһәткән батырлыҡтары өсөн Шиленко Б.П. ике тапҡыр Ҡыҙыл Йондоҙ ордены, ике тапҡыр 2-се дәрәжә Ватан һуғышы ордены, «Хәрби батырлыҡ өсөн», «Батырлыҡ өсөн», «1941—1945 йылдарҙағы Бөйөк Ватан һуғышында Германияны еңгән өсөн» миҙалдары менән бүләкләнә[2] Совет-япон һуғышында ла ҡатнашып, «Японияны еңгән өсөн» миҙалына лайыҡ була.
Һуғыштан һуң 1946 йылда Башҡортостан баҫыусылыҡ ғилми-тикшеренеү тәжрибә станцияһының өлкән ғилми хеҙмәткәре, бүлек мөдире; 1956—76 йылдарҙа агрохимия лабораторияһы мөдире, 1977—82 йылдарҙа ауыл хужалығының Башҡорт ғилми-тикшеренеү институтының өлкән ғилми хеҙмәткәре вазифаларын башҡара.
Фәнни эшмәкәрлеге үҙгәртергә
Фәнни эшмәкәрлеге тупраҡтың агрохимияһы, агрохимик үҙенсәлектәре проблемаларына арналған. Шиленко етәкселегендә тупраҡтан туҡлыҡлы матдәләрҙе сығарыу нормативтары һәм Башҡортостанда ауыл хужалығы культуралары менән ашламаларҙың туҡланыу элементтарын ҡулланыу коэфициенттары эшләнгән. 100 фәнни хеҙмәт авторы.
Маҡтаулы исемдәре һәм башҡа бүләктәре үҙгәртергә
- РСФСР-ҙың атҡаҙанған фән эшмәкәре
- РСФСР-ҙың атҡаҙанған агрономы
- СССР-ҙың социалистик ауыл хужалығы отличнигы
- Ике тапҡыр 2-се дәрәжә Ватан һуғышы (икеһе лә — 1945) ордены[3]
- Ике тапҡыр Ҡыҙыл Йондоҙ (1943, 1944) ордендары
- «Хәрби батырлыҡ өсөн» миҙалы[3]
- «Батырлыҡ өсөн» миҙалы[3][1]
- «1941—1945 йылдарҙағы Бөйөк Ватан һуғышында Германияны еңгән өсөн» миҙалы[3]
- «Японияны еңгән өсөн» миҙалы[3]
Иҫкәрмәләр үҙгәртергә
- ↑ 1,0 1,1 1,2 Шиленко Борис Петрович // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- ↑ Дорога памяти. Шиленко Борис Петрович
- ↑ 3,0 3,1 3,2 3,3 3,4 Шиленко Борис Петрович(недоступная ссылка)
Һылтанмалар үҙгәртергә
- Шиленко Борис Петрович // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 7 октябрь 2022)