Яңы Ҡормаш (Татарстан)

Яңы Ҡормаш — Рәсәй Федерацияһы Татарстан Республикаһы Аҡтаныш районы ауылы. Татар Сыуыҡсыуы ауыл биләмәһе составына керә.

Ауыл
Яңы Ҡормаш татар. Яңа Кормаш
Ил	РәсәйРәсәй
Федерация субъекты	Татарстан
Муниципаль район	Аҡтаныш
Ауыл биләмәһе	Татар Сыуыҡсыуы
Координаталар	55°43′ с. ш. 53°42′ в. д.
Беренсе мәртәбә телгә алынған	1722 йыл
Халҡы	399 кеше (2002)
Милли состав	татарҙар
Сәғәт бүлкәте	UTC+4
Почта индексы	423738
Һанлы танытмалар
Автомобиль коды	-
Код ОКАТО	92 205 837 001
Код ОКТМО	92 605 470 111
Номер в ГКГН	0189684
Яңы Ҡормаш

География

Ауыл Шәбеҙ йылғаһы буйында, Аҡтаныш ауылынан көнбайыштараҡ 24 км алыҫлыҡта урынлашҡан.

Тарих

Яңы Ҡормаш — бүләр ырыуы башҡорттарының ауылы. XIX быуатта Иҫке Ҡормаш ауылы кешеләре тарафынан нигеҙләнгән. Ырымбур губернаһы Минзәлә өйәҙенә ҡарай, 1865 йылда был өйәҙ Өфө губернаһына инә. 1866 йылда ырыу улустары бөтөрөлгәс, ауыл Байсары улусы составына керә.

ХХ быуат башында ауылда мәсет (1893—1894 йй. төҙөлгән), мәҙрәсә-мәктәп теркәлгән.

1920 йылдан Татар АССР-ының Минзәлә кантоны, 1930 йылдан — Аҡтаныш районы, 1963 йылдан — Минзәлә районы, 1965 йылдан — йәнә Аҡтаныш районы составында була.

Халҡы

1859 йылда ауылда ир енесле 166 йән аҫаба башҡорт; 1870 йылда — 404 башҡорт; 1906 йылда — 736 башҡорт һәм типтәр йәшәй. Типтәрҙәр сығышы менән байлар ырыуы салағош түбәһе аҫаба башҡорттарынан (хәҙерге Әгәрже районы Вәрзи ауылынан).

Йылдар буйынса халыҡ иҫәбе
(Сығанаҡ: )

1859	1870	1884	1897	1906	1913	1920	1926	1938	1949	1958	1970	1979	1989	2002
336	404	504	600	736	838	801	692	901	674	573	667	551	439	399

Инфраструктура

Игенселек, малсылыҡ, умартасылыҡ үҫешкән. Ауылда мәктәп, мәҙәниәт йорто, китапхана бар.