Кондратьев Михаил Леонидович

Михаил Леонидович Кондратьев (28 декабрь 1906 йыл—18 сентябрь 1984 йыл) — урыҫ совет театр һәм кино актеры.

Биографияһы

Михаил Леонидович Кондратьев Тыуған 1905 йылдың 28 декабрендә (яңы стиль буйынса1906 йылдың 10 ғинуары) Пермдә тыуа.

1924 йылда Ҡазанда икенсе баҫҡыслы 4-се мәктәпте тамамлай. 1924-1926 йылдарҙа — Ҡазан сургуч-һабын заводы өйрәнсеге, һуңынан мастер ярҙамсыһы, 1925-1926 йылдарҙа Ҡазанда Главполитпросвет курсында уҡый.

1927 йылда Ҡазан Рус театры студияһын тамамлай.

Ҡазан, Тула, Смоленск, Түбәнге Новгород, Ульяновск, Ырымбур, Һамар театрҙарында эшләй.

1939 йылдан— Өфөнөң рус театры актеры, бер нисә йыл дауамында «Кремль куранттары» (1941, 1945, 1956), «Мылтыҡлы кеше» (1945); «Йәшенле йыл» (Каплер, 1957), «Йөрәктә уның исеме» (Волков-Кривуша, 1960), «Тере сәскәләр» (Погодин, 1961) спектаклдәрендә В. И. Ленин ролен башҡара.

Шулай уҡ В. Кондратьев кинола ла В. И. Ленин ролен уйнай («Вихри враждебные», «Они были первыми», «По путевке Ленина»).

Бөйөк Ватан һуғышында ҡатнаша — 1942-1943 йылдарҙа Бәләбәйҙә В. И. Ленин исемендәге Хәрби-сәйәси академия тыңлаусылары алдында сығыш яһаусы бригада артисы.

1945—1979 йылдарҙа Башҡорт театр училищеһында уҡыта.

1960 йылдан Советтар Союзы Коммунистар Партияһы ағзаһы.

1984 йылдың 18 сентябрендәӨфөлә вафат була. Ҡаланың Көньяҡ зыяратында ерләнгән.

Ижады

Фильмографияһы

• 1953 — Вихри враждебные — В. И. Ленин
• 1956 — Они были первыми — В. И. Ленин
• 1958 — По путёвке Ленина — В. И. Ленин
• 1959 — В едином строю — В. И. Ленин

Наградалары һәм юғары исемдәре

• Башҡорт АССР-ының халыҡ артисы (1955).
• РСФСР-ҙың халыҡ артисы (1957).
• Октябрь Революцияһы ордены
• Хеҙмәт Ҡыҙыл Байраҡ ордены
• «Почет Билдәһе» ордены
• СССР миҙалдары.

Һылтанмалар

• КОНДРАТЬЕВ Михаил Леонидович
• Кондратьев Михаил Леонидович