Васильев Василий Семёнович
Васильев Василий Семёнович (1912 —1944) — Эшсе-крәҫтиән Ҡыҙыл Армияһы лейтенанты, Бөйөк Ватан һуғышы яугиры, Советтар Союзы Геройы (1945).
| Васильев Василий Семёнович | |
| Зат | ир-ат |
|---|---|
| Гражданлыҡ |
.svg){kind=small} СССР |
| Хеҙмәт итеүе | СССР |
| Тыуған көнө | 1912 |
| Тыуған урыны | Ҡуян, Күтәрем улусы, Бөрө өйәҙе, Өфө губернаһы, Рәсәй империяһы |
| Вафат булған көнө | 9 август 1944 |
| Вафат булған урыны | Вилкавишкис[d], Литва |
| Ерләнгән урыны | Вилкавишкис[d] |
| Һуғыш/алыш | Бөйөк Ватан һуғышы |
| Ғәскәр төрө | артиллерия[d] |
| Маҡтаулы исемдәре һәм башҡа бүләктәре |
     |
| Юғалтыуҙың хәрби классификацияһы | яуҙа һәләк була[d] |
Биографияһы
үҙгәртергәВасилий Васильев 1912 йылда Ҡуян ауылында (хәҙер — Башҡортостандың Ҡалтасы районы) крәҫтиән ғаиләһендә тыуған. Мәктәптә биш синыф тамамлаған. 1941 йылдың сентябрь айында Пермь өлкәһенең Каганович район хәрби комиссариаты тарафынан эшсе-крәҫтиән Ҡыҙыл армияһына хеҙмәткә саҡырыла. 1942 йылда Васильев кесе лейтенанттар курсын тамамлай. 1942 йылдың авгусынан Бөйөк Ватан һуғышы фронттарында. 1944 йылдың авгусына лейтенант Васильев Василий 3-сө Белорус фронтында 33-сө армияның 43-сө айырым истребитель- танкыға ҡаршы артиллерия бригадаһы 1964-се истребитель- танкыға ҡаршы полктың 3-сө батареяһы менән командалыҡ итә. Литва ССР-ын азат иткәндә батырлыҡ күрһәтә[1]
1944 йылдың 9 авгусында Васильев батареяһы 50 танк ярҙамында Вилкавишкис ҡалаһына үтеп ингән немец пехотаһы атакаһын кире ҡағырға хәрби бурыс ала. Һуғыш ваҡытында батарея дошмандың 8 танк, 2 САУ «Фердинанд», 2 БТР-ын юҡ итә. Орудиелар сафтан сыҡҡас, Васильев ут позициялары оборонаһын гранаталар һәм атыу ҡоралы ярҙамында ойоштора. Алышта Васильев шәхсән үҙе БТР-ҙы, шулай уҡ бер нисә дошман һалдатын юҡ итә. Был һуғышта Васильев һәләк була. Вилкавишкис ҡалаһында ерләнә.
СССР Юғары Советы Президиумының 1945 йылдың 24 мартындағы указы менән «командованиеның хәрби заданиеларын теүәл үтәгәне һәм немец илбаҫарҙары менән һуғышта ҡаһарманлыҡ һәм батырлыҡ күрһәткәне өсөн» лейтенант Васильев Василий үлгәндән һуң Советтар Союзы Геройы тигән юғары исемгә лайыҡ була[2].
Бүләктәре
үҙгәртергә- Ленин ордены
- 1-се дәрәжә Ватан һуғышы ордены (14.07.1944)[3]
- Ҡыҙыл Йондоҙ ордены (03.02.1944)[4]
- «Батырлыҡ өсөн» миҙалы (02.03.1943)[5]
- Миҙалдар
Хәтер
үҙгәртергәВасильев В. С . хөрмәтенә Вилкавишкис ҡалаһында урам һәм бер урта мәктәптең комсомол ойошмаһы, Пермь ҡалаһында урам аталған
Иҫкәрмәләр
үҙгәртергә- ↑ Васильев Василий Семёнович. «Герои страны» сайты.
- ↑ Наградные документы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 686046/793756, д. 23/8, л. 24, 220, 221)
- ↑ Наградные документы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 690155, д. 1992, л. 8, 28, 29)
- ↑ Наградные документы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 686044, д. 3062, л. 1, 9, 10)
- ↑ Наградные документы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 682526, д. 400, л. 1, 8)