Токио милли музейы
Токио милли музейы (япон. 東京国立博物館То:кё: кокурицу хакубуцукан) — Японияның иң боронғо һәм иң ҙур музейы. Токио ҡалаһының Уэно паркы биләмәһендә урынлашҡан. Яҡынса 100 мең квадрат метр майҙанда биш корпус урынлашҡан: Төп, Көнсығыш, Церемониаль, Хэйсэй һәм Хорю-дзи ғибәҙәтханалар хазиналары. Милли музей мөһабәт мәҙәни үҙәк булып тора.
Музей корпустары
үҙгәртергә
Төп корпус (япон. 本館Хонкан) — Милли музейҙың төп күргәҙмә галереяһы, 1938 йылда асылған. Архитекторы — Дзюн Ватанабэ. Бында һынлы һәм ҡулланма сәнғәт әҫәрҙәре, тарихи һәм этнографик материалдар, япон мәҙәниәтенең үҫеш юлдарын күҙәтергә мөмкинлек биргән һәм уның хас үҙенсәлектәре тураһында мәғлүмәт биргән япон мәҙәни ҡиммәттәре тупланған.
Церемониаль корпус (япон. 表慶館Хё:кэйкан). 1909 йылда асылған. Архитекторы — Такума Катаяма. Церемониаль корпус бөгөнгө көндә музей сиктәрендә мәғрифәтселек үҙәге булараҡ файҙаланыла, уның бинаһы Мэйдзи дәүеренең (1867—1912) көнбайыш стилендә күренекле архитектура ҡомартҡыһы булып тора. Унда төрлө ғилми йәмғиәттәр эшләй, семинарҙар уҙғарыла.
Көнсығыш корпусы (япон. 東洋館То:ё:кан). 1968 йылда асылған. Архитекторы — Ёсиро Танигути. Көнсығыш корпусында һынлы һәм ҡулланма сәнғәт әҫәрҙәре, шулай уҡ, Япониянан тыш, көнсығыш төбәгенең бөтә илдәренән археологик табылдыҡтар ҡуйылған, унда һәр ил мәҙәниәтенең үҙенсәлектәре менән танышырға һәм Япония менән мәҙәни бәйләнештәрҙе күҙәтергә мөмкин.
Хэйсэй корпусы (япон. 平成館Хэйсэйкан) һәм Хорю-дзи ғибәҙәтханаларының хазиналары корпусы (япон. 法隆寺宝物館Хо:рю:-дзи хо:моцукан). 1999 йылда асылғандар.
Музейҙың барлыҡҡа килеү тарихы
үҙгәртергәБарыһы ла 1872 йылда Токионың Юсима-сэйдо ғибәҙәтханаһының Тайсэйдэн бинаһында уҙған күргәҙмәнән башлана, улар араһында — император ғаиләһенең шәхси әйберҙәренән башлап һарайҙың хазинаһынан һәм боронғо йыһаздарынан алып, илдең тәбиғи байлыҡтарын, уның флораһын һәм фаунаһын күрһәткән экспозициялар һәм тәбиғи аҙыҡ-түлек өлгөләренә тиклем төрлө мәҙәни мираҫ ҡомартҡылары була. Күргәҙмә ҙур уңыш ҡаҙанған, унда дөйөм алғанда йөҙ илле меңләп кеше ҡатнаша. Күргәҙмә ил тормошонда милли абруйҙы күтәреү күҙлегенән генә түгел, башҡалар өсөн дә әһәмиәтле ваҡиғаға әүерелгән. Ул илдең тәбиғәтен, уның тарихын яңыса, дөйөмләштереп күрергә мөмкинлек биргән, уникаль тәбиғәт байлыҡтарын яҡлау, бөтә кешелектең байлығы булып торған мәҙәни йолаларҙы һәм мираҫты һаҡлау кәрәклеге тураһында мәсьәлә ҡуйған. Күргәҙмәне әҙерләү һәм үткәреү өсөн махсус учреждение ойошторола, уны Мәҙәниәт һәм мәғариф министрлығы ҡарамағындағы музей тип атайҙар. Ул Токио Милли музейының өлгөһөнә әүерелгән дә инде.
Коллекция
үҙгәртергәӘлеге ваҡытта Токио Милли музейы коллекцияһында йөҙ егерме мең самаһы һаҡлау берәмеге иҫәпләнә. Улар араһында һынлы сәнғәт, каллиграфия, скульптура кеүек төрлө сәнғәт әҫәрҙәренән тыш, металдан изделиелар, ҡорал, хәрби кейемдәр, керамика, лак изделиелары, туҡымалар, архитектура ҡомартҡылары макеттары ғына түгел, археологик табылдыҡтар, тарихи һәм этнографик материал, бик күп тематик баҫмалар һәм фотоматериалдар ҙа бар.
Һылтанмалар
үҙгәртергә- Музей сайты
Викимилектә Токио милли музейы темаһы буйынса медиафайлдар бар.
- ↑ ROR Data — v1.19 — 2023. — doi:10.5281/ZENODO.7644942
- ↑ https://jpcoar.repo.nii.ac.jp/page/40
- ↑ 3,0 3,1 https://www.tnm.jp/modules/r_free_page/index.php?id=144
- ↑ Art's most popular (ингл.): Exhibition and museum visitor figures 2019 // The Art Newspaper — 2020. — Vol. XXIX, Iss. 322. — ISSN 0960-6556
- ↑ Art's most popular (ингл.): Exhibition and museum visitor figures 2021 // The Art Newspaper — 2022. — ISSN 0960-6556
- ↑ https://kunishitei.bunka.go.jp/heritage/detail/102/3699
- ↑ McCarthy D., Wallace A. Open GLAM Survey // Google Sheets — 2018.
- ↑ Интерфейс программирования приложения YouTube