Ҡорбанаева Флора Шәйхи ҡыҙы

Ҡорбанаева Флора Шәйхи ҡыҙы (30 ноябрь 1928 йыл) — табип-офтальмолог. 1956—1994 йылдарҙа Өфө күҙ ауырыуҙары ғилми-тикшеренеү институты хеҙмәткәре, шул иҫәптән 1971—1990 йылдарҙа директорҙың фән буйынса урынбаҫары. Медицина фәндәре докторы (1977). Башҡорт АССР-ының атҡаҙанған табибы (1977) һәм һаулыҡ һаҡлау отличнигы (1965). «Почёт Билдәһе» ордены кавалеры (1966).

Ҡорбанаева Флора Шәйхи ҡыҙы
Заты ҡатын-ҡыҙ
Гражданлығы Flag of the Soviet Union.svg СССР
Тыуған урыны Башҡорт АССР-ы
Һөнәр төрө табип
Уҡыу йорто Башҡорт дәүләт медицина университеты
Ғилми дәрәжә медицина фәндәре докторы[d]
Маҡтаулы исемдәре һәм башҡа бүләктәре

БиографияһыҮҙгәртергә

Флора Шәйхи ҡыҙы Ҡорбанаева 1928 йылдың 30 ноябрендә Башҡорт АССР‑ы Йылайыр кантоны[1] Күгәрсен ауылында тыуған.

Әсәһе — РСФСР мәктәбенең атҡаҙанған уҡытыусыһы Ҡорбанаева Хәлимә Абдулла ҡыҙы (Биишева Зәйнәб Абдулла ҡыҙының апаһы).

1950 йылда Башҡорт дәүләт медицина институтын тамамлаған. Хеҙмәт юлын Йомағужа район дауаханаһында башлаған.

1952 йылдан алып Өфөнөң 17‑се балалар клиник дауаханаһында эшләгән.

1953 йылда Владивосток ҡалаһында Тымыҡ океан флоты поликлиникаһында эшләгән.

1956—94 йылдарҙа Өфө күҙ ауырыуҙары ғилми тикшеренеү институтына эшкә күсә: 1964 йылдан алып — бүлексә етәксеһе, 1966 йылдан — ғилми секретарь, 1971—90 йылдарҙа фән буйынса директор урынбаҫары.

Ғилми эшмәкәрлегеҮҙгәртергә

1960 йылдарға тиклем республикала трахома ауырыуы киң таралған була. Һуғыштан һуңғы осорҙа (1945—1965) Өфө күҙ ауырыуҙары ғилми тикшеренеү институты трахоманы иҫкәртеү һәм дауалау буйынса ойоштороу-методика үҙәгенә әүерелә. Был эштәр табип-офтальмолог, медицина фәндәре докторы, профессор Ҡоҙаяров Ғабдулла Хәбир улы етәкселегендә бара. 1960-сы йылдарҙа был йоғошло ауырыу тулыһынса бөтөрөлә. Был эшкә ҙур өлөш индереүселәр араһында Флора Ҡорбанаева ла була[2].

Фәнни хеҙмәттәре трахома патогенезын, клиникаһын өйрәнеүгә һәм иртә диагностикалауға арналған, ул трахома эҙемтәләрен һәм өҙлөгөүҙәрҙе хирургик дауалау ысулдарын, катаракта, глаукома, күҙҙең вируслы ауырыуҙарын хирургик дауалау мәсьәләләрен өйрәнә һәм һүрәтләй. 100‑ҙән ашыу фәнни хеҙмәт авторы.

Бүләктәре һәм маҡтаулы исемдәреҮҙгәртергә

  • Башҡорт АССР-ының һаулыҡ һаҡлау отличнигы (1965)
  • «Почёт Билдәһе» ордены (1966).
  • Башҡорт АССР-ының атҡаҙанған табипы (1977)

СығанаҡтарҮҙгәртергә

  • Ҡорбанаева Флора Шәйхи ҡыҙы [1]
  • Ҡорбанаева Хәлимә Абдулла ҡыҙы [2]

ИҫкәрмәләрҮҙгәртергә