Гомель өлкәһе

Гомель өлкәһе
бел. Гомельская вобласць
Герб;	Флаг;
Ил	Беларусь
Статус	өлкә
Берләштерә	21 район
Административ үҙәк	Гомель
Крупнейшие города	Мозырь, Жлобин, Светлогорск, Речица, Рогачев
Барлыҡҡа килеүе	04.12.1939
Башлыҡ	Дворник Владимир Андреевич
Халҡы (2015)	1 422 941
Тығыҙлығы	35,28 кеше/км²
Майҙаны	40 400 км² (1 урын)
Ваҡыт бүлкәте	UTC+2, йәйгеһен UTC+3
Код ISO 3166-2	BY-HO
Телефон коды	+375 23
Почта индексы	246ххх, 247ххх
Автомобиль номерҙары коды	3
Рәсми сайты

Гомель өлкәһе (бел. Гомельская вобласць, классик орфографияһында Гомельская вобласьць, рус. Гомельская область) — Беларустағы өлкә. Административ үҙәге — Гомель ҡалаһы.

Тарихы

СССР Конституцияһы (Төп законға) үҙгәртеүҙәр һәм өҫтәмәләр нигеҙендә 1938 йылдың 15 ғинуарында барлыҡҡа килгән.

Билдәле шәхестәре

Рутман Григорий Иосифович (22.02.1929—21.06.2001), ғалим-химик-технолог, хужалыҡ эшмәкәре, юғары мәктәп уҡытыусыһы. Техник фәндәр докторы (1983), профессор (1987). Башҡорт АССР-ының атҡаҙанған химигы (1989), СССР-ҙың уйлап табыусыһы (1976). СССР Дәүләт премияһы лауреаты (1978). Ике Хеҙмәт Ҡыҙыл Байраҡ (1971, 1986) һәм «Почёт Билдәһе» (1971) ордендары кавалеры.

Географияһы

Гомель өлкәһенең майҙаны — 40,4 мең км² (республикала 1 урында), Беларустың биштән бер өлөшөн алып тора. Белоруссияның Брест, Минск һәм Могилёв өлкәләре, Рәсәйҙең Брянск өлкәһе, шулай уҡ Украинаның Киев, Чернигов, Житомир һәм Ровно өлкәләре менән сиктәш.

Төбәктә йылы йәйле һәм йомшаҡ ҡышлы уртаса континенталь климат. Ғинуарҙың уртаса температураһы — минус 5 — 6 °C, июлдә — плюс 18 — 19 °C. Елдәр ҡышын күберәк көньяҡтан, йәйен көнбайыш һәм төньяҡ-көнбайыштан иҫә. Уртаса ел тиҙлеге 3 м/сек. Йыллыҡ яуым-төшөм миҡдары — 550—650 мм.

Был өлкәлә илдәге иң оҙайлы вегетация осоро — 191—209 көн. Климат шәкәр сөгөлдөрө, кукуруз, тиҙ өлгөрә торған виноград һәм башҡа культуралар өсөн ҡулайлы.

Суднолар йөрөй торған йылғалар — Днепр, Сож, Березина, Припять. Өлкәлә бик күп күлдәр урынлашҡан. Гомель өлкәһенең иң ҙур күле — Червоное (майҙаны 43,6 км²)^[1]. Территорияның 42 % урман менән ҡапланған^[2].