Ханнанов Вәсил Мирғәзийән улы
Ханнанов Вәсил Мирғәзийән улы (26 сентябрь 1956 йыл) — рәссам. 1990 йылдан СССР Рәссамдар союзы һәм «Сыңғыҙхан» ижад берекмәһе ағзаһы, 1992 йылдан — берекмә етәксеһе. Рәсәй Федерацияһының (2017) һәм Башҡортостан Республикаһының (1999) атҡаҙанған рәссамы.
| Ханнанов Вәсил Мирғәзийән улы | |
 | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 26 сентябрь 1956 |
| Тыуған урыны | Октябрьский, Башҡортостан Республикаhы, РСФСР, СССР |
| Вафат булған көнө | 24 февраль 2024 (67 йәш) |
| Һөнәр төрө | рәссам |
| Авторлыҡ хоҡуҡтары статусы | эштәре авторлыҡ хоҡуҡтары менән яҡланған[d] |
Биографияһы үҙгәртергә
Ханнанов Вәсил Мирғәзийән улы 1956 йылдың 26 сентябрендә БАССР-ҙың Октябрьский ҡалаһында тыуған. 1979 йылда Өфө сәнғәт училищеһын тамамлай. 1990 йылдан — «Сыңғыҙхан» ижади берекмәһе ағзаһы[1], 1992 йылдан — берекмә рәйесе. 1980 йылдан алып республика, төбәк, төбәк-ара, бөтә Рәсәй, бөтә Союз, халыҡ-ара һәм сит ил күргәҙмәләрендә ҡатнаша. 2008 йылда Вәсил Мирғәзийән улы Рәссамдар союзының Мәскәү бүлексәһе ағзаһы була. Әлеге ваҡытта Өфөлә йәшәй. Ханнанов — Башҡортостан Республикаһының Наил Латфуллин исемендәге Заманса сәнғәт музейы директоры.
Эштәре үҙгәртергә
Вәсил Ханнанов күп йылдар һынлы сәнғәт, графика (акварель, офорт, туҡымаға баҫыу), ассамбляж өлкәһендә әүҙем эшләй, киң стилле диапазон (реализмдан алып супрематизмға тиклем) эйәреүсеһе. Эшен тәүҙә реалист булараҡ башлай. Үҙен һәләтле рәссам итеп ағаста биҙәү, текстиль аппликация, инсталляциялар һәм башҡа күп нәмәләрҙә күрһәтте. Ул Башҡортостанда тәүге перфоманстар ойоштороусыларҙың береһе булды. Уның ижади ысулы нигеҙендә замандың призмаһы аша мәңгелек темаларҙы фәлсәфәүи һынландырыу ята. Рәссам традицион мосолман һәм дөйөм төрки мәҙәниәте интерпретаторы булып тора, даими рәүештә хәҙерге тамашасыға уларҙың байлығын һәм үҙенсәлеген еткереү юлдарын эҙләй. Тамашасыны берҙәм Алланың булыу идеяһына килтереп, бер нисә эшендә христиан һәм ислам араһындағы бәйләнештәрҙе таба һәм асыҡ күрһәтә[2]. Ул «Аль-Масад» (1995), триптих «Тафсир» (1989-95), «Раскрытие» (1997-98) һәм башҡа картиналар авторы. Шулай уҡ ул классик сюжеттарға нигеҙләнгән символик сериялар («Рождение мифа», «Женские мифы») һәм «Сфера интимного», «Невообразимое», «Инфанты», «В. Х., Гоген и не только», «Ню-псе», «Бабушкин коран», «Сияние лун», «Тайны любви», «Кочующие свитки Хабар», «Волшебный фонарь» тигән художестволы проекттарҙың булдырыусы булараҡ киң билдәлелек яулай. Рәссамдың эштәре М. В. Нестеров исемендәге Башҡорт дәүләт художество музейы, Мәскәүҙә заманса сәнғәт музейы, Өфө, Новосибирск, Ҡазан, Южно-Сахалинск, Силәбе, Краснодар, Феодосия, Джерси-Сити (АҠШ) һәм сит илдәрҙә, шәхси йыйылмаларҙа һаҡлана.
Күргәҙмәләре үҙгәртергә
Вәсил Мирғәзйән улы — «Сыңғыҙхан» төркөмө составында республика, зона, халыҡ-ара күргәҙмәләрҙә ҡатнашыусы.
Шәхси күргәҙмәләре үҙгәртергә
- «ТатАрт» (1991), Төбәк-ара күргәҙмә. Санкт-Петербург)
- «Неизвестная Россия» (1998)
- Рәсәй рәссамдарының Америка Ҡушма Штаттарында күргәҙмәһе (Джерси-Сити, Заманса рус сәнғәте музейы; Нью-Йорк, Галерея Залъмана; Вашингтон).
- «ЕВРО-АРТ 1999» (1999, ИТ «Сыңғыҙхан», Барселона, Испания).
- модуль экспозиция ИТ «Сыңғыҙхан» (2000, Мәскәү, «Манеж»).
- «Рәсәйҙә мосолман сәнғәтенең заманса аспектта» күргәҙмәһе (2000, «Сыңғыҙхан» ижади төркөмө, Мәскәү, Мысыр Илселеге).
- «Башҡортостандың заманса һынлы сәнғәте» (2001, Санкт-Петербург).
Маҡтаулы исемдәре үҙгәртергә
Башҡортостан Республикаһының атҡаҙанған рәссамы (1999).
Рәсәй Федерацияһының атҡаҙанған рәссамы (2017).
Һылтанмалар үҙгәртергә
- Живопись. Ханнанов
- Способ любви
- Ханнанов
- Василь Ханнанов
- Художник Василь Ханнанов 2021 йыл 30 сентябрь архивланған.
- Картины художника Василя Миргазияновича Ханнова 2021 йыл 11 апрель архивланған.
- «Персидские мотивы» — персональная выставка Василя Ханнанова в Стерлитамаке 2021 йыл 29 сентябрь архивланған.