Бондарева Клавдия Егоровна
Бондарева Клавдия Егоровна (22 июнь 1924 йыл — 2 июль 2011 йыл) — СССР-ҙың ауыл хужалығы алдынғыһы, механизатор. Социалистик Хеҙмәт Геройы (1971).
| Бондарева Клавдия Егоровна | |
| Зат | ҡатын-ҡыҙ |
|---|---|
| Гражданлыҡ |
 СССР Рәсәй |
| Тыуған көнө | 22 июнь 1924 |
| Тыуған урыны | Оло Дергуновка ауылы[d], Оло Глушица районы |
| Вафат булған көнө | 2 июль 2011 (87 йәш) |
| Вафат булған урыны | Оло Дергуновка ауылы[d], Оло Глушица районы, Һамар өлкәһе, Рәсәй |
| Һөнәр төрө | тракторсы, комбайнёр |
| Маҡтаулы исемдәре һәм башҡа бүләктәре |
   |
Биографияһы
үҙгәртергәКлавдия Егоровна Бондарева 1924 йылдың 22 июнендә Һамар өлкәһе Оло Глушица районы Оло Дергуновка ауылында крәҫтиән ғаиләһендә тыуған.
20-се йылдарҙа атаһы вафат була, һәм әсәһе өс балаһы менән яңғыҙы тороп ҡала. Дүрт класты тамамлағандан һуң, Клавдияға йыйыштырыусы, быҙау ҡараусы, хат ташыусы, ҡаҙанлыҡ операторы эшен башҡара.
1941 йылда Бөйөк Ватан һуғышы башланғас, механизатор һәм комбайнда штурвалсы була. 1943 йылдан, механизация училищеһын тамамлағандан һуң, «Прогресс» колхозында комбайнда һәм тракторҙа эшләй, комбайндарҙың "Коммунар"ҙан башлап «Нива»ға тиклем төрлө төрҙәрен үҙләштерә.
СССР Юғары Советы Президиумының 1971 йылдың 8 апрель Указы менән, «ауыл хужалығы үҫешендә юғары производство уңыштарына һәм дәүләткә игенселек һәм малсылыҡ продукттарын етештереү һәм һатыуҙың биш йыллыҡ планын үтәүгә өлгәшкән өсөн», Клавдия Егоровна Бондареваға, Ленин ордены һәм «Ураҡ һәм Сүкеш» алтын миҙалы тапшырылып, «Социалистик Хеҙмәт Геройы»]] исеме бирелә.
1942 йылдан алып 1986 йылға тиклем К. Е. Бондарева бер ураҡты ла ҡалдырмай. Һамар өлкәһендә, фермала, йәшелсә баҡсаһында түгел, ә иген баҫыуында комбайнда эшләп, Тыуған илдең юғары наградаһы менән бүләкләнеүсе берҙән-бер ҡатын-ҡыҙ була.
2011 йылдың 2 июлендә вафат була, Һамар өлкәһе, Оло Глушица районы, Оло Дергуновка ауылында ерләнгән.
Маҡтаулы исемдәре һәм башҡа бүләктәре
үҙгәртергә- Социалистик Хеҙмәт Геройы (1971)
- «Ураҡ һәм Сүкеш» алтын миҙалы (8.04.1971)
- Ленин ордены (8.04.1971)
- Октябрь Революцияһы ордены (23.12.1976)