Мөлөков Әнүәр Бәхти улы
Мөлөков Әнүәр Бәхти улы (25 август 1923 йыл — 8 ғинуар 2008 йыл) — уҡытыусы. Бөйөк Ватан һуғышында ҡатнашыусы. Рәсәй Федерацияһының атҡаҙанған уҡытыусыһы (1963). Башҡорт АССР-ының уҡытыусылар съезы делегаты.
| Мөлөков Әнүәр Бәхти улы | |||||||
| Тыуған көнө | |||||||
|---|---|---|---|---|---|---|---|
| Тыуған урыны | |||||||
| Вафат булған көнө | |||||||
| Вафат булған урыны | |||||||
| Гражданлығы | |||||||
| Эшмәкәрлеге |
уҡытыусы | ||||||
| Наградалары һәм премиялары |
| ||||||
Биографияһы
үҙгәртергәМөлөков Әнүәр Бәхти улы 1923 йылда Башҡорт АССР-ы Бәләбәй кантоны Иҫке Супты[1] ауылында тыуған.
Саҡмағош 1-се урта мәктәбен тамамлағас, Рапат урта мәктәбендә математика уҡытыусыһы булып эш башлай.
1942 йылдың февралендә Ҡыҙыл Армия сафына хәрби хеҙмәткә саҡырыла. Хәрби әҙерлекте Ғафури районынын Красноусол ауылында яңы төҙөлгән 219-сы дивизияла үтә.
1943 йылда Өфө хәрби йәйәүлеләр училищеһына ебәрелә. Пулеметчиктар взводы командирына уҡый.
1944 йылдың йәйендә 300 курсант менән бергә 4-се Украина фронтына ебәрелә. 18-се армия составында өлкән лейтенант дәрәжәһенә тиклем күтәрелә. Житомир, Львов, Ивано-Франковск, Мукачево, Ужгород, Кошице янындағы хәрби операцияларҙа ҡатнаша.
1945 йылдың февраль башында Прагала Бейек Татр янында ауыр яралана. Еңеү көнөн Мәскәүҙә ҡаршы ала.
1945—1971 йылдарҙа Яңы Ҡото урта мәктәбендә математика уҡытыусыһы, уҡытыу һәм тәрбиә эштәре буйынса директор урынбаҫары, директор булып эшләй.
1958 йылда ситтән тороп Башҡорт дәүләт университетында уҡытыусы һөнәрен үҙләштерә.
1971 йылдан Саҡмағош 1-се урта мәктәбе директоры итеп тәғәйенләнә.
1985—1988 йылдарҙа — Саҡмағош 1-се урта мәктәбендә уҡытыу һәм тәрбиә эштәре буйынса директор урынбаҫары, математика уҡытыусыһы булып эшләй.
1988 йылдан хаҡлы ялда.
Дөйөм педагогик стажы: 44 йыл.
2006 йылдың 8 ғинуарында вафат була.
Маҡтаулы исемдәре һәм бүләктәр
үҙгәртергә- Юғары категориялы уҡытыусы
- Ҡыҙыл Йондоҙ ордены (1944)
- Ленин ордены (1971)
- 1‑се дәрәжә Ватан һуғышы (1985)
- РСФСР-ҙың атҡаҙанған уҡытыусыһы (1963 йыл).
Иҫкәрмәләр
үҙгәртергә- ↑ Хәҙерге Башҡортостан Республикаһы Саҡмағош районына ҡарай.
Һылтанмалар
үҙгәртергә- Мөлөков Әнүәр Бәхти улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- ЛУЧШИЕ УЧИТЕЛЯ И ШКОЛЫ РЕСПУБЛИКИ БАШКОРТОСТАН Проект БГПУ им. М. Акмуллы 2019 йыл 8 ноябрь архивланған.
Ветераны 2019 йыл 8 ноябрь архивланған.
