Ҡаратүбә (Ишембай районы)

Ҡаратүбә- Башҡортостандың Ишембай районындағы тау. Баталалма менән Кесе Һикәҙе (Һикәҙе йылғаһы бассейны) йылғалары араһында ята.

Ишембай районы Башҡортостан картаһында

Иң бейек нөктәһе- 687 м. Билтәүҙәре һөҙәк, көньяҡ-көнбайыш битләүе текә.

Ҡаратүбәнән көнсығышта көньяҡтан төньяҡҡа табан Алатау һырты һуҙылған. Тауҙан төньяҡ -көнбайыштараҡ Ҡыстырлаҡарҡа тауы ята.Ишембай ҡурсыулығы Ҡаратүбәнең көнбайыш итәгенән, Баталалма йылғаһының Һикәҙегә ҡойған ерҙәрҙә башлана.

Ҡолғона һәм Иҫке Һәйет ауылдарынан 11 км тирәһе алыҫлыҡта ята.

Тау тоҡомо һәүерташтар, рифей ҡомташтарынан тора.

«Ҡаратүбә» атамаһы «ҡара» һәм «түбә»(тау) һүҙҙәренә алынған.

Әҙәбиәт

• Ишимбайская энциклопедия. — Уфа: Башкирская энциклопедия, 2015. — С. 291. — 656 с. — 3000 экз. — ISBN 978-5-88185-205-4.

Һылтанмалар

• Карта Ишимбайского района