Афроди́та (бор. грек. Ἀφροδίτη, элекке замандарҙа сығышы менән ἀφρός (урыҫса «пена») һүҙенән алынған тип фекер йөрөткәндәр[1]) — боронғо грек мифологияһында[2] матурлыҡ һәм мөхәббәт (яратыу, ғишыҡ тотоу) аллаһы, ун ике бөйөк олимпия аллаларының береһе. Ул шулай уҡ уңдырышлылыҡ[3], мәңгелек яҙ һәм тормош (ғүмер) аллаһы ла. Афродита — никахтар, хатта бәпесләү (бала табыу) аллаһы[4], шулай уҡ «балаларҙы туйҙырыусы, туҡландырыусы» (урыҫса «детопитательница»). Афродитаның мөхәббәт көсөнә аллалар ҙа, кешеләр ҙә бойһонған. Уға бары һуғыш, хәрби стратегия һәм оҫталыҡ аллаһы Афина, ерҙәге бөтә тереклекте ҡурсалаусы алла Артемида һәм ғаилә усағы аллаһы Гестияға ғына баш бирмәгән[5]. Мөхәббәтте кире ҡағыусыларға аяуһыҙ булған. Ут аллаһы һәм оҫта тимерсе Гефестың, һуңыраҡ һуғыш аллаһы Арестың ҡатыны[6].

Афродита

Мөхәббәт, матурлыҡ һәм уңдырышлылыҡ аллаһы

Мифология

боронғо грек мифологияһы

Атаһы

Зевс йә Уран (иң популяр фараздар)

Әсәһе

билдәһеҙ, Диона йәки Гера булыуы ихтимал.

Ире

Гефест; Арес (төп һөйәр)

Балалары

Эней, Гармония, Эрот, Гимерот

Атрибут

Алма, сәскәләр: роза, нәркәс, миләүшә (фиалка), лилиә, мәк, мирт, аҡ умырзая

Башҡа мәҙәниәттә

Венера, Астарта

 Афродита Викимилектә

Иҫкәрмәләр үҙгәртергә

  1. согласно А. Ф. Лосеву, это «народная этимология» негреческого имени
  2. Мифы народов мира. М., 1991-92. В 2 т. Т.1. С.132-136 (статья А. Ф. Лосева); Любкер Ф. Реальный словарь классических древностей. М., 2001. В 3 т. Т.1. С.131
  3. Эсхил. Данаиды, фр.44 Радт
  4. Павсаний. Описание Эллады I 1, 5
  5. Гимны Гомера IV 7-33
  6. Кун Н. А. 40

Шулай уҡ ҡарағыҙ үҙгәртергә

Һылтанмалар үҙгәртергә