Йәнбәков Исхаҡ Шәйхетдин улы

Йәнбәков Исхаҡ Шәйхетдин улы
	Йәнбәков Исхаҡ Шәйхетдин улы
Зат	ир-ат
Гражданлыҡ	Рәсәй империяһы; Совет Рәсәйе; СССР
Тыуған көнө	1907
Тыуған урыны	Сыңғыҙ ауылы, Орск өйәҙе, Ырымбур губернаһы, Рәсәй империяһы
Вафат булған көнө	6 июль 1942
Вафат булған урыны	Курск өлкәһе, РСФСР, СССР; Тербун районы, Липецк өлкәһе
Һөнәр төрө	уҡытыусы
Уҡыу йорто	Башҡорт дәүләт университеты; Бәләбәй педагогия колледжы
Хәрби звание	комиссар[d]
Һуғыш/алыш	Совет - Финляндия һуғышы (1939—1940) һәм Бөйөк Ватан һуғышы
Ғәскәр төрө	кавалерия[d]

Йәнбәков Исхаҡ Шәйхетдин(башҡа сығанаҡта Шәйхислам^[1]) улы (1907 йыл — 6 июль 1942 йыл) — Совет-фин^[2], Бөйөк Ватан һуғыштарында ҡатнашыусы. 112-се Башҡорт кавалерия дивизияһының 275-се кавалерия полкы артиллерия батареяһы тоҫҡаусыһы. Политрук^[2].

Википедияла Йәнбәков фамилиялы башҡа кешеләр тураһында мәҡәләләр бар.

Биографияһы үҙгәртергә

Исхаҡ Шәйхетдин улы Йәнбәков 1907 йылда Башҡортостандың Баймаҡ районы Сыңғыҙ ауылында ярлы ғаиләлә тыуған. Бәләбәй татар-башҡорт педагогия техникумын (1930), Өфөлә К. А. Тимирязев исемендәге Башҡорт дәүләт педагогия институтын (1935) тамамлай. Баймаҡ мәғариф системаһына ҙур өлөш индергән шәхес: 1930 йылдан — Баймаҡ башланғыс терәк, Бәхтегәрәй башланғыс мәктәптәре мөдире, 1932 йылдан — Татлыбай коммунистик йәштәре мәктәбе, 1935 йылдан — Иҫке Сибай, 1940 йылдан 1-се Этҡол крәҫтиән йәштәре мәктәптәрендә уҡытыусы һәм директор булып эшләй^[2].

1939—1940 йылдарҙа совет-фин һуғышында ҡатнаша.

Борки ауылындағы Туғанлыҡ ҡәберлеге

Бөйөк Ватан һуғышы башланғас, БАССР-ҙың Баймаҡ районы хәрби комиссариаты тарафынан Ҡыҙыл Армияға алына^[2], һуғышҡа, ҡатыны Хәйернисаны һәм балаларын ҡалдырып, 1-се Этҡол ауылынан китә. 112-се Башҡорт кавалерия дивизияһында 275-се кавалерия полкы артиллерия батареяһы тоҫҡаусыһы, һуңынан сәйәси мәсьәләләр буйынса комиссар урынбаҫары — политрук була. Ғаиләһенә һуңғы хатын 1942 йылдың 3 июлендә яҙа, 6 июлдә Курск өлкәһе (хәҙер Липецк өлкәһе) Тербун районындағы ҡаты алыштарҙың береһендә батырҙарса һәләк була. Ошо уҡ райондың Борки ауылында ерләнә^[2].

Яугир һәм ҡурайсы Исхаҡ Йәнбәковтың исеме 112-се Башҡорт дивизияһы комиссары С. Р. Әлибаевтың «Көндәлек биттәренән» китабында бер нисә тапҡыр телгә алына^[3].