Ауыл хужалығы хайуандары

Ауыл хужалығы хайуандары
	Ауыл хужалығы хайуандары
	Ауыл хужалығы хайуандары Викимилектә

Мал-мыуар (шулай уҡ мал, ауыл хужалығы хайуандары) — кеше аҙыҡ-түлек (ит, һөт, йомортҡа, май), етештереү сеймалы (йөн, тире, мамыҡ,шырт, күн, һөйәк, ҡауырһын) алыу өсөн, шулай уҡ транспорт һәм эш көсө булараҡ файҙаланған йорт хайуандары. Селекция ярҙамында борондан ҡырағай хайуандар араһынан ҡулға эйәләштереп һайлап алынған ҡоштар һәм хайуандар.

Ауыл хужалығы малдары махсус биналарҙа, ҡаралтыларҙа (аран, ялан кәртә, Һарай (ҡаралты)|һарай, ат һарайы, сусҡа һарайы, һыйыр аҙбары, ҡуян ояһы, малсылыҡ бинаһы, ферма, ҡура, мал ҡураһы, ҡош-ҡорт ояһы, умарта һ. б.) аҫрала.

Билдәләмә

Һүҙлек һәм закон акттары ауыл хужалығы малы төрҙәрен билдәләй:

мал,
ҡиммәтле тиреле йәнлектәр,
йорт ҡуяны,
ҡош-ҡорт,
бал ҡорто.

Мал-тыуар (мал) үҙ сиратында — «"дүрт аяҡлы йорт ауыл хужалығы хайуандары "» тип билдәләнә. Даль был төшөнсәне тулыраҡ асып бирә — «" йорт, хужалыҡ хайуандарының дөйөм атамаһы: ат, һыйыр, дөйә, һарыҡ, кәзә, болан һәм башҡалар. Әммә, борон нисек булһа, әле лә шулай, күбеһенсә һыйыр һәм эш үгеҙе."».