Ғафуров Мадрил Абдрахман улы

Журналист

Ғафуров Мадрил Абдрахман улы (рус. Гафуров Мадриль Абдрахманович; 10 май 1936 йыл) — журналист, ғалим-философ, йәмәғәтсе. 1957 йылдан СССР Журналистар союзы ағзаһы. Башҡорт АССР-ының 12-се саҡырылыш Юғары Советының халыҡ депутаты (1991—1995)[1]. Философия фәндәре кандидаты (2010). БАССР-ҙың атҡаҙанған мәҙәниәт хеҙмәткәре (1986).

Ғафуров Мадрил Абдрахман улы
Зат ир-ат
Гражданлыҡ  СССР
Тыуған көнө 10 май 1936({{padleft:1936|4|0}}-{{padleft:5|2|0}}-{{padleft:10|2|0}}) (87 йәш)
Тыуған урыны Күгәрсен районы, Башҡорт АССР-ы, РСФСР, СССР
Һөнәр төрө журналист

Биографияһы үҙгәртергә

Мадрил Абдрахман улы Ғафуров 1936 йылдың 10 майында Башҡорт АССР-ының (хәҙер Башҡортостан Республикаһының Күгәрсен районы) Мораҡ ауылында тыуған.

1964 йылда Башҡорт дәүләт университетын тамамлағандан һуң Өфөлә эшләй башлай: ВЛКСМ Башҡортостан өлкә комитетының бүлек мөдире була.

1966 йылдан “Ленинец” гәзитендә бүлек мөдире.

1970 йылдан — “Советская Башкирия” гәзитенең әҙәби хеҙмәткәре, бүлек мөдире.

1974 йылдан — бүлек мөдире һәм бер үк ваҡытта баш мөхәррир урынбаҫары.

1978—80 йылдарҙа — “Вечерняя Уфа” гәзитенең баш мөхәррир урынбаҫары.

1975 йылдан — БАССР Юғары Советы Президиумы рәйесе ярҙамсыһы.

1980 йылдан — Телевидение һәм радиотапшырыуҙар буйынса СССР Дәүләт комитетының БАССР буйынса үҙ хәбәрсеһе.

1991 йылдан — “Останкино” Рәсәй Рәсәй Дәүләт телерадиокомитетының Башҡортостан Республикаһы һәм Ырымбур өлкәһе буйынса үҙ хәбәрсеһе, хәбәрсе пункты мөдире.

1997 йылдан — “Советская Башкирия — Известия Башкирии” гәзитенең баш мөхәррир урынбаҫары [2]

2001—02 ййылдан — “Деловой мир” гәзитенең баш мөхәррире.

2004 йылдан — “МАГ” нәшриәт йортоноң директоры һәм “Евразийский проспект” гәзитенең баш мөхәррире.

Бер үк ваҡытта 1997—2004 йылдарҙа “Голос России” Рәсәй дәүләт радиотапшырыуҙар компанияһының үҙ хәбәрсеһе.

2009 йылдан алып “Коммунист Башкортостана” гәзитенең баш мөхәррире һәм “Правда” гәзитенең үҙ хәбәрсеһе.

Республиканың сәйәси, социаль-иҡтисади һәм мәҙәни тормошо тураһындағы көнүҙәк темаларға мәҡәләләр, теле- һәм радиотапшырыуҙар, “Башҡортостан циркы” (“Башкирский цирк”) документаль фильмы сценарийы авторы. Башҡортостан Республикаһының “Мәжит Ғафури — 21 быуат” мәҙәниәт фонды директоры (2007 йылдан алып) [3].

Маҡтаулы исемдәре һәм бүләктәре үҙгәртергә

  • БАССР-ҙың атҡаҙанған мәҙәниәт хеҙмәткәре (1986)
  • СССР Журналистар союзы премияһы (1991).
  • Мәжит Ғафури исемендәге премия (2007).

Әҫәрҙәре үҙгәртергә

  • М.А.Гафуров. Большие права, высокая ответственность. Уфа, 1976.
  • М.А.Гафуров. Я весь в своих стихах...: поэтическая исповедь о Времени и о себе. Уфа, 2006.

Ғаиләһе үҙгәртергә

Өйләнгән, ғаиләлә бер ҡыҙ үҫтергәндәр. Бер туған ағаһы - Ғафуров Марсель Абдрахман улы.

Шулай уҡ ҡара үҙгәртергә

Иҫкәрмәләр үҙгәртергә

  1. Народные депутаты Республики Башкортостан. Двенадцатый созыв. - Уфа, Китап, 1994. - с. 104.
  2. Народные депутаты Республики Башкортостан. Двенадцатый созыв. - Уфа, Китап, 1994. - с. 104.
  3. Ғафуров Мадрил Абдрахман улы(недоступная ссылка)

Сығанаҡтар үҙгәртергә

  • Народные депутаты Республики Башкортостан. Двенадцатый созыв. - Уфа, Китап, 1994. - с. 104

Һылтанмалар үҙгәртергә