Башҡорт дәүләт медицина университеты
Башҡорт дәүләт медицина университеты — юғары һөнәри белем биреү дәүләт учреждениеһы. 1995 йылда «университет» статусын ала һәм Рәсәй Федерацияһы Һаулыҡ һаҡлау министрлығына буйһона.
| Башҡорт дәүләт медицина университеты (1995 йылдан) (БДМУ) | |
 | |
 | |
| Халыҡ-ара исеме |
Bashkir State Medical University |
|---|---|
| Элекке исеме |
Башҡорт дәүләт медицина институты (1932—1995) |
| Асылған йылы |
1932 |
| Ректор | |
| Урынлашыуы | |
| Юридик адресы |
Ленин ур, 3, Өфө, Башҡортостан, Рәсәй |
| Сайт | |
1932 йылдың 15 ноябрендә республикала өсөнсө юғары уҡыу йорто — Башҡортостан медицина институты асыла. Институт асыуҙа Бөтә Союз Үҙәк Башҡарма комитетына Башҡортостан вәкиле сифатында эшкә күсерелгән, Башҡортостан һаулыҡ һаҡлау халыҡ комиссары булып эшләгән Ғ.Ғ. Ҡыуатовтың хәстәрлеге ҙур. Институтты аяҡҡа баҫтырыуҙа уның тәүге директорҙары С. Трайнин, Ғ. Тереғолов, И. Геллерман, В. Романкевичтар ҙур көс һала. Уҡытыусылар Дәүләтов Әхмәт-Сәғәҙәт Гәрәй улы, З. Ихсанов, С. Лоҡманов, А. Самцов һәм башҡалар тырышып эшләй.
Институт асылғанда дауалау факультеты ғына була, уға 320 студент ҡабул ителә. Шуларҙың 82 генә врач дипломы ала.
Бөйөк Ватан һуғышы йылдарында институттың уҡытыусылары һәм студенттары фронтҡа китә. 62 кеше һуғышта һәләк була.
Һуғыштан һуң институт әүҙем үҫеш ала. Педиатрия, стоматология һәм фармацевтика кеүек яңы факультеттар асыла. Табиптарҙың белемен камиллаштырыу факультеты һәм рабфак эшләй башлай.
Института 5 меңдән ашыу студент уҡый, 500 тирәһе уҡытыусы эшләй, уларҙың 60-ҡа яҡыны профессор һәм фән докторы.
Университетты тамамлаған билдәле шәхестәр
үҙгәртергә- Бикбов Мөхәррәм Мөхтәрәм улы — офтальмолог.
- Әбдрәшитов Хәмзә Зәки улы, медицина фәндәре докторы, Башҡорт дәүләт медицина университеты профессоры, Республика кардиология диспансеры һәм Башҡортостан һаулыҡ һаҡлау министрлығының баш хирургы.
- Нартайлаҡов Мәжит Әхмәт улы — табип, Башҡорт дәүләт медицина университеты проректоры[1].
- Нагаев Ринат Йәүҙәт улы — табип, Башҡортостан Республикаһы Дәүләт Йыйылышы — Ҡоролтай депутаты[2].
- Сәхәүетдинов Венер Ғәзиз улы — табип, Башҡортостан Республикаһы Дәүләт Йыйылышы — Ҡоролтай депутаты.
- Юлдашев Марс Тимербулат улы — Башҡортостандың атҡаҙанған фән эшмәкәре, медицина фәндәре докторы, профессор.
Иҫкәрмәләр
үҙгәртергәҺылтанмалар
үҙгәртергә- Павлов В. Н. Медицина университеты // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- Студенческий сайт БГМУ 2011 йыл 5 июнь архивланған.
- БГМУ в справочнике EdUfa.ru 2011 йыл 7 октябрь архивланған.
- Статья о БГМУ — микробиология
- 3D панорама главного корпуса(недоступная ссылка)