Кукланова Екатерина Парфирьевна
Кукланова Екатерина Парфирьевна (17 ғинуар 1924 йыл (башҡа мәғлүмәттәр буйынса, 12 ғинуар[1][2])) — ауыл хужалығы алдынғыһы. РСФСР Аҙыҡ-түлек сәнәғәте министрлығы Бургун-Маджар виноградсылыҡ совхозының бүлексә идарасыһы, Социалистик Хеҙмәт Геройы (1971).
| Кукланова Екатерина Парфирьевна | |
| Зат | ҡатын-ҡыҙ |
|---|---|
| Гражданлыҡ |
 СССР Рәсәй |
| Тыуған көнө | 17 ғинуар 1924 (100 йәш) |
| Тыуған урыны |
Сердобский уезд[d], Һарытау губернаһы[d], РСФСР, СССР СССР |
| Маҡтаулы исемдәре һәм башҡа бүләктәре |
       |
Биографияһы
үҙгәртергәЕкатерина Порфирьевна Кукланова (ҡыҙ фамилияһы Панкина) 1924 йылдың 17 ғинуарында Һарытау губернаһының Сердобский өйәҙе долгоруково ауылында (хәҙер Пенза өлкәһенең Сердобский районы), крәҫтиән ғаиләһендә тәыуған. Милләте буйынса урыҫ[3].
1938 йылда ғаиләһе менән бергә Ставрополье ҡалаһына күсә, 1941 йылда 1-се урта мәктәпте тамамлай[4] һәм Левокумское ауылында "Росглаввино"виноградсылыҡ совхозында баҡсасы атаһы, Порфирий Иванович Панкин етәкселеге аҫтында эшләй башлай[1]. 1942 йылдың авгусында немец ғәскәре Ставрополье ҡалаһына яҡынлашыу сәбәпле малды Әзербайжан ССР-ы территорияһына эвакуациялау менән шөғөлләнә. Шәмәхә ҡалаһында ҡыҫҡа ваҡыт шул уҡ айҙа Ҡыҙыл Армияға саҡырылғанға тиклем виноградсылар бригадаһын етәкләй[3].
Зенитсы булып хеҙмәт итә, һуңынан 125-се зенит-артиллерия полкы (икенсе мәғлүмәттәр буйынса 195-се[5]) составында зенит батареяһының орудие наводкаһы плашетсыһы (СОН-2) була. 1943 йылда ВКП(б)-ға инә[3].
Ставрополье азат ителгәндән һуң йортона ҡайта һәм 1943 йылдың июленән «Левокумский» виноградсылыҡ совхозында идарасы булып эшләй. Оккупацияһынан һуң виноград плантацияларын тиҙ арала тергеҙеүе өсөн 1944 йылда «СССР халыҡ аҙыҡ-түлек сәнәғәтенең социалистик ярыш алдынғыһы» түш билдәһе менән бүләкләнә[3].
1944 йылда Прасковейский виноградсылыҡ һәм шарап эшләү техникумына уҡырға инә, шарап эшләүҙең технигы-технологы һөнәрен ала, 1946 йылда бүлеү буйынса Левокумский районының Бургун-Маджарский" виноградсылыҡ совхозына эшкә ебәрелә, бында 40 йыл тирәһе агроном-йөҙөмсө, бригадир, 1-се производство участкаһы бүлексәһенең идарасыһы булып эшләй[3].
Дүртенсе биш йыллыҡ йомғаҡтары буйынса (1946—1950) Хеҙмәт Ҡыҙыл Байраҡ ордены, 7-се биш йыллыҡ эш һөҙөмтәләре буйынса (1959—1965) — «Почёт Билдәһе» ордены менән бүләкләнә. Күп тапҡыр СССР халыҡ хужалығы ҡаҙаныштары күргәҙмәһендә ҡатнаша[3].
СССР Юғары Советы Президиумының 1971 йылдың 26 апрелендәге Указы менән «аҙыҡ-түлек сәнәғәтен үҫтереү буйынса биш йыллыҡ план заданиеларын үтәүҙә ҙур уңыштары өсөн» Екатерина Порфирьевна Куклановаға Ленин ордены һәм «Ураҡ һәм Сүкеш» миҙалы тапшырылып, «Социалистик Хеҙмәт Геройы» исеме бирелә[3].
Халыҡ депутаттарының Левокумский район Советы һәм ауыл Советы депутаты итеп һайлана.
1985 йылда хаҡлы ялға сыға. Левокумский районының Малосадовый ҡасабаһында йәшәй[3].
Маҡтаулы исемдәре һәм башҡа бүләктәре
үҙгәртергә- Левокумский районының почётлы гражданы (07.10.1999)[3].
- Ленин ордены (20.04.1971),
- Хеҙмәт Ҡыҙыл Байраҡ ордены (06.03.1951),
- «Почёт Билдәһе» ордены (30.04.1966),
- «Кавказды обороналаған өсөн» миҙалы (01.05.1944),
- «1941-1945 йылдарҙағы Бөйөк Ватан һуғышында маҡтаулы хеҙмәте өсөн»,
- «1941—1945 йылдарҙағы Бөйөк Ватан һуғышында Германияны еңгән өсөн» миҙалы,
- Жуков миҙалы,
- СССР ВДНХ миҙалдары[3].
- «СССР Аҙыҡ-түлек сәнәғәтенең социалистик ярыш алдынғыһы» тамғаһы (1944)
- СССР Юғары Советының Почётлы грамоталары
- КПРФ Үҙәк Комитетының «ВЛКСМ-ға 100 йыл» иҫтәлекле ордены (2018)
- Герой исеме СССР Аҙыҡ-түлек сәнәғәте министрлығының Хеҙмәт Даны китабына индерелгән.
Иҫкәрмәләр
үҙгәртергә- ↑ 1,0 1,1 Известные виноградари и виноделы Ставропольского края: Кукланова Екатерина Порфирьевна. Дата обращения: 21 март 2020. 2020 йыл 21 март архивланған.
- ↑ Екатерина Кукланова: виноградарь с боевыми наградами. Дата обращения: 21 март 2020. 2020 йыл 21 март архивланған.
- ↑ 3,00 3,01 3,02 3,03 3,04 3,05 3,06 3,07 3,08 3,09 С. Кузоватов. Кукланова Екатерина Парфирьевна. «Герои страны» сайты. Дата обращения: 20 март 2020.
- ↑ выпускники 1941г. Сайт школы №1. Дата обращения: 21 март 2020.
- ↑ Известные виноградари и виноделы Ставропольского края: Кукланова Екатерина Порфирьевна. vinmoldova.md. Дата обращения 21 марта 2020.