Федотов Пётр Иванович
Пётр Иванович Федотов (22 февраль 1922 йыл—21 ғинуар 1996 йыл) — Бөйөк Ватан һуғышында ҡатнашыусы. 112-се Башҡорт кавалерия (16-сы гвардия Чернигов) дивизияһы 58-сы гвардия кавалерия полкы пулемёт взводы командиры. Гвардия лейтенанты. Советтар Союзы Геройы (1944).
| Федотов Пётр Иванович | |
| Зат | ир-ат |
|---|---|
| Гражданлыҡ |
 СССР |
| Тыуған көнө | 22 февраль 1922 |
| Тыуған урыны | Сингиновский[d], Донецкий округ[d], Дон Ғәскәре өлкәһе[d] |
| Вафат булған көнө | 21 ғинуар 1996 (73 йәш) |
| Вафат булған урыны | Мәскәү, Рәсәй |
| Ерләнгән урыны | Троекуров зыяраты[d] |
| Һөнәр төрө | хәрби хеҙмәткәр |
| Сәйәси фирҡә ағзаһы | Советтар Союзы Коммунистар партияһы |
| Һуғыш/алыш | Бөйөк Ватан һуғышы |
| Маҡтаулы исемдәре һәм башҡа бүләктәре |
    |
Биографияһы
үҙгәртергә1922 йылдың 22 февралендә Ростов өлкәһе Шолохов районы Сингиновский утарында тыуған.
Ҡыҙыл Армияла — 1941 йылдың майынан. 1943 йылдан — ғәмәлдәгә армияла.
Днепр йылғаһы аша сыҡҡан саҡта айырыуса ҡаһарманлыҡтар күрһәтә. 1943 йылдың 27 сентябренә ҡараған төндә ул беренселәрҙән булып Нивки ауылы тирәһендә (Белоруссия, Гомель өлкәһе, Брагин районы) йылғаның уң ярына сыға.
1943 йылдың 29 сентябрендә Галки ауылы өсөн алышта пулемёты менән окоп төбөнә төшә. Дошман танкыһы уның өҫтөнән үтеп китә. Федотов пулемётын өҫкә сығара һәм танк артынан килгән автоматсыларына ут аса.
СССР-ҙың Юғары Советы Президиумының 1944 йылдың 15 ғинуарындағы Указына ярашлы немец-фашист илбаҫарҙары менән көрәштә командованиеның хәрби заданиеларын өлгөлө үтәгәне өсөн һәм шул ваҡытта күрһәткән батырлығы һәм ҡаһарманлығы өсөн гвардия лейтенанты Федотов Петр Иванович Советтар Союзы Геройы исеменә лайыҡ була һәм уға Ленин ордены һәм «Алтын Йондоҙ» миҙалы тапшырыла.[1]
1975 йылдан алып — запаста. Мәскәүҙә йәшәй. 1996 йылдың 21 ғинуарында вафат булды. Мәскәүҙә Троекуров зыяратында ерләнә.
Хәтер
үҙгәртергә- Федотов Петр Иванович иҫтәлегенә Рәсәй хәрби-тарихи йәмғиәте тарафынан Базков урта мәктәбендә мемориаль таҡтаташ ҡуйылған.
- П. И. Федоровтың исеме алтын хәрефтәр менән 112-се Башҡорт кавалерия (16-сы гвардия Чернигов) дивизияһының башҡа 78 Советтар Союзы Геройы исемдәре менән бер рәттән Башҡортостан Республикаһының Милли музейы бинаһында (Өфө ҡалаһы, Совет урамы, 14) мәңгеләштерелгән, шулай уҡ уның исеме 112-се кавалерия дивизияһы музейы бинаһында (Өфө ҡалаһы, Левитан урамы, 27) уйылып яҙылған.
Әҙәбиәт
үҙгәртергә- Ахмадиев Т. Х. Башкирская гвардейская кавалерийская. — Уфа, 1999.
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Навечно в сердце народном. — 3-е изд., доп. и испр. — Минск, 1984.
- Они прославили Родину. Книга 2. — Ростов-на-Дону, 1975.
Һылтанмалар
үҙгәртергәФедотов Пётр Иванович. «Герои страны» сайты.
| «Башҡорт атлы дивизияһы» порталы |
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.