Ишембай (Һарытау өлкәһе)

Ишембай
	Ишембай
Дәүләт	Рәсәй империяһы
Административ-территориаль берәмек	Һамар губернаһы, Николаевск өйәҙе һәм Күҙәбай улусы
Халыҡ һаны	648 кеше (1918)

Ишембай (Юлдашбай) (рус. Ишимбаево) — Рәсәй империяһы Һамар губернаһы Николаевск өйәҙенә ингән Күҙәбай улусына ҡараған (хәҙер Һарытау өлкәһенең Перелюб районы биләмәһенә инә), хәҙер бөткән ауыл^[1].

Тарихы үҙгәртергә

Тарихсы Әнүәр Әсфәндийәров Ишембай (Юлдашбай) ауылының 1817 йылдан 1833 йылға тиклемге арауыҡта барлыҡҡа килеү ихтималлығын фаразлай. Уға 90 йәшлек Ишембай Йәнбәков (1744) нигеҙ һала^[1]. Ауыл 1816 йылғы халыҡ иҫәбен алыуҙа ул күрһәтелмәһә, 1834 йылда иҫәпкә алына. Ул ваҡытта унда 19 хужалыҡта 74 ир-ат теркәлә. Ауыл рәсми рәүештә Юлдыбай тип аталғанға тиклем Ишембай-Юлдашбай тип, ике исем менән аталып йөрөй. 1850 йылда ауылда 128 кеше иҫәпләнә. 1889 йылда халыҡ һаны 343 кеше була^[2]. 1897 йылда был һан 375-кә етә^[3]. 1910 йылда ауылда - 422, 1918 йылда 648 кеше йәшәй. Ишембай-Юлдашбай ауылы мәсете Күҙабай ауылы мәхәлләһенә беркетелә. Бөгөн был ауыл юҡҡа сыҡҡан^[1].

Этник составы үҙгәртергә

16 кеше, шул иҫәптән Юлдашбаевтар, Табын улусынан күсенә (14-е — Күрпәстән, 2--һе -Йомрандан), 1 кеше (Әлмөхәмәт Айсыуаҡов) Бәләбәй өйәҙенең 12-се кантонына ҡараған Яйыҡ-Суби-Мең улусының Сурай ауылынан күсенеп килә. Күрпәс-табындар Верхнеурал өйәҙенең 6-сы һәм Ырымбур өйәҙенең 9-сы кантонынан сыға^[1].

Иҫкәрмәләр үҙгәртергә

Һылтанмалар үҙгәртергә

[Ишимбай._Саратовская_область-1] 1,0 ^1,1 ^1,2 ^1,3 Асфандияров А. З. История сёл и деревень Башкортостана и сопредельных территорий. — Өфө: Китап, 2009. — ISBN 978-5-295-04683-4.

[2] Кругликов П. В. Список населенных мест Самарской губернии, по сведениям 1889 года. - Самара, 1890.

[3] Протопопов И. А. Список населенных мест Самарской губернии... - Самара, 1900.

[1]

[2]

[3]