Хисмәтуллин Фәйзрахман Шәйхитдин улы

Хисмәтуллин Фәйзрахман Шәйхитдин улы (2 декабрь 1925 йыл — 1998 йыл) — партия, дәүләт һәм йәмәғәт эшмәкәре, крайҙы өйрәнеүсе. Бөйөк Ватан һуғышында ҡатнашыусы. 1965—1977 йылдарҙа КПСС-тың Әбйәлил район комитетының беренсе секретары, 1977—1986 йылдарҙа Башҡорт АССР-ы Юғары Советы Президиумы секретары. КПСС-тың XXIV (1971) һәм XXV (1976) съездары делегаты. Башҡорт АССР-ының 7-11-се саҡырылыш Юғары Советы депутаты. БАССР-ҙың 1977 йылғы Конституцияһын әҙерләүҙә һәм ҡабул итеүҙә ҡатнашыусы.

Хисмәтуллин Фәйзрахман Шәйхитдин улы
Зат	ир-ат
Тыуған көнө	2 декабрь 1925({{padleft:1925|4|0}}-{{padleft:12|2|0}}-{{padleft:2|2|0}})
Тыуған урыны	Белорет, Башҡорт АССР-ы, РСФСР, СССР
Вафат булған көнө	1998
Сәйәси фирҡә ағзаһы	Советтар Союзы Коммунистар партияһы
Ҡатнашыусы	КПСС-тың XXV съезы[d] һәм XXIV съезд КПСС[d]
Һуғыш/алыш	Бөйөк Ватан һуғышы
Маҡтаулы исемдәре һәм башҡа бүләктәре

Биографияһы

Фәйзрахман Шәйхитдин улы Хисмәтуллин 1925 йылдың 2 декабрендә Башҡорт АССР-ының Белорет ҡалаһында тыуған. Әбйәлил районы Тупаҡ башланғыс мәктәбендә уҡый.

1943 йылда фронтҡа китә, 2-се Белорус фронтында һуғыша. 1944 йылда Польшаны азат иткәндә ҡаты яралана, дауаланғандан һуң сафҡа ҡайта.

1950 йылда демобилизациялана һәм Темәс педагогия училищеһына уҡырға инә, уны 1954 йылда экстерн рәүештә отличие менән тамамлай, ә 1958 йылда өлкә партия мәктәбен тамамлай. 1951—1977 йылдарҙа Әбйәлил районында эшләй, шул иҫәптән 1965—1977 йылдарҙа КПСС-тың Әбйәлил район комитетының беренсе секретары була.

Маҡтаулы исемдәре һәм башҡа бүләктәре

• Ленин ордены,
• I дәрәжә Ватан һуғышы ордены,
• Хеҙмәт Ҡыҙыл Байраҡ ордены,
• Почёт Билдәһе ордены
• «Хәрби ҡаҙаныштары өсөн», «Батырлыҡ өсөн», «Германияны еңгән өсөн» миҙалдары,
• БАССР-ҙың атҡаҙанған мәҙәниәт хеҙмәткәре,
• Әбйәлил районының почетлы гражданы.

Әҙәби эшмәкәрлеге

• Крайҙы өйрәнеүсе, тикшереү темаһы — 1950—1980 йылдарҙа Әбйәлил районы тарихы. Район гәзитендә мәҡәләләр яҙа.

Ғаиләһе

• Ҡатыны — Шәрифә, балалары — Батыр, Булат, Зәйтүнә һәм Зөлфиә.

Хәтер

• Тупаҡ ауылында, Асҡарҙа Фәйзрахман Хисмәтуллин урамы бар (икеһе лә — Әбйәлил районы).

Библиография

• Хисматуллин, Файзрахман Шайхитдинович. Воспоминания о родном Абзелиле. — Уфа: Гилем, 2000. — 135с.: ил. -

908(470. 57)(башк)+908(470. 57)

Әҙәбиәт

• Хисматуллин Файзрахман Шайхитдинович на сайте Литературная карта Республики Башкортостан
• Равиль РАМАЗАНОВ. «Настоящий патриот республики»(недоступная ссылка)// Республика Башкортостан, 14.12.2010