Йәнбирҙина Зөбәржәт Нәби ҡыҙы

Йәнбирҙина Зөбәржәт Нәби ҡыҙы (18 сентябрь 1945 йыл — 9 май 2009 йыл) — шағир, 1990 йылдан СССР Яҙыусылар союзы ағзаһы. Башҡортостан Республикаһының атҡаҙанған мәҙәниәт хеҙмәткәре (2006). Хәким Ғиләжев исемендәге премия лауреаты (2001).

Зөбәржәт Йәнбирҙина
Тыуған көнө:	18 сентябрь 1945({{padleft:1945|4|0}}-{{padleft:9|2|0}}-{{padleft:18|2|0}})
Тыуған урыны:	Башҡорт АССР-ы, Көйөргәҙе районы, Ҡунаҡбай ауылы
Вафат булған көнө:	9 май 2009({{padleft:2009|4|0}}-{{padleft:5|2|0}}-{{padleft:9|2|0}}) (63 йәш)
Вафат булған урыны:	Башҡортостан Республикаһы, Стәрлетамаҡ
Гражданлығы:	СССР → Рәсәй Федерацияһы
Эшмәкәрлеге:	шағир
Әҫәрҙәре яҙылған тел:	башҡорт теле
Наградалары:	Башҡортостандың атҡаҙанған мәҙәниәт хеҙмәткәре (2006).

Биографияһы

• Зөбәржәт Нәби ҡыҙы Йәнбирҙина 1945 йылдың 18 сентябрендә Башҡорт АССР-ының Көйөргәҙе районы Ҡунаҡбай ауылында тыуған.
• 1973 йылдан алып Стәрлетамаҡ ҡалаһы һәм Стәрлетамаҡ районының төрлө предприятиеларында һәм учреждениеларында эшләй.
• 1992—1994 һәм 2000—2009 йылдарҙа Башҡортостан Республикаһы Яҙыусылар союзының Стәрлетамаҡ яҙыусылар ойошмаһында әҙәби консультант.
• 1996—2000 йылдарҙа Башҡортостан Республикаһы Яҙыусылар союзының «Шишмә» Күмертау яҙыусылар ойошмаһы яуаплы секретары.
• 2009 йылда Стәрлетамаҡта вафат була.

Ижады

Зөбәржәт Йәнбирҙинаның «Йөҙөк ҡашы» исемле тәүге шиғырҙар йыйынтығы 1978 йылда сыға. Уның ижадына тәрән хис-тойғолар, тел байлығы, образлылыҡ хас. «Күк мунсаҡ» (1991), «Ил инәһе» (1995), «Һандал» (2001), «Даға сыңы» (2005) һәм башҡа шиғри йыйынтыҡтарына ингән әҫәрҙәренең төп темаһы — туған халҡының яҙмышы, тормошта кешенең үҙ урыны, ҡатын-ҡыҙ бәхете.

Яҙылып бөтмәгән «Көҫәпәй» романы (1-се һәм 2-се бүлектәре 1977 һәм 2001 йылдарҙа «Ағиҙел» журналында баҫылып сыға. Зөбәржәт Йәнбирҙина башҡорт балалар шиғриәте өлкәһендә лә ижад итә. Кескәйҙәр өсөн яҙылған «Ҡолонсаҡ» (1992), «Айбулатым — ейәнем» (1994) китаптары авторы. Әҫәрҙәре рус теленә тәржемә ителгән. Шиғырҙарына йырҙар яҙылған.

Маҡтаулы исемдәре

• Башҡортостандың атҡаҙанған мәҙәниәт хеҙмәткәре (2006).
• Хәким Ғиләжев исемендәге премия лауреаты (2001, 2006).

Әҫәрҙәре

• Даға сыңы: шиғырҙар. — Өфө, 2005.

Сығанаҡтар

• Йәнбирҙина Зөбәржәт Нәби ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
• Башҡортостан энциклопедияһы.
• Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.)