Ураҙай (Һарытау өлкәһе)
Ураҙай (Ҡыпсаҡ) (рус. Уразаево) — Рәсәй империяһы Һамар губернаһы Николаевск өйәҙенә ингән Күҙәбай волосына ҡараған (хәҙер Һарытау өлкәһенең Перелюб районы биләмәһенә инә), хәҙер бөткән ауыл[1].
| Ураҙай | |
| Дәүләт |
 Рәсәй империяһы |
|---|---|
| Административ-территориаль берәмек | Һамар губернаһы, Николаевск өйәҙе һәм Күҙәбай улусы |
Тарихы
үҙгәртергәXIX быуат башында барлыҡҡа килгән, Ураҙай тигән кеше нигеҙләгән Ураҙай ауылы Кәмәлектең түбәнге ағышында урынлаша. 1816 йылда унда 5 хужалыҡта 12 ир-ат иҫәпкә алына. 1834 йылда уларҙың һаны 98 кешегә етә. 1889 йылда ауылда 305 кеше теркәлә, ауылдың үҙенең мәсете була[2]. 1897 йылдағы беренсе Бөтә Рәсәй халыҡ иҫәбен алыу 65 йортта 316 кеше йәшәүен теркәй, ауылда мәктәп тә була[3]. 1910 йылда 325 кеше йәшәүе теркәлә. 1918 йылда 526 кеше иҫәпкә алына[1].
Ауылдың икенсе исеме — Ҡыпсаҡ. Был уның этник составы тураһында ла һөйләй. Ғәмәлдә иһә ҡыпсаҡ этнонимы башҡорттарҙың Ҡарай(ҡарағай)-ҡыпсаҡ волосынан булыуына бәйле. Был хаҡта 1842 йылда Ураҙай ауылы кешеһе Йосоп Сәғитовтың 9-сы кантондың 3-сө йортона ҡараған Бесәнсе ауылы башҡорттарынан алған хаты ла раҫлай[1]. Бынан тыш, Ураҙай ауылы үҙенең ышаныслы кешеләрен Верхнеурал өйәҙенең 6-сы кантонына йүнәлтә, уларҙа ла Ҡарағай-Ҡыпсаҡ улусының бик күп ауылдары була. Бөгөн Һарытау өлкәһе картаһында Ураҙай ауылы юҡ[1].
Иҫкәрмәләр
үҙгәртергә- ↑ 1,0 1,1 1,2 1,3 Асфандияров А. З. История сёл и деревень Башкортостана и сопредельных территорий. — Өфө: Китап, 2009. — ISBN 978-5-295-04683-4.
- ↑ Кругликов П. В. Список населенных мест Самарской губернии, по сведениям 1889 года. - Самара, 1890.
- ↑ Протопопов И. А. Список населенных мест Самарской губернии... - Самара, 1900.
Һылтанмалар
үҙгәртергә- Асфандияров А. З. История сёл и деревень Башкортостана и сопредельных территорий. — Өфө: Китап, 2009. — ISBN 978-5-295-04683-4.
- Кругликов П. В. Список населенных мест Самарской губернии, по сведениям 1889 года. - Самара, 1890.
- Протопопов И. А. Список населенных мест Самарской губернии... - Самара, 1900.