Түбә мәктәбе

Түбә мәктәбе — Башҡортостан Республикаһы Баймаҡ районы муниципаль районының Түбә ауылы урта дөйөм белем биреү мәктәбе

Түбә мәктәбе
Нигеҙләү датаһы	1924
Дәүләт	Рәсәй
Административ-территориаль берәмек	Башҡортостан Республикаhы, Баймаҡ районы һәм Түбә
Рәсми сайт	tubinsk.02edu.ru/sveden/…

Тарихы

1930 йылға тиклем Түбә ауылында дүрт класлы ике бер баҫҡыслы мәктәп эшләй. Беренсе мәктәп 1924 йылдан эшләй, унда рус балалары белем ала, ә икенсе башҡорт мәктәбе 1928 йылдан алып эшләй.

1934 йылда ике мәктәп тә 7 йыллыҡ (2 баҫҡыс) итеп үҙгәртелә. 1937 йылға тиклем балалар ҡулайлаштырылған бер нисә бинала шөғөлләнә. Беренсе башланғыс мәктәп (1-се баҫҡыс) әлеге мәсет урынында урынлаша, унда 4 класҡа тиклем рус һәм башҡорт, татар балалары уҡый. 2-се баҫҡыс мәктәптә 5, 6, 7 класс уҡыусылары 1935 йылда төҙөлгән бинала белем ала. Бында һуңынан 2-се башҡорт мәктәбе ҡарамағындағы интернат, шулай уҡ китапхана урынлаша.

30-се йылдар башында районда наҙанлыҡты бөтөрөү буйынса кампания башланғас, ауыл мәктәптәре нигеҙендә уҡыу курстары асыла һәм уҡытыусылар 2—3 йыл эсендә бөтөнләй белемһеҙ өлкәндәрҙе уҡырға-яҙырға өйрәтә.

Башҡорттар, татарҙар яңыраҡ индерелгән латин графикаһына өйрәнә, ә уға тиклем ғәрәп яҙмаһын ҡулланған була. 1937 йылда 1-се мәктәп директоры Ғәтиәтуллин Хәким Сәләм улы етәкселегендә 2-се башҡорт мәктәбенең ике ҡатлы яңы ағас бинаһы, 1939 йылда 1-се рус урта мәктәбе файҙаланыуға тапшырыла. 1938/1939 уҡыу йылында мәктәптәр урта мәктәп итеп үҙгәртеп ҡорола.

Етәкселәре

• Сәғитов Абдрахман Бикмөхәмәт улы (1927 йылдан)
• Ғәтиәтуллин Хәким Сәләм улы
• Усман Кәримов
• Әхмәҙулла Гәрәев
• Сергей Коравяковский
• Юламанов Әхиәр Мозафар улы (1966 йылдан)
• Байназарова Дилә Ишбулды ҡыҙы

Уҡытыусылары

Бында хеҙмәт эшмәкәрлеген башлайҙар

• Сырлыбаев Рим Әшрәф улы — хужалыҡ, партия һәм дәүләт эшмәкәре. 1982—1988 йылдарҙа Баймаҡ район Советы башҡарма комитеты рәйесе, 1988—1990 йылдарҙа КПСС-тың Баймаҡ район комитетының беренсе секретары. Башҡорт АССР-ының 11-се һәм 12-се саҡырылыш Юғары Советтары депутаты. Башҡортостан Республикаһының атҡаҙанған хеҙмәтләндереү өлкәһе хеҙмәткәре (1997). Башҡортостандың, РСФСР һәм СССР-ҙың халыҡ мәғарифы отличнигы. Баймаҡ районы һәм ҡалаһының почётлы гражданы (2011).
• Юлдашев Әхнәф Әхмәт улы — күренекле ғалим-төркиәтсе, филология фәндәре докторы, профессор. 1938-42 йылдарҙа 1-се һәм 2-се урта мәктәптә немец теле уҡытыусыһы булып эшләй.
• Ғафаров Булат Баҡый улы — Стәрлетамаҡ дәүләт педагогия институтының филология факультеты деканы, профессор. Рус һәм башҡорт теле һәм әҙәбиәте уҡытыусыһы, 2-се урта дөйөм белем биреү мәктәбенең уҡыу-уҡытыу бүлеге мөдире булып эшләй
• Мөхәмәтйәнова Ғәлиә Мөхтәр ҡыҙы — Башҡортостан Республикаһының халыҡ мәғарифы министры, педагогия фәндәре кандидаты. Рус теле һәм әҙәбиәте уҡытыусыһы, кластан тыш эште ойоштороусы булып эшләгән.
• Аҡкөбәкова Ямал Ғәли ҡыҙы — башланғыс кластар уҡытыусыһы, РСФСР-ҙың халыҡ мәғарифы отличнигы, «Хеҙмәт батырлығы һәм айырмаһы өсөн» 2 миҙалы менән бүләкләнгән. РСФСР Юғары Советы депутаты (50-се йылдар)
• Бикбулатова Фәриҙә Ғариф ҡыҙы — Сибай педагогия училищеһы мөдире. БАССР һәм РСФСР мәктәптәренең атҡаҙанған уҡытыусыһы, «Почет билдәһе» ордены кавалеры. Оҙаҡ йылдар (1948—1964) мәктәптең уҡыу-уҡытыу бүлеге мөдире булып эшләй.
• Сибаева Ғәрифә Ишмөхәмәт ҡыҙы — «Ленин» ордены кавалеры, биология уҡытыусыһы
• Хәйбуллина Гөлсөм Хәлил ҡыҙы — «Ленин» ордены кавалеры, башланғыс кластар уҡытыусыһы
• Колесников Виталий Федорович-РСФСР-ҙың һәм СССР-ҙың халыҡ мәғарифы отличнигы, 1-се урта мәктәп директоры
• Колесникова Наталья Константиновна — БАССР-ҙың атҡаҙанған уҡытыусыһы, рус теле һәм әҙәбиәте уҡытыусыһы, РСФСР-ҙың халыҡ мәғарифы отличнигы
• Исмәғилева Зоя Захаровна — БАССР-ҙың атҡаҙанған уҡытыусыһы, рус теле һәм әҙәбиәте уҡытыусыһы
• Арыҫланғәлина Мөнирә Ғәлетдин ҡыҙы — РСФСР-ҙың халыҡ мәғарифы отличнигы, математика уҡытыусыһы

• Абдуллина Эльвира Рәхимйән ҡыҙы — уҡыу-тәрбиә эше буйынса директор урынбаҫары
• Ҡустыбаева Дилара Урал ҡыҙы — тәрбиә эше буйынса директор урынбаҫары
• Әхмәтова Лилиә Рафиҡ ҡыҙы — башланғыс кластар уҡытыусыһы
• Баҡыева Гөлйемеш Ғәли ҡыҙы — инглиз теле уҡытыусыһы
• Ғибәҙәтова Нәйлә Марат ҡыҙы — рус теле һәм әҙәбиәте уҡытыусыһы
• Исхаҡова Дилә Әҙеһәм ҡыҙы — туған тел һәм туған әҙәбиәт уҡытыусыһы
• Кисельникова Гөлнара Салауат ҡыҙы — математика, физика уҡытыусыһы
• Моталлапов Илфат Рамаҙан улы — физик культура уҡытыусыһы
• Мөхәмәтйәнова Гөлдәр Ишбулды ҡыҙы — биология, химия, география уҡытыусыһы
• Хәлфин Миҙхәт Тәлғәт улы — тарих, йәмғиәтте өйрәнеү уҡытыусыһы
• Хәлфина Гөлдәр Рамазан ҡыҙы — башланғыс кластар уҡытыусыһы
• Юламанова Гөлзифа Сабит ҡыҙы — башланғыс кластар уҡытыусыһы
• Йомағолова Ләйсән Рафиҡ ҡыҙы — рус теле һәм әҙәбиәте уҡытыусыһы
• Мәҡсүтова Розалиә Рәшит ҡыҙы — балалар баҡсаһы тәрбиәсеһе
• Тутаева Зифа Нуриман ҡыҙы — балалар баҡсаһы тәрбиәсеһе, музыка хеҙмәткәре

Мәктәпте тамамлаусы билдәле шәхестәр

• Юламанов Әхиәр Мозафар улы (15 декабрь 1929 йыл — 1978 йыл) — мәғариф хеҙмәткәре, Башҡортостан Республикаһының атҡаҙанған уҡытыусыһы.

Шулай уҡ уҡығыҙ

• Түбә

Һылтанмалар

• Мәктәп сайты МОБУ СОШ С.ТУБИНСКИЙ
• Түбә урта мәктәбе Түбә урта мәктәбе