Ғәйнанова Мөнирә Ғәтиәт ҡыҙы

Ғәйнанова Мөнирә Ғәтиәт ҡыҙы (24 октябрь 1927 йыл — 2012 йыл) — малсы, һауынсы, Башҡорт АССР-ының атҡаҙанған малсыһы.

Ғәйнанова Мөнирә Ғәтиәт ҡыҙы
Зат	ҡатын-ҡыҙ
Гражданлыҡ	Рәсәй
Тыуған көнө	24 октябрь 1927({{padleft:1927|4|0}}-{{padleft:10|2|0}}-{{padleft:24|2|0}}) (96 йәш)
Тыуған урыны	Салауат районы
Һөнәр төрө	һауынсы

Биографияһы

Мөнирә Ғәтиәт ҡыҙы Ғәйнанова 1927 йылдың 24 октябрендә Башҡорт АССР-ы Мәсәғүт кантоны Мырҙалар улусының (хәҙерге Башҡортостан Республикаһының Салауат районы Бишәүҙәр ауылында тыуған.

Йәш кенә көйө фермаға һауынсы булып эшкә бара.

Тормош һәм хеҙмәт юлы

1974 йылда һәр һыйырҙан уртаса йыллыҡ һауым 2860 килограмм, 1975 йылда — 3179 килограмм тәшкил итә. Ул ваҡытта фермаларҙа механикалаштырылған хеҙмәт булмағанлыҡтан, бындай күрһәткестәр яҡшы тип һанала.

1976 йылда «Һарғамыш» совхозы Бишәүҙәр фермаһының бригадиры итеп тәғәйенләнә.

Мөнирә Ғәтиәт ҡыҙының тырышлығы арҡаһында ферма совхозда алдынғы коллективтарҙың береһенә әйләнә, һәм уға «Коммунистик хеҙмәт коллективы» тигән почётлы исем бирелә.

Ғаиләһе

Тәүге тормош иптәше Марселдән ике балаһы була. Икенсе иптәше Абралдың дүрт балаһын ҡарап үҫтерешә. Ул балалар ҙа уны ихтирам итә. Тағы уртаҡ бер балаһы тыуа. Бөтәһе 7 бала тәрбиәләй.

Маҡтаулы исемдәре һәм башҡа бүләктәре

• БАССР-ҙың атҡаҙанған малсыһы
  
• Коммунистик хеҙмәт ударнигы
  
• Хеҙмәт Ҡыҙыл Байраҡ ордены
  
• Октябрь Революцияһы ордены
  
• «Почёт Билдәһе» ордены

Сығанаҡтар

• Земля салаватская, земля батыра. / Автор-составитель: Сабирьянова С. Г. — Уфа: АН РБ, Гилем, 2010. — 400 с.

Һылтанмалар

• Земля салаватская, земля батыра. / Автор-составитель: Сабирьянова С. Г. — Уфа: АН РБ, Гилем, 2010. — 400 с. (рус.) (Тикшерелеү көнө: 6 декабрь 2020)
• Список награжденных государственными наградами Республики Башкортостан