5-се Башҡорт уҡсылар полкы
5-се Башҡорт уҡсылар полкы (рус. 5-й Башкирский стрелковый полк) — 1918 йылдың июль аҙағында Башҡорт хәрби советы приказы буйынса Верхнеурал өйәҙе башҡорттарынан 5-се Башҡорт пехота полкы булараҡ ойошторола[1].
| 5-се Башҡорт уҡсылар полкы | |
| Нигеҙләү датаһы | 1918 |
|---|---|
| Дәүләт |
 Рәсәй |
| Ойоштороу-хоҡуҡ формаһы | Войсковая часть[d] |
| Штаб-фатирҙың урынлашыуы | Башҡортостан Республикаhы, Рәсәй |
Тарихы
үҙгәртергә1918 йылдың 25 октябренән 5-се Башҡорт уҡсылар полкы, 20 ноябрҙән Юғары баш командующий штабының приказы буйынса 40-сы Башҡорт уҡсылар полкы, 1919 йылдың 9 ғинуарынан Башҡорт ғәскәрҙәре штабы приказына ярашлы Бишенсе Башҡорт уҡсылар полкы тип атала. Полкта 500-гә яҡын яугир иҫәпләнә. 1918 йылдың авгусынан 1-се Башҡорт уҡсылар дивизияһы, 1919 йылдың ғинуарынан 2-се Башҡорт уҡсылар дивизияһы составына инә.
Граждандар һуғышы осоронда Верхнеурал, Аҡтүбә һәм Стәрлетамаҡ фронттарында Эшсе-Крәҫтиән Ҡыҙыл Армияһына (РККА) ҡаршы һуғыша[2]. Башҡорт хөкүмәте һәм ғәскәре Совет республикаһы яғына сыҡҡас, 5-се Башҡорт уҡсылар полкы таратыла.
Полк командирҙары:
- прапорщик Ғ. Ғ. Тағанов (1918 йылдың июленән полк командиры вазифаһын ваҡытлыса башҡарыусы)[3]
- подполковник Цветков (1918 йылдың авгусынан 1919 йылдың ғинуарына тиклем)
- штабс‑капитан Ҡ. Н. Низаметдинов (1918 йылдың октябренән)
- поручик Мозафаров (1918 йылдың декабренән).
Полк муллаһы — Бәхтийәров (1918 йылдың 8 ноябренә тиклем)[4].
Иҫкәрмәләр
үҙгәртергә- ↑ http://bashenc.online/ru/articles/51970/
- ↑ http://bashenc.online/ru/articles/51970/
- ↑ Фархшатов М. Н. Таганов Галимьян Гирфанович // Военная история башкир / гл. ред. А. З. Асфандияров. — Уфа: Башкирская энциклопедия, 2013. — 432 с. — ISBN 978-5-4466-0040-3.
- ↑ http://bashenc.online/ru/articles/51970/
Әҙәбиәт
үҙгәртергә- Национально‑государственное устройство Башкортостана (1917—1925 гг.): док. и материалы. В 4 т. Т.2. Ч.1. Уфа, 2002;
- А. А. Валидов — организатор автономии Башкортостана. У истоков федерализма в России (1917—1920): сб. док. и материалов. В 2 ч. Ч.1. Уфа, 2005.
- Таймасов Р. С. Участие башкир в Гражданской войне. Кн.1. В лагере контрреволюции (1918 — февраль 1919 гг.). Уфа, 2009.