Кәримов Әхим Кәрим улы

	Кәримов Әхим Кәрим улы
Тыуған көнө	5 декабрь 1917
Тыуған урыны	Өфө губернаһы Өфө өйәҙе Аҡтаныш аулы
Вафат булған көнө	28 август 2015 (97 йәш)
Вафат булған урыны	Өфө
Гражданлығы	СССР → Рәсәй Федерацияһы
Эшмәкәрлеге	геология, минерология
Наградалары һәм премиялары	\|\|\| \|
	Шаблон: просмотр • обсуждение • править

Кәримов Әхим Кәрим улы (5 декабрь 1917 йыл — 28 август 2015 йыл) — геохимик, геология-минерология фәндәре докторы (1969), профессор (1973). Бөйөк Ватан һуғышында ҡатнашыусы.

Википедияла Кәримов фамилиялы башҡа кешеләр тураһында мәҡәләләр бар.

Биографияһы

Әхим Кәрим улы Кәримов 1917 йылдың 5 декабрендә Өфө өйәҙе Аҡтаныш ауылында (хеҙерге Татарстандың Аҡтаныш ауылы) күп бабалы крәҫтиән ғаиләһендә тыуған. 1930 йылда уның ғаиләһе йәшәргә Үзбәкстанға күсеп китә.

1939 йылда Сәмәрҡанд университетының химия факультынын тамамлай. Ошо уҡ йылдың октябрендә Ҡыҙыл армияға алына. Бөйөк Ватан һуғышын Сталинград фронтында танк частарында башлай. Еңеүҙе Берлинда өлкән лейтенант званиеһында ҡаршылай. 1947 йылда демобилизациялана^[2].

Хеҙмәт юлын Өфө нефть сәнәғәте ғилми-тикшеренеү институтында эшләй башлай^[3].

1947 йылдан өлкән инженер, 1955 йылда өлкән ғилми хеҙмәткәр булып эшләй.

1951—54 йылдарҙа Ленинградта Бөтә Союз геология‑разведка ғилми-тикшеренеү институтында эшләй.

1959 йылдан башлап Ташкент Нефть һәм газ ятҡылыҡтары геологияһы һәм эшкәртеү интитутының бүлек мөдире вазифыһында була.

1959 йылдан алып 17 Ташкентта йәшәй, һуңынан Өфөгә ҡайта.

1975 йылдан алып Өфө нефть институтында уҡыта, 1978 йылдан Салауат киске факультетының химия кафедраһы мөдире.

1980—88 йылдарҙа Башҡорт дәүләт педагогия институтында эшләй.

Кәримов Әхим Кәрим улы 2015 йылдың 28 авгусында Өфөлә вафат була.

Фәнни эшмәкәрлеге

Фәнни‑производство эшмәкәрлеге нефть һәм тәбиғи газдар геологияһы менән бәйле. Кәримов Ә.К. тарафынан Башҡортостандың, Үзбәкстандың нефть һәм газ перспективалары, нефть составы үҙенсәлектәре, нефттә көкөрт барлығын билдәләү методикаһы асыҡлана.

100‑ҙән ашыу фәнни хеҙмәт авторы.

Маҡтаулы исемдәре һәм башҡа бүләктәре

«Ҡыҙыл Йондоҙ», «Ҡыҙыл Байраҡ» ордендары,
«Батырлыҡ өсөн», «Сталинград оборонаһы өсөн», «Варшаваны азат иткән өсөн», «Германияны еңгән өсөн» миҙалдары

Һылтанмалар

Кәримов Әхим Кәрим улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 4 декабрь 2022)
Татарский энциклопедический словарь. — Казань: Институт Татарской энциклопедии АН РТ, 1998—703 с., илл

Иҫкәрмәләр

[1] хәҙерге Татарстандың Аҡтаныш районы

[2] Новости Уфы

[3] Библиотека БГПУ

[1]

[2]

[3]