Фәйзуллина Зөһрә Хәдит ҡыҙы
Фәйзуллина Зөһрә Хәдит ҡыҙы (29 июль 1946 йыл — 27 октябрь 2020 йыл) — педагог, журналист, шағир. Рәсәй Федерацияһының һәм Башҡортостан Республикаһының Яҙыусылар, Журналистар союздары ағзаһы. Башҡортостан Республикаһының атҡаҙанған уҡытыусыһы. Рамаҙан Өмөтбаев, Ким Әхмәтйәнов, Хөсәйен Әхмәтов исемендәге премиялар лауреаты.
| Фәйзуллина Зөһрә Хәдит ҡыҙы | |
| Зат | ҡатын-ҡыҙ |
|---|---|
| Гражданлыҡ |
 СССР Рәсәй |
| Тыуған көнө | 29 июль 1946 |
| Тыуған урыны | Ҡаҙмаш, Әбйәлил районы, Башҡорт АССР-ы, РСФСР, СССР |
| Вафат булған көнө | 27 октябрь 2020[1] (74 йәш) |
| Вафат булған урыны | Өфө, Рәсәй[1] |
| Һөнәр төрө | яҙыусы, журналист, уҡытыусы |
Биографияһы үҙгәртергә
Зөһрә Хәдит ҡыҙы Фәйзуллина 1946 йылдың 29 июлендә Башҡорт АССР-ының Әбйәлил районы Ҡаҙмаш ауылында тыуған.
Башҡорт дәүләт университетының филология факультетын тамамлаған.
1969—1980 йылдарҙа Әбйәлил районы мәктәптәрендә әҙәбиәт һәм тел уҡытыусыһы булып эшләй.
1980 йылда Сибайға күсеп килә, артабан мәктәп-интернатта һәм Сибай педагогия училищеһында (колледжы) уҡыта.
1996—2001 йылдарҙа «Атайсал» төбәк-ара гәзитенең баш мөхәррире була.
2005—2012 йылдарҙа — Сибайҙағы «Сулпан» башҡорт балалар театрының әҙәби бүлеге етәксеһе булып эшләй.
Зөһрә Хәдит ҡыҙы Фәйзуллина 2020 йылдың 27 октябрендә Өфө ҡалаһында вафат булды[2].
Ижады үҙгәртергә
Балалар һәм өлкәндәр өсөн төрлө жанрҙарҙа ижад итә. Уның «Илекле ҡыр», «Мөғжизә көтәм» йырҙар йыйынтыҡтары, «Йырҙарым — йөрәгемдә» электрон йырҙар баҫмаһы, кескәйҙәр өсөн «Олатайым аманаты» шиғырҙары; «Оло Етегән» пьесалар йыйынтығы, Мәктәп сәхнәһе өсөн пьесалар (2010 йыл); «Йәйғор төҫө» шиғырҙар альманахы һәм «Беҙҙең байрамдар» сценарийҙар йыйынтығы сығарыла.
Маҡтаулы исемдәре һәм башҡа бүләктәре үҙгәртергә
- Башҡортостан Республикаһының атҡаҙанған уҡытыусыһы,
- Рамаҙан Өмөтбаев исемендәге премия,
- Ким Әхмәтйәнов исемендәге премия
- Хөсәйен Әхмәтов исемендәге премия
Иҫкәрмәләр үҙгәртергә
- ↑ 1,0 1,1 Башинформ / под ред. В. А. Валерьевич — 1992.
- ↑ Өфөлә драматург, журналист һәм йырҙар авторы Зөһрә Фәйзуллина арабыҙҙан китте. «Башинформ» мәғлүмәт агентлығы, 27 октябрь 2020 йыл (Тикшерелеү көнө: 30 октябрь 2020)
Әҙәбиәт үҙгәртергә
- Зөһрә Фәйзуллина. Биография, шиғырҙар//Балалар әҙәбиәте антологияһы — Өфө, 2014 — 196-196-се бб.