Баязитов Абдулла Мөтиғулла улы

Баязитов Абдулла Мөтиғулла улы (1899 йыл — 1937 йыл) — совет дәүләт партия һәм йәмәғәт эшмәкәре. Сәйәси золом ҡорбаны.

Баязитов Абдулла Мөтиғулла улы
Зат	ир-ат
Гражданлыҡ	Рәсәй империяһы  Совет Рәсәйе  СССР
Тыуған көнө	1899
Тыуған урыны	Күҙәбай улусы, Новоузенский уезд[d], Һамар губернаһы, Рәсәй империяһы
Вафат булған көнө	1937
Һөнәр төрө	йәмәғәт эшмәкәре

Биографияһы

Абдулла Мөтиғулла улы Баязитов 1899 йылда Һамар губернаһы Николаевск өйәҙе Күҙәбай улусы Акир ауылында (хәҙер — Һарытау өлкәһе Перелюб районы) тыуған.

Тормош һәм хеҙмәт юлы

1918—1921 йылдар — Һамар губернаһы Николаевск өйәҙе Акир ауылында уҡытыусы.

1923—1927 йылдар — Ташкент ҡалаһында батрак һәм тәржемәсе.

1927—1928 йылдар — Башҡорт Республикаһының Йылайыр кантоны Байҡара руднигы үлсәүсеһе.

1928 йыл — Башҡорт Республикаһы Йылайыр кантоны Таналыҡ улусы Ғәли ауылында нҙанлыҡты бөтөрөү эшендә ҡатнаша.

1928—1929 йылдар — Баймаҡ районы Сибай ҡасабаһы руднигы партия комитеты секретары.

1929—1930 йылдар — Баймаҡ ҡасабаһы китапханаһы мөдире.

1930—1931 йылдар — Баймаҡ ҡасабаһы эшсе кооперацияһы агитация-пропаганда эштәрен алып бара, Мәскәү ҡалаһында Центросоюз курстарын үтә.

1931—1932 йылдар — Сибай руднигында хужалыҡ мөдире.

1932—1933 йылдар — Баймаҡ районы Йылайыр орлоҡсолоҡ совхозының «Зерновая фабрика» гәзите редакторы.

1933—1935 йылдар — Йылайыр орлоҡсолоҡ совхозының Комсомольск бүлексәһе идарасыһы (управляющий).

1935—1937 йылдар — Йылайыр орлоҡсолоҡ совхозының хужалыҡ эштәре буйынса директор урынбаҫары.

1937 йыл — Баймаҡ районында урынлашҡан 46-сы йылҡысылыҡ заводының участка мөдире.

1937 йылда репрессияға дусар ителә, сәйәси золом ҡорбаны.

Сығанаҡтар

• Маннапов М. М. Переселение башкир Самарской губернии на юго-восток Башкортостана в первой половине ХХ в.. — Уфа: Гилем, 2008. — С. 200.

Һылтанмалар

• Баязитов Абдулла Мутугуллович