Высоцкая Ольга Сергеевна

О́льга Серге́евна Высо́цкая (11 июня 1906 — 26 сентября 2000) — Бөтә Союз радиоһы дикторы. СССР-ҙың халыҡ артисы (1980).

Высоцкая Ольга Сергеевна
Заты ҡатын-ҡыҙ
Гражданлығы Flag of the Soviet Union.svg СССР
Flag of Russia.svg Рәсәй
Flag of Russia.svg Рәсәй империяһы
Тыуған көнө 11 июнь 1906({{padleft:1906|4|0}}-{{padleft:6|2|0}}-{{padleft:11|2|0}})
Тыуған урыны Рәсәй империяһы, Мәскәү ҡалаһы
Вафат булған көнө 26 сентябрь 2000({{padleft:2000|4|0}}-{{padleft:9|2|0}}-{{padleft:26|2|0}}) (94 йәш)
Вафат булған урыны Рәсәй, Мәскәү ҡалаһы
Ерләнгән урыны Пятницкое зыяраты[d]
Туған тел рус теле
Һөнәр төрө диктор
Һуғыш/алыш Бөйөк Ватан һуғышы
Маҡтаулы исемдәре һәм башҡа бүләктәре
Ленин ордены «Почёт Билдәһе» ордены СССР-ҙың халыҡ артисы орден «За заслуги перед Отечеством» III степени Хеҙмәт Ҡыҙыл Байраҡ ордены

БиографияһыҮҙгәртергә

Мәскәүҙә тимер юл электригы ғаиләһендә тыуған.

8 йәшендә «Зарница» балалар клубына килә, шиғырҙар уҡый, бейей. Театр менән мауыға, «Синяя птица» театр студияһында ҡатнаша. Мәктәпте тамамлағандан һуң фабрикала ебәк сортлаусы булып эшләй. Спорт менән күп шөғөлләнә, шул тиклем уңышлы, хатта балаларҙы физкультуранан уҡыта.

Физкультура менән мауығыу уны радиоға килтерә. 1929 йылдан Бөтә Союз радиоһында «Иртәнге гимнастика» дәрестәрен әҙерләүҙә ҡатнаша. Диктор сифатында беренсе тапҡыр сығыш яһауға осраҡ ярҙам итә: яңылыҡтар сығарылышы башланыуға студия ла бер генә диктор ҙа булмай сыға. Һирәк осрай торған тауыш тембры менән бергә матур дикция, күңелгә ятышлы интонация радио дикторҙарының һәм тыңлаусыларҙың иғтибарын йәлеп итә.

1932 йылдан радиола яңылыҡтар һәм башҡа тапшырыуҙар уҡый. Һәм бик тиҙҙән баш диктор булып китә. Ябайлығы, ышандырыусанлығы, асыҡлығы, уның эфирҙа уҡыуының ышаныс белдергән тоны, телмәр мәҙәниәте, рус теленең нескәлектәрен күркәм белеүе менән бергә — былар барыһы ла уны Бөтә Союз радиоһында баш диктор яһай.

О. Высоцкаяның хеҙмәт теҙмәһендә иң яуаплы тапшырыуҙар, Ҡыҙыл майҙандан, Кремлдең съездар һарайынан тура трансляциялар, Колонналар залынан, Ҙур театрҙан, Мәскәү Художество театрынан һәм башҡа театрҙарҙан концерт һәм спектаклдәр трансляцияһын алып бара.

Таланты бигерәк тә һуғыш йылдарында асыла. Ул саҡта фронттан радио яңылыҡтар, «Совинформбюро» мәғлүмәттәре совет кешеһе аңында О. С. Высоцкая һәм Ю. Б. Левитандың тауышы менән ассоциациялаша ине. Ю. Левитан менән бергә 1945 йылдың 9 майына ҡарай төндә фашистик Германияның капитуляцияһы тураһындағы хәбәр тапшыра, ә шул уҡ йылдың 24 июнендә Еңеү Парадынан трансляция алып бара. 1986—1989 йылдарҙа совет телевидениеһы һәм радиоһында йыл һайын традицион теле — һәм радиотапшырыуҙарҙа, Еңеү Көнөнөң тантаналы-ҡайғылы йолаларының береһен — «Минута молчания» («Светлой Памяти павших в борьбе против фашизма…») тексын уҡый.

1970 йылға тиклем Мәскәү теүәл ваҡытының «тауышы» була.

Радиола Э. М. Тобиаш менән бергә эшләй[1].

Яңы барлыҡҡа килеүсе совет телевидениеһында тәүге телевизион тапшырыуҙар әҙерләй.

1990 — 2000 йылдарҙа Мәскәү метрополитенының Филевский линияһында төп ҡатын-ҡыҙ диктор була. 1990 — 1994 йылдарҙа тауышландырыу уңышһыҙ һәм тупаҫыраҡ була, әммә 1994 йылда тауыш яңынан тауышландырыла, тауыш тынысыраҡ һәм йомшағыраҡ яңғырап китә. Микрофон алдында 60 йыл эшләй, ватан радиоһының тере легендаһына әүерелә.

Йәш радио һәм телевидение дикторҙарының педагогы һәм остазы була.

2000 йылдың 26 сентябрендә Мәскәүҙә вафат була. Пятницкий зыяратында ерләнгән (3-сө урын)[2][3].

Маҡтаулы исемдәре һәм бүләктәреҮҙгәртергә

- СССР-ҙың халыҡ артисы (1980)

- III дәрәжә «Ватан алдындағы ҡаҙаныштары өсөн» ордены (7 июнь 1996) — дәүләт алдындағы ҡаҙаныштары, дикторлыҡ сәнғәте үҫешенә ҙур шәхси өлөш индергәне өсөн[4]

- Ленин ордены (1985)

- Хеҙмәт Ҡыҙыл Байраҡ ордены

- «Почёт Билдәһе» ордены

- Миҙалдар.

Шулай уҡ ҡарағыҙҮҙгәртергә

  • Служба точного времени

ИҫкәрмәләрҮҙгәртергә

  1. Чистый голос. Тәүге сығанаҡтан архивланған 4 март 2016. 8 ғинуар 2012 тикшерелгән.
  2. ВЫСОЦКАЯ ОЛЬГА СЕРГЕЕВНА (1906—2000)
  3. ВЫСОЦКАЯ Ольга Сергеевна (1906—2000)
  4. Указ Президента РФ от 7 июня 1996 г. № 844

ҺылтанмаларҮҙгәртергә