Мөхәммәттең мөлкәте

Мөхәммәт Пәйғәмбәрҙең мөлкәте — ҡорал, һуғыш кәрәк-ярағы һәм кейем-һалым, шул иҫәптән уникаль исемдәр менән билдәле предметтар төркөмөнән тора. Был әйберҙәрҙең бөтәһе лә Мөхәммәтеке с.ғ.с. булыуында шиктәр бар, сөнки уларҙың күптәре һуғыштар һәм бәлә-ҡазалар ваҡытында юғалған.

Истанбул - Tопҡапы - Мөхәммәт Пәйғмбәрҙең әйберҙәре һаҡланған бүлмә 27-5-2006

Ҡорал

Ҡылыстар

Мөхәммәт Пәйғәмбәрҙең туғыҙ ҡылысы булған: 2-һе мираҫ итеп алынған, 3-өһө табыш сифатында, ә ҡайһы берҙәре бүләк итеп бирелгән. Мөхәммәттең туғыҙ ҡылысының һигеҙе Төркиәнең Топҡапы һарайында урынлашҡан. 9-сыһы Ҡаһирәлә, Мысырҙа һаҡлана.

Әммә хәҙистәрҙә тик «Ҙүл-фәҡәр» тигәне генә ысынбарлыҡ тип раҫланған.

Ҡалъяны (һаҙағы)

Мөхәммәттең Әл-Кәфур (ғәр. الكافور‎) тигән һаҙағы билдәле. Уның ҡайышы дупланған күндән эшләнгән була. Был ҡалъяндың шулай уҡ өс көмөш түңәрәк ҡулсаһы, айылы, ситтәре көмөштән эшләнгән була.

Йәйәләре

Мөхәммәттең исемле 6 йәйәһе була.

• Әз-Зәүра (ғәр. الزوراء‎)
• Әр-Рауha (ғәр. الروحاء‎)
• Әс-Сафра (ғәр. الصفراء‎)
• Әл-Байдағ (ғәр. البيضاء‎)
• Әл-Kәтәм (ғәр. الكتوم‎): Был йәйә Өхүд һуғышы ваҡытында һынған һәм артабан уны Qatadah bin an-Nu’man үҙенә алған
• Әс-Сәддәт(ғәр. السداد ‎)

Һөңгөләре

Мөхәммәт исемле биш һөңгөгә хужа була.

• Әл-Мәҫәүи (ғәр. المثوي‎)
• Әл-Мүҫәннә (ғәр. المثنى‎)
• Ән-Нәғбәһ (ғәр. النعبة‎):бәләкәй һөңгө
• Әл-Байдағ (ғәр. البيضاء‎)ҙур һөңгө
• Әлғәнзәт (ғәр. العنزة‎): Мөхәммәт Пәйғәмбәрҙең байрамдарға барғанда тота торған ҡыҫҡа һөңгөһө. Намаҙ уҡығанда сүтрә итеп алдына һалған. Ваҡыты менән Мөхәмәт әлғәнзәтте тотоп йөрөгән.

Һаймандары

Мөхәммәттең ете һайманы була

• Ҙәт әл-Фудул (ғәр. ذات الفضول‎), был һайманын Мөхәммәт Пәйғәмбәр йәһүд кешеһе Әбү әш-Шәһмигә 30 сағ арпаға (ғаиләһенә ашатырға) залог итеп биргән булған. Бер йыл бурысын түләй. Был һайман тимерҙән яһалған була.
• Ҙәт әл-Үишәһ (ғәр. ذات الوشاح‎)
• Ҙәт әл-Һәүәши (ғәр. ذات الحواشي‎)
• Әс-Сәғдийәһ (ғәр. السعدية‎)
• Фыддаһ (ғәр. فضة‎)
• Әл-Бәтраһ (ғәр. البتراء‎)
• Әл-Хәрнәҡ (ғәр. الخرنق‎)

Торҡалары

Мөхәммәттең бер нисә торҡаһы була.

• Әл-Мүшәһ (ғәр. الموشح‎): баҡыр ялатылған тимерҙән булған.
• Әс-Сәбүғ (ғәр. السبوغ‎) йәки Ҙү әс-Сәбүғ (ғәр. ذو السبوغ‎)

Ҡалҡандары

Мөхәммәттең ҡалҡаны бер нисә була.

• Әз-Зәлүҡ (ғәр. الْزَلُوق‎)
• Әл-Фитәҡ (ғәр. الفتق‎) Мөхәммәткә с.ғ.с. бүләк итеп бирелгән. Уға статуя һыны төшөрөлгән булған, тиҙәр. Мөхәммәт статуяны гел ҡулы менән ҡаплай торған булған, Аллаһ бойорғанса, һүрәт юғала барған һәм юҡҡа сыҡҡан.

Кейем һәм аксессуарҙар

Мөхәммәттең өс оҙон күлдәге (ғәрәпсә — жүббә) була, уларҙы ул һуғыш ваҡытында кейә. Хәҙистәрҙең береһендә, ул һуғыш ваҡытында ебәк кейергә рөхсәт иткән, тип әйтелә. Әйберҙәренең тасуирламаһы:

• Әл-Ғүҡәб (ғәр. العقاب‎): ҡара байраҡ йәки әләм. Әбү Дауыттың «Сүнән»ендә бер хәҙис килтерелә: «Мин Пәйғәмбәрҙең байрағын күрҙем, ул һары ине»"
• Ҡара әләмдәр, улар ҡайһы саҡ аҡ төҫтәгеләр менән ҡушылған.
• Әл-Кән тигән сатыр (ғәр. الكن‎), шулай уҡ Мөхәммәт йөрөргә сыҡҡанда йәки һыбай йөрөгәндә алып сыға торған бер терһәк оҙонлоғо таяҡ.
• Әл-Әржүн тигән күҫәк.
• Әл-Мәмшүҡ тигән таяҡ.

Шулай уҡ ҡарағыҙ

• Мөхәммәт ҡомартҡылары
• Мөхәммәт мөһөрө

Һылтанмалар

• al-Mikhdham (inc. image) — source: Center for Middle East and Islamic Studies, Department of History, United States Naval Academy
• List of Prophet’s Swords