Евстигнеев Александр Семёнович
Евстигнеев Александр Семёнович (9 сентябрь 1894 йыл — 20 ғинуар 1945 йыл) — Беренсе донъя һәм граждандар һуғыштарында ҡатнашҡан, Бөйөк Ватан һуғышында һәләк булған яугир-уҡсы. Советтар Союзы Геройы (1945, үлгәндән һуң).
| Евстигнеев Александр Семёнович | |
| Зат | ир-ат |
|---|---|
| Хеҙмәт итеүе | СССР |
| Тыуған көнө | 9 сентябрь 1894 |
| Тыуған урыны | Стәрлетамаҡ районы |
| Вафат булған көнө | 20 ғинуар 1945 (50 йәш) |
| Ерләнгән урыны | Польша |
| Һөнәр төрө | хәрби хеҙмәткәр |
| Хәрби звание | рядовой |
| Һуғыш/алыш | Бөйөк Ватан һуғышы |
| Ғәскәр төрө | пехота[d] |
| Маҡтаулы исемдәре һәм башҡа бүләктәре |
  |
| Юғалтыуҙың хәрби классификацияһы | яуҙа һәләк була[d] |
Биографияһы
үҙгәртергәАлександр Семёнович Евстигнеев[1] 1894 йылдың 9 сентябрендә (иҫке стиль буйынса 27 август) Өфө губернаһы Стәрлетамаҡ өйәҙе Пёстровка (хәҙер Башҡортостан Республикаһының Стәрлетамаҡ районы Оло Аксаков) ауылында крәҫтиән ғаиләһендә тыуған. Башланғыс белем алған.
Беренсе донъя һуғышында ҡатнаша. 1917 йылда Петроградта Путилов заводында эшләй. 1918 йылдың аҙағында Һамар торба хәрби заводына күсә[2]. Һуңынан Стәрлетамаҡ районына ҡайта, Ҡыҙыл Армияға саҡырылғанға тиклем колхозда эшләй.
1942 йылдың ғинуарында Стәрлетамаҡ район хәрби комиссариаты аша үҙ ирке менән Эшсе-Крәҫтиән Ҡыҙыл Армияһына китә. Бөйөк Ватан һуғышында 1942 йылдың майынан.
1945 йылдың 20 ғинуарында һәләк була. Борск Фоленски ауылында, хәҙерге Краков ҡалаһының (Польша) Лагевники — Борек-Фаленцкий районында 9-сы һанлы туғандар ҡәберлегендә ерләнгән. 1945 йылдың 10 апрелендә үлгәндән һуң «Советтар Союзы Геройы» исеме бирелә. Ленин ордены, Алтын Йондоҙ миҙалы менән бүләкләнә.
Батырлығы
үҙгәртергә«1085-се уҡсылар полкы уҡсыһы (322-се уҡсылар дивизияһы, 60-сы армия, 1-се Украина фронты) рядовой Г. С. Евстигнеев 1945 йылдың 20 ғинуарында Свошовице ҡалаһы (Краков, Польша) районында дошман һөжүмен кире ҡаҡҡанда батырлыҡ күрһәтә. Дошман бронетранспортеры өҫтөнә ырғып менеп, уның экипажын граната менән юҡ итә. Дошман яңынан ҡаршы һөжүм иткән ваҡытта, А. С. Евстигнеев, үҙ ғүмерен ҡорбан итеп, гранаталар бәйләме менән дошман танкыһы аҫтына ташлана, уны шартлата һәм үҙе лә һәләк була. Гитлерсыларҙың танктары һәм бронетранспортерҙары беҙҙең пехотаға үтеп инә алмай, дошмандың ҡаршы һөжүме килеп сыҡмай».
Хәтер
үҙгәртергә- Стәрлетамаҡ районының Оло Аксаков ауылында 1962 йылдың майында А. С. Евстигнеевҡа һәйкәл ҡуйыла.
Иҫкәрмәләр
үҙгәртергә- ↑ Герой Советского Союза Евстигнеев Александр Семёнович :: Герои страны. Дата обращения: 24 февраль 2013. Архивировано 22 март 2013 года.
- ↑ Люди легенд, 1980, с. 10
Әҙәбиәт
үҙгәртергә- Люди легенд: документальные очерки / сост. М. Г. Свиридов. — Уфа: Башкирское книжное издательство, 1980. — 311 с.
- Славные сыны Башкирии. — Уфа, 1968, кн.3. / стр.82—86.
- Герои Советского Союза. Краткий биографический словарь в двух томах - М.: Воениздат, 1987.
Һылтанмалар
үҙгәртергә- Евстигнеев Александр Семёнович // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 8 сентябрь 2022)
- Евстигнеев Александр Семёнович. «Герои страны» сайты.
- Республиканский музей Боевой Славы: Евстигнеев Александр Семёнович 2014 йыл 19 декабрь архивланған..
- А. С. Евстигнеев в онлайн версии краткого биографического словаря «Герои Советского Союза».